Gold Price: ಚಿನ್ನ ಗಗನಮುಖಿ .. ಸಾರ್ವಕಾಲಿಕ ಗರಿಷ್ಠ ಬೆಲೆ ತಲುಪಿದ ಬಂಗಾರ! ಬೆಂಗಳೂರಲ್ಲಿ ಬೆಲೆ ಎಷ್ಟು?

ಬೆಂಗಳೂರು: ಕೇಂದ್ರ ಸರ್ಕಾರ ಕಸ್ಟಮ್ಸ್​ ಸುಂಕ ಇಳಿಸಿದ ನಂತರ ಇಳಿಮುಖವಾಗಿದ್ದ ಬಂಗಾರದ ಬೆಲೆ(Gold Price) ಮತ್ತೆ ಗಗನಮುಖಿಯಾಗಿದೆ. ಚಿನ್ನದ ಮೇಲೆ ಹೂಡಿಕೆ ಮಾಡುವವರಿಗೆ ಒಳ್ಳೆಯ ಸುದ್ದಿ, ಖರೀದಿಸಲು ಬಯಸುವವರಿಗೆ ಕೆಟ್ಟ ಸುದ್ದಿ ಹೊರಬಿದ್ದಿದೆ. ದರ ಭಾರಿ ಪ್ರಮಾಣದಲ್ಲಿ ಹೆಚ್ಚಾಗುತ್ತಿದ್ದು, ಮಂಗಳವಾರ(ಸೆ.25)ಗರಿಷ್ಠ ಮಟ್ಟ ತಲುಪಿದೆ.

ಇದನ್ನೂ ಓದಿ: Tirupati Laddu Row: ಆಂಧ್ರ ಮಾಜಿ ಸಿಎಂ ಜಗನ್​ ದೀಕ್ಷೆ..ಪೂಜಾ ಸ್ಥಳ ನಿಗೂಢ!

ಆಗಸ್ಟ್ ತಿಂಗಳಿನಲ್ಲಿ ಬೆಂಗಳೂರಿನಲ್ಲಿ 22 ಕ್ಯಾರೆಟ್ ಚಿನ್ನದ ದರ ಗರಿಷ್ಟ 63,500 ಇದ್ದಿದ್ದು ಈಗ ಸೆಪ್ಟೆಂಬರ್​ ಅಂತ್ಯಕ್ಕೆ 70,600 ರೂ. ತಲುಪಿದೆ. ತಿಂಗಳ ಅವಧಿಯಲ್ಲಿ 7 ಸಾವಿರ ರೂ. ಏರಿಕೆಯಾಗಿದೆ.

ಪ್ರಸ್ತುತ, ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಸ್ಪಾಟ್ ಚಿನ್ನದ ದರವು ಪ್ರತಿ ಔನ್ಸ್‌ಗೆ 2655 ಡಾಲರ್‌ ಇದೆ. ದೇಶೀಯವಾಗಿ ಕಳೆದ 6 ದಿನಗಳಿಂದ ಚಿನ್ನದ ಬೆಲೆ ಭಾರಿ ಪ್ರಮಾಣದಲ್ಲಿ ಏರಿಕೆಯಾಗುತ್ತಲೇ ಇದೆ.

ಸಾರ್ವಕಾಲಿಕ ಗರಿಷ್ಟ ಬೆಲೆ:

ಈ ಹಿಂದೆ ಬೆಂಗಳೂರಿನಲ್ಲಿ ಗರಿಷ್ಟ ಬೆಲೆ ಮೇ 20ರಂದು(10ಗ್ರಾಂ) 22ಕ್ಯಾರೆಟ್ ಚಿನ್ನದ ಬೆಲೆ 69ಸಾವಿರ ಇದ್ದು, ಸೆ.25ರಂದು 70,600 ತಲುಪಿದೆ. ಅದೇ ದಿನ 24 ಕ್ಯಾರೆಟ್ ಶುದ್ಧ ಚಿನ್ನದ ದರ ರೂ. 75,100 ರೂ. ಇದ್ದಿದ್ದು, ಈಗ ರೂ. 77,020ರಲ್ಲಿ ವಹಿವಾಟಾಗುತ್ತಿದೆ.

https://www.vijayavani.net/mumbai-police-arrested-one-accused-in-case-of-beating-two-minor-brothers-suspected-of-theft