ಶೀಘ್ರದಲ್ಲೇ ಬದಲಾವಣೆ ಆಗಲಿದೆ ಜಿಮೇಲ್ ಲಾಗಿನ್ ವಿಧಾನ: ಗೂಗಲ್​ನಿಂದ ಮಹತ್ವದ ಅಪ್​ಡೇಟ್​! Gmail Login

Gmail Login : ವಾಟ್ಸ್​ಆ್ಯಪ್​, ಫೇಸ್‌ಬುಕ್, ಇನ್‌ಸ್ಟಾಗ್ರಾಮ್ ಹಾಗೂ ಎಕ್ಸ್ (ಟ್ವಿಟರ್) ಇತ್ಯಾದಿ ಸಾಮಾಜಿಕ ಜಾಲತಾಣ ವೇದಿಕೆಗಳು ಕಾಲಕಾಲಕ್ಕೆ ತಮ್ಮ ಫೀಚರ್​ಗಳ ಕುರಿತು ಅಪ್​ಡೇಟ್​ ಪಡೆಯುತ್ತಲೇ ಇರುತ್ತವೆ. ಇದೀಗ ಗೂಗಲ್ ಕೂಡ ಬಳಕೆದಾರರ ಸುರಕ್ಷತೆಯನ್ನು ಗಮನದಲ್ಲಿಟ್ಟುಕೊಂಡು ಜಿಮೇಲ್​ಗಾಗಿ ಹೊಸ ಅಪ್​ಡೇಟ್​ ತರಲಿದೆ. ಆ ಅಪ್​ಡೇಟ್​ ಏನು? ಅದರ ಪ್ರಯೋಜನಗಳೇನು? ಎಂಬುದನ್ನು ನಾವೀಗ ವಿವರವಾಗಿ ತಿಳಿದುಕೊಳ್ಳೋಣ.

ಇಲ್ಲಿಯವರೆಗೆ ಜಿಮೇಲ್​ಗೆ ಲಾಗಿನ್​ ಆಗುವಾಗ ಬಳಕೆದಾರರ ಗುರುತನ್ನು ಪರಿಶೀಲಿಸಲು ಗೂಗಲ್ ನೋಂದಾಯಿತ ಮೊಬೈಲ್ ಸಂಖ್ಯೆಗೆ ಆರು ಅಂಕಿಯ ದೃಢೀಕರಣ ಕೋಡ್‌ಗಳನ್ನು SMS ರೂಪದಲ್ಲಿ ಕಳುಹಿಸುತ್ತಿತ್ತು. ಆದರೆ ಶೀಘ್ರದಲ್ಲೇ ಗೂಗಲ್ ಈ ವಿಧಾನವನ್ನು ನಿಲ್ಲಿಸಲಿದೆ.

ನಂಬರ್​ ಕೋಡ್​ಗಳ ಬದಲಾಗಿ, ಗೂಗಲ್​ QR ಕೋಡ್ ಅನ್ನು ಮುಂದೆ ಜಾರಿಗೆ ತರಲಿದೆ. ಬಳಕೆದಾರರ ವಿವರಗಳನ್ನು ಹೆಚ್ಚು ಸುರಕ್ಷಿತವಾಗಿರಿಸಲು ಗೂಗಲ್​ ಈ ವಿಧಾನವನ್ನು ಪರಿಚಯಿಸಲಿದೆ ಎಂದು ಮನಿ ಕಂಟ್ರೋಲ್​ ವೆಬ್​ಸೈಟ್​ ವರದಿ ಮಾಡಿದೆ.

ಇದನ್ನೂ ಓದಿ: ಮಜ್ಜಿಗೆಯಲ್ಲಿ ಇದನ್ನು ಮಿಕ್ಸ್​ ಮಾಡಿ ಕುಡಿದ್ರೆ ಸಾಕು ಬೆಣ್ಣೆಯಂತೆ ಕರಗುತ್ತೆ ಸೊಂಟದ ಸುತ್ತಲೂ ಇರುವ ಕೊಬ್ಬು! Buttermilk

ಈ QR ಕೋಡ್ ವ್ಯವಸ್ಥೆ ಜಾರಿಗೆ ಬಂದ ನಂತರ, ನಿಮಗೆ ಆರು-ಅಂಕಿಯ ದೃಢೀಕರಣ ಕೋಡ್ ಬದಲಿಗೆ QR ಕೋಡ್ ಸಿಗುತ್ತದೆ. ಕ್ಯೂಆರ್​ ಕೋಡ್​ ಬಂದಾಗ ನೀವು ಮಾಡಬೇಕಾಗಿರುವುದು ನಿಮ್ಮ ಫೋನ್‌ನ ಕ್ಯಾಮೆರಾದೊಂದಿಗೆ ಆ ಕೋಡ್ ಅನ್ನು ಸ್ಕ್ಯಾನ್ ಮಾಡುವುದು. ಈ ವಿಧಾನ SMS ಆಧಾರಿತ ವಂಚನೆಯನ್ನು ಕಡಿಮೆ ಮಾಡುತ್ತದೆ. ಸೈಬರ್ ಅಪರಾಧಿಗಳು ಹೆಚ್ಚುತ್ತಿರುವ ಈ ಸಮಯದಲ್ಲಿ Google ಇಂಥದ್ದೊಂದು ಮಹತ್ವದ ನಿರ್ಧಾರವನ್ನು ತೆಗೆದುಕೊಂಡಿದೆ.

ಜಿಮೇಲ್ ಲಾಗಿನ್ ಪ್ರಕ್ರಿಯೆಯಲ್ಲಿನ ಬದಲಾವಣೆಯು QR ಕೋಡ್ ರೂಪದಲ್ಲಿ ಬರಲಿದೆ ಎಂದು ಹೇಳಲಾಗುತ್ತಿದೆ. ಆದರೆ, ಇದು ಯಾವಾಗ ಜಾರಿಗೆ ಬರುತ್ತದೆ ಎಂಬುದರ ಕುರಿತು ಯಾವುದೇ ಅಧಿಕೃತ ಮಾಹಿತಿ ಇಲ್ಲ. ಈ ಅಪ್​ಡೇಟ್​ ಸಾಧ್ಯವಾದಷ್ಟು ಬೇಗ ಬರುವ ಸಾಧ್ಯತೆಯಿದೆ ಎಂದು ವರದಿಯಾಗಿದೆ. (ಏಜೆನ್ಸೀಸ್​)

https://www.vijayavani.net/these-zodiac-signs-are-happy-even-when-they-are-alone-is-your-zodiac-sign-one-of-these

https://www.vijayavani.net/no-one-who-came-to-the-maha-kumbh-mela-saw-this-a-skill-only-to-women-in-india