ಅಕ್ಷಯ ತೃತೀಯದಂದೇ ಚಿನ್ನದಂಗಡಿಗೆ ದೋಖಾ! ನಕಲಿ ಆಭರಣ ನೀಡಿ 47ಗ್ರಾಂ ಚಿನ್ನ ವಂಚಿಸಿದ ಮಹಿಳೆಯರು! Akshaya Tritiya

Akshaya Tritiya: ಅಕ್ಷಯ ತೃತೀಯದಂದು ಚಿನ್ನ ಖರೀದಿಗೆ ಹೋದ ಮಹಿಳೆಯರು ನಕಲಿ ಒಡವೆಗಳನ್ನು ಕೊಟ್ಟು ಆಭರಣ ಅಂಗಡಿಗೆ ವಂಚಿಸಿದ ಘಟನೆ ರಾಯ್‌ಪುರದ ಉರ್ಲಾ ಪ್ರದೇಶದಲ್ಲಿ ಬುಧವಾರ (ಏ.30) ನಡೆದಿದೆ.

ಇದನ್ನೂ ಓದಿ: ಪಾಕ್ ನಟಿ ಹನಿಯಾ ಆಮೀರ್‌ಗೆ ನೀರಿನ ಬಾಟಲಿ ಗಿಫ್ಟ್ ಕೊಟ್ಟ ಭಾರತೀಯ ಅಭಿಮಾನಿಗಳು| Hania Aamir

ರಾಯ್‌ಪುರದ ಉರ್ಲಾದಲ್ಲಿನ ಒಂದು ಪ್ರತಿಷ್ಠಿತ ಆಭರಣ ಅಂಗಡಿ ಅಕ್ಷಯ ತೃತೀಯಂದು ಕೊಡುಗೆಯಾಗಿ ಹಳೆಯ ಆಭರಣಗಳನ್ನು ಕೊಟ್ಟು ಅದೇ ಬೆಲೆಗೆ ಹೊಸ ಆಭರಣವನ್ನು ತೆಗೆದುಕೊಳ್ಳಲು ಬಂಪರ್​ ಆಫರ್​​ ನೀಡಲಾಗಿತ್ತು. ಇದನ್ನು ತಿಳಿದ ಇಬ್ಬರು ಮಹಿಳೆಯರು ಒಂದಿಷ್ಟು ನಕಲಿ ಒಡೆವೆಗಳನ್ನು ಕೊಟ್ಟು ಅಲ್ಲಿನ ಚಿನ್ನದ ಒಡವೆಗಳನ್ನು ತಮ್ಮದಾಗಿಸಿಕೊಂಡು ಅಂಗಡಿ ಮಾಲೀಕನಿಗೆ ವಂಚಿಸಿದ್ದಾರೆ. ಈ ಮಹಿಳೆಯರು ನಕಲಿ ಒಡವೆಯ ಜೊತೆ ಅದರ ಡುಬ್ಲಿಕೇಟ್​​ ಬಿಲ್​ಗಳನ್ನು ತೋರಿಸಿ ಮಾಲೀಕನನ್ನು ಯಾಮಾರಿಸಿದ್ದಾರೆ.

ಆಭರಣ ಅಂಗಡಿಯ ಮಾಲೀಕನು ಅವರು ಹೋದ ನಂತರ ಆಭರಣಗಳನ್ನು ಪರಿಶೀಲಿಸಿದಾಗ, ಅದು ನಕಲಿ ಎಂದು ತಿಳಿದುಬಂದಿದೆ. ಈ ಮಹಿಳೆಯರು ಪ್ಲಾನ್​ ಮಾಡಿ ನಕಲಿ ಆಭರಣವನ್ನು ಕೊಟ್​ಟು 47 ಗ್ರಾಂ ಚಿನ್ನದ ಒಡವೆಗಳನ್ನು ವಂಚಿಸಿದ್ದಾರೆ.

ಅಂಗಡಿಯವನು ಅಪರಿಚಿತ ಮಹಿಳೆಯರ ವಿರುದ್ಧ ಪ್ರಕರಣ ದಾಖಲಿಸಿದ್ದಾನೆ. ಸಿಸಿಟಿವಿ ಕ್ಯಾಮೆರಾದಿಂದ ಇಬ್ಬರೂ ಮಹಿಳೆಯರ ಚಿತ್ರಗಳನ್ನು ಹೊರತೆಗೆಯಲಾಗಿದ್ದು, ಅವರ ಹುಡುಕಾಟ ಆರಂಭಿಸಲಾಗಿದೆ ಎಂದು ಉರ್ಲಾ ಪೊಲೀಸರು ಮಾಹಿತಿ ನೀಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/central-government-decides-to-conduct-caste-census-in-the-country