ಅರಿಶಿನ ಬೆರೆಸಿದ ನೀರಲ್ಲಿ ಚಿನ್ನದ ಸರ ಹಾಕಿದರು... ಹತ್ತೇ ನಿಮಿಷದಲ್ಲಿ ಗೃಹಿಣಿಗೆ ಕಾದಿತ್ತು ಆಘಾತ

ಬೆಂಗಳೂರು: ಇಲ್ಲೊಬ್ಬ ಗೃಹಿಣಿ ಮನೆಗೆ ಬಂದ ಅಪರಿಚಿತರ ಮಾತು ನಂಬಿ ಕತ್ತಿನಲ್ಲಿದ್ದ ಚಿನ್ನದ ಸರವನ್ನು ಬಿಚ್ಚಿ ಅವರ ಕೈಗೆ ಕೊಟ್ಟು ಇದೀಗ ಕಂಗಾಲಾಗಿದ್ದಾರೆ. ಆ ಗೃಹಿಣಿಯ ಕಣ್ಮುಂದೆಯೇ ನೀರಿಗೆ ಅರಿಶಿನ ಬೆರೆಸಿ ಅದಕ್ಕೆ ಚಿನ್ನದ ಸರ ಹಾಕಿದ್ದಾರೆ. ಆದರೆ ಕ್ಷಣಾರ್ಧದಲ್ಲೇ ಸರ ಮಾಯವಾಗಿದ್ದು, ಆ ಅಪರಿಚಿತರು ಅಲ್ಲಿಂದ ಎಸ್ಕೇಪ್​ ಆಗಿದ್ದಾರೆ.

ಹೌದು, ಚಿನ್ನ ಪಾಲಿಶ್ ಮಾಡುವ ನೆಪದಲ್ಲಿ ಶ್ರೀನಿವಾಸ್ ನಗರದ ಮನೆಯೊಂದಕ್ಕೆ ಬಂದ ದುಷ್ಕರ್ಮಿಗಳು, 'ನಿಮ್ನ ಚಿನ್ನವನ್ನು ಕಡಿಮೆ ಬೆಲೆಗೆ ಪಾಲಿಶ್ ಮಾಡಿ ಕೊಡ್ತೀವಿ' ಎಂದಿದ್ದಾರೆ. ಖದೀಮರ ಮಾತಿಗೆ ಮರುಳಾದ ಆ ಮನೆಯ ಗೃಹಿಣಿ ಉಷಾ, ಪಾಲಿಶ್​ ಮಾಡಲು 30 ಗ್ರಾಂ ತೂಕದ ಸರ ಕೊಟ್ಟಿದ್ದರು.

ನಂತರ ನೀರಿಗೆ ಅರಿಶಿನ ಪುಡಿ ಹಾಕಿ ಅದರಲ್ಲಿ ಚಿನ್ನದ ಸರ ಹಾಕಿದ ದುಷ್ಕರ್ಮಿಗಳು 10 ನಿಮಿಷ ಬಿಟ್ಟು ತೆಗೆಯಬೇಕು, ಸರ ಫಳಫಳ ಹೊಳೆಯುತ್ತದೆ ಎಂದ ಅವರು ಅಲ್ಲಿಂದ ಪರಾರಿಯಾಗಿದ್ದರು. ಬಳಿಕ ಆ ನೀರಲ್ಲಿ ಕೈಹಾಕಿ ನೋಡಿದರೆ ಸರ ಇರಲಿಲ್ಲ.

ಚಿನ್ನ ಕಳೆದುಕೊಂಡ ಮಹಿಳೆಯು ಹನುಮಂತನಗರ ಪೊಲೀಸ್ ಠಾಣೆಗೆ ದೂರು ನೀಡಿದ್ದಾರೆ. ಕಳ್ಳರು ಚಿನ್ನಾಭರಣ ಎಗರಿಸಿ ಹೊರ ಹೋಗುತ್ತಿರುವ ದೃಶ್ಯ ಸಿಸಿ ಕ್ಯಾಮರಾದಲ್ಲಿ ಸೆರೆಯಾಗಿದೆ. ಪೊಲೀಸರು ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದಾರೆ.

https://www.vijayavani.net/wedding-mysore/

https://www.vijayavani.net/wedding-mysore/