ಪಿಎಂ ಮೋದಿ ಸಂಸದ ಕ್ಷೇತ್ರ ವಾರಾಣಸಿ ಕಳೆದ 7 ವರ್ಷಗಳಲ್ಲಿ ವ್ಯಾಪಕ ಅಭಿವೃದ್ಧಿಗೆ ತೆರೆದುಕೊಂಡಿದೆ. ಕಾಶಿಯ ಲೋಹ್ತಾ ಎಂಬಲ್ಲಿನ ನಿವಾಸಿ, ರಿಕ್ಷಾ ಚಾಲಕ ಇಫ್ತಿಕಾರ್ ಖಾನ್ ವಿಜಯವಾಣಿ ಜತೆ ಮಾತನಾಡಿದ್ದಾಗ, ‘ಕಾಶಿ ಅಭಿವೃದ್ಧಿ ಮಾಡಿದವರಿಗೆ ಮತ ಹಾಕದೆ ಇನ್ಯಾರಿಗೆ ವೋಟ್ ಹಾಕಲಿ. ನನ್ನೂರು ಇಷ್ಟು ಬದಲಾಗುತ್ತದೆ ಎಂಬ ಕಲ್ಪನೆಯೂ ಇರಲಿಲ್ಲ. ನಮಗೆ ಮೋದಿಯೇ ಬೆಸ್ಟ್’ ಎಂದು ಮೆಚ್ಚುಗೆ ವ್ಯಕ್ತಪಡಿಸಿದ್ದರು. ಮುಸ್ಲಿಂ ಮಹಿಳೆಯರಲ್ಲಿ ಅನೇಕರೂ ಬಿಜೆಪಿಯನ್ನು ಆಯ್ಕೆ ಮಾಡಿದ್ದಾರೆನ್ನಲಾಗಿದೆ. 2013ರ ಕೋಮುದಂಗೆಯ ಮೂಲ ತಾಣವಾದ ಮುಜಫರನಗರದ ಕವಾಲ್ ಹಳ್ಳಿಯ ಹಸನ್ ಅಲಿ, ದಿಲ್ಶಾದ್, ಯಾಸಿನ್ ಎಂಬ ಮೂವರು ಹಿರಿ ವಯಸ್ಸಿನ ಮುಸಲ್ಮಾನರೂ ಆರ್ಎಲ್ಡಿ ಬೆಂಬಲಿಸುತ್ತೇವೆ ಎಂದರೂ, ‘ಯೋಗಿ-ಮೋದಿ ಕೆಲಸ ಮಾಡಿದ್ದಾರೆ. ಕಾನೂನು ಸುವ್ಯವಸ್ಥೆ ಸರಿಯಾಗಿ, ನಾವು ನೆಮ್ಮದಿಯಾಗಿದ್ದೇವೆ’ ಎಂದು ಒಪ್ಪಿಕೊಂಡಿದ್ದರು.
