ಜೀವಾವಧಿ ಶಿಕ್ಷೆಗೆ ಗುರಿಯಾಗಿದ್ದ ದೇವಮಾನವ ಅಸಾರಾಂ ಬಾಪುಗೆ ಮಧ್ಯಂತರ ಜಾಮೀನು ಮಂಜೂರು | Interim Bail

ನವದೆಹಲಿ: ಅತ್ಯಾಚಾರ ಪ್ರಕರಣದಲ್ಲಿ ಶಿಕ್ಷೆ ಅನುಭವಿಸುತ್ತಿರುವ ದೇವಮಾನವ ಅಸಾರಾಂ ಬಾಪುಗೆ ವೈದ್ಯಕೀಯ ಕಾರಣಗಳಿಂದಾಗಿ ಮಾರ್ಚ್​ 31ರ ವರೆಗೆ ಸುಪ್ರೀಂಕೋರ್ಟ್ ​ಮಂಗಳವಾರ ಮಧ್ಯಂತರ ಜಾಮೀನು ಮಂಜೂರು(Interim Bail)ಮಾಡಿದೆ.

ಸಾಕ್ಷಿ ಹಾಳು ಮಾಡದಂತೆ ಮತ್ತು ಬಿಡುಗಡೆಯ ನಂತರ ತಮ್ಮ ಅನುಯಾಯಿಗಳು ಸೇರಿದಂತೆ ಯಾರನ್ನು ಭೇಟಿ ಮಾಡದಂತೆ ಕೋರ್ಟ್​ ನಿರ್ದೇಶಿಸಿದೆ.

ಇದನ್ನೂ ಓದಿ: ಚಳಿಗಾಲದಲ್ಲಿ ಹಿಮ್ಮಡಿ ಒಡೆಯುವ ಸಮಸ್ಯೆ ನಿಮಗೆ ಇದ್ಯಾ? Cracked Heelsಗೆ ಇಲ್ಲಿದೆ ಸರಳ ಪರಿಹಾರ

ಅಸಾರಾಂ ಬಾಪು ಸದ್ಯ ಜೋದ್​ಪುರ ಕೇಂದ್ರ ಕಾರಾಗೃಹದಲ್ಲಿ ಶಿಕ್ಷೆ ಅನುಭಿಸುತ್ತಿದ್ದಾರೆ. ಬಿಡುಗಡೆ ಬಳಿಕ ಜೋದ್​ಪುರ ಆರೋಗ್ಯ ವೈದ್ಯಕೀಯ ಕೇಂದ್ರದಲ್ಲಿ ಚಿಕಿತ್ಸೆ ಪಡೆಯಲಿದ್ದಾರೆ. ಬಾಪು ಹೃದ್ರೋಗಿಯಾಗಿದ್ದಾರೆ. ಈ ಹಿಂದೆ ಹೃದಾಯಘಾತಕ್ಕೆ ಒಳಾಗಾಗಿದ್ದರು. ಅವರ ಜಾಮೀನಿನ ಅವಧಿಯಲ್ಲಿ ಮೇಲ್ವಿಚಾರಣೆ ಕೈಗೊಳ್ಳಲು ಭದ್ರತಾ ಸಿಬ್ಬಂದಿಯನ್ನು ನೇಮಿಸಬೇಕು ಎಂದು ಕೋರ್ಟ್​ ನಿರ್ದೇಶಿಸಿದೆ.

ಇದನ್ನೂ ಓದಿ: ಏಕಕಾಲದಲ್ಲಿ ಸಹೋದರಿಯರನ್ನು ವರಿಸಿದ 6 ಸಹೋದರರು! 1 ಲಕ್ಷ ರೂ.ನಲ್ಲಿ ಮುಗಿಯಿತು ಮದುವೆ | Marriage

ಆಶ್ರಮದಲ್ಲಿ ಹದಿಹರಿಯದ ಹುಡುಗಿಯ ಮೇಲೆ ಅತ್ಯಾಚಾರ ಎಸೆಗಿದ್ದಕ್ಕಾಗಿ ಜೋಧ್​ಪುರ್​ ನ್ಯಾಯಾಲಯವು ಅಸಾರಾಂ ಬಾಪುಗೆ ಜೀವಾವಧಿ ಶಿಕ್ಷೆ ವಿಧಿಸಿದೆ. 2013ರಲ್ಲಿ ಅವರ ಆಶ್ರಮದಲ್ಲಿ ಹಲವಾರು ಸಂದರ್ಭದಲ್ಲಿ ಮಹಿಳಾ ಶಿಷ್ಯರ ಮೇಲೆ ಅತ್ಯಾಚಾರ ಎಸೆಗಿದ್ದಕ್ಕಾಗಿ 2023ರಲ್ಲಿ ಅಪರಾಧಿ ಎಂದು ಸಾಕ್ಷ್ಯಧಾರಗಳ ಮೂಲಕ ಪರಿಗಣಿಸಿ ಶಿಕ್ಷೆ ವಿಧಿಸಿತ್ತು.(ಏಜೆನ್ಸೀಸ್​).

https://www.vijayavani.net/no-player-is-bigger-than-atta-bcci-instructed-to-drop-kohli-rohit