ತಿರುಪತಿ ದೇವಸ್ಥಾನದಲ್ಲೇ ಕೃತಿ ಸನೋನ್​ಗೆ ಮುತ್ತಿಟ್ಟ ನಿರ್ದೇಶಕ! ಹೋಟೆಲ್ ರೂಂ ಬುಕ್ ಮಾಡಿ ಎಂದ ಅರ್ಚಕ…

ತಿರುಪತಿ: ಜೂನ್ 7ರಂದು ತಿರುಪತಿಯ ವೆಂಕಟೇಶ್ವರ ದೇವಸ್ಥಾನದಲ್ಲಿ ನಟಿ ಕೃತಿ ಸನೋನ್ ರನ್ನು ಆದಿಪುರುಷ್ ಚಲನಚಿತ್ರ ನಿರ್ದೇಶಕ ಚುಂಬಿಸಿದ್ದಾರೆ ಎಂದು ವರದಿಯಾಗಿದೆ. ಇದಕ್ಕೆ ಚಿಲ್ಕೂರ್ ಬಾಲಾಜಿ ದೇವಾಲಯದ ಪ್ರಧಾನ ಅರ್ಚಕರು ಆಕ್ಷೇಪ ವ್ಯಕ್ತಪಡಿಸಿದ್ದಾರೆ. ಸಾರ್ವಜನಿಕವಾಗಿ ಪ್ರೀತಿಯನ್ನು ಪ್ರದರ್ಶಿಸುವ ಬಗ್ಗೆ, ಅದರಲ್ಲೂ ಧಾರ್ಮಿಕ ಸ್ಥಳದಲ್ಲಿ ಪ್ರದರ್ಶಿಸುವುದಕ್ಕೆ ಅರ್ಚಕರು, ಈ ಕೃತ್ಯವು 'ಖಂಡನೀಯ' ಎಂದು ಹೇಳಿದರು.

ಜೂನ್ 7 ರಂದು ಚಲನಚಿತ್ರ ನಿರ್ದೇಶಕ ಕೃತಿ ಸನೋನ್ ರನ್ನು ದೇವಾಲಯದ ಆವರಣದಲ್ಲಿ ಚುಂಬಿಸಿದ ನಂತರ ಹೊಸ ವಿವಾದ ಭುಗಿಲೆದ್ದಿತು. ಇದು ಸಾಮಾಜಿಕ ಮಾಧ್ಯಮದಲ್ಲಿ ಕೋಲಾಹಲಕ್ಕೆ ಕಾರಣವಾಯಿತು. ಬಿಜೆಪಿ ರಾಜ್ಯ ಕಾರ್ಯದರ್ಶಿ ರಮೇಶ್ ನಾಯ್ಡು ಈ ದೃಶ್ಯವನ್ನು ಟೀಕಿಸಿದ್ದರು. ಆದರೆ ನಂತರ ಅವರ ಟ್ವೀಟ್ಅನ್ನು ಅಳಿಸಿದ್ದರು.

ಬಿಜೆಪಿ ನಾಯಕರ ಮಾತನ್ನು ಬೆಂಬಲಿಸಿದ ದೇವಸ್ಥಾನದ ಪ್ರಧಾನ ಅರ್ಚಕರು, "ಇದು ಖಂಡನೀಯ ಕೃತ್ಯ. ಗಂಡ ಮತ್ತು ಹೆಂಡತಿ ಕೂಡ ದೇವಾಲಯದಲ್ಲಿ ಹಾಗೆ ಮಾಡುವುದಿಲ್ಲ. ನೀವು ಹೋಟೆಲ್ ಕೋಣೆಗೆ ಹೋಗಿ ಏನು ಬೇಕಾದರೂ ಮಾಡಬಹುದು. ನಿಮ್ಮ ನಡವಳಿಕೆ ರಾಮಾಯಣ ಮತ್ತು ಸೀತಾ ದೇವಿಯನ್ನು ಅವಮಾನಿಸಿದಂತೆ” ಎಂದಿದ್ದಾರೆ.

ಕೃತಿ ಸನೋನ್.ಗೆ ಓಂ ರಾವತ್ ಚುಂಬಿಸಿದ ನಂತರ ಭುಗಿಲೆದ್ದ ವಿವಾದ 

ಆದಿಪುರುಷ್ ತಂಡವು ಜೂನ್ 7ರಂದು ತಿರುಮಲದಲ್ಲಿ ಚಿತ್ರದ ಅಂತಿಮ ಟ್ರೈಲರ್ ಅನ್ನು ಅನಾವರಣಗೊಳಿಸಿತ್ತು. ಬುಧವಾರ, ನಿರ್ದೇಶಕ ಓಂ ರಾವತ್ ಮತ್ತು ಕೃತಿ ಸನೋನ್ ತಿರುಪತಿಯ ವೆಂಕಟೇಶ್ವರ ದೇವಸ್ಥಾನದಕ್ಕೆ ದರ್ಶನಕ್ಕಾಗಿ ತೆರಳಿದ್ದಾರೆ. ಈಗ ವೈರಲ್ ಆಗುತ್ತಿರುವ ವೀಡಿಯೊದಲ್ಲಿ, ಚಲನಚಿತ್ರ ನಿರ್ದೇಶಕ ಕೃತಿಗೆ ವಿದಾಯ ಹೇಳುವಾಗ ಅವರ ಕೆನ್ನೆಗೆ ಚುಂಬಿಸುವುದನ್ನು ಕಾಣಬಹುದು. ನೆಟ್ಟಿಗರು ಮತ್ತು ಬಿಜೆಪಿ ರಾಜ್ಯ ಕಾರ್ಯದರ್ಶಿ ರಮೇಶ್ ನಾಯ್ಡು ಈ ವಿರುದ್ಧ ಕಾಮೆಂಟ್ ಮಾಡಿದ್ದಾರೆ.

ಸಾರ್ವಜನಿಕವಾಗಿ ಪ್ರೀತಿಯನ್ನು ಪ್ರದರ್ಶಿಸಿದ್ದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ ಬಿಜೆಪಿ ನಾಯಕ, ಇದು ಅಗತ್ಯವೇ ಎಂದು ಪ್ರಶ್ನಿಸಿದರು. ಆದಾಗ್ಯೂ, ಕೃತಿ ಸನೋನ್ ಸಾಮಾಜಿಕ ಮಾಧ್ಯಮದಲ್ಲಿ ದೇವಸ್ಥಾನಕ್ಕೆ ತೆರಳಿದ್ದ ಫೋಟೋವನ್ನು ಹರಿಯಬಿಟ್ಟಿದ್ದಾರೆ. ಅವರು ಅಲ್ಲಿ ಜನರಿಂದ ಪಡೆದ ಪ್ರೀತಿ ಮತ್ತು ತಿರುಪತಿ ದೇವಾಲಯ ಭೇಟಿಗಾಗಿ ಕೃತಜ್ಞತಾ ಟಿಪ್ಪಣಿಯನ್ನು ಸಹ ಬರೆದಿದ್ದಾರೆ. (ಏಜೆನ್ಸೀಸ್)

https://www.vijayavani.net/school-management-arrested-for-forcing-hindu-children-to-wear-hijab

https://www.vijayavani.net/world-brain-tumour-day