ಚಿಂತನೆಗೆ ಕಾರಣ: ರೈತರಿಗೆ ನೀರಾವರಿ ಪಂಪ್ಸೆಟ್ಗಳಿಗೆ ಗರಿಷ್ಠ 10 ಅಶ್ವಶಕ್ತಿ ಸಾಮರ್ಥ್ಯದ ತನಕ ದಿನಕ್ಕೆ ಏಳು ತಾಸು ಮೂರು ಫೇಸ್ ಉಚಿತವಾಗಿ ಪೂರೈಸಲಾಗುತ್ತದೆ. ಈ ನೀತಿಯನ್ನು ಎಲ್ಲ ರೈತರಿಗೂ ಏಕರೂಪವಾಗಿ ಅನ್ವಯಿಸಲಾಗಿದೆ. ದೊಡ್ಡ ರೈತರು, ಶ್ರೀಮಂತರು, ಉದ್ಯಮ-ವಹಿವಾಟು ಉಳ್ಳವರು ಹೊಂದಿದ ನೀರಾವರಿ ಐಪಿ ಸೆಟ್ಗಳಿಗೂ ಉಚಿತ ವಿದ್ಯುತ್ ಪೂರೈಕೆಯಾಗುತ್ತಿದೆ. ಇಂತಹವರು ಉಚಿತ ವಿದ್ಯುತ್ ಸೌಲಭ್ಯ ತ್ಯಜಿಸಲು ಸಾಧ್ಯವಿದೆ. ಸ್ವಯಂಪ್ರೇರಿತವಾಗಿ ಮುಂದೆ ಬಂದರೆ ಪ್ರಕ್ರಿಯೆ ಸುಗಮವಾಗಲಿದ್ದು, ವಿದ್ಯುತ್ ಸವಲತ್ತು ಸುಧಾರಣೆಗೆ ನೆರವಾಗಲಿದೆ. ತೋಟಗಾರಿಕೆ, ಬಹು ವಾರ್ಷಿಕ ಬೆಳೆ ಬೆಳೆದ ಕ್ಷೇತ್ರಗಳು ಪ್ರವಾಸೋದ್ಯಮದ ಸ್ಪರ್ಶ ಪಡೆದಿದ್ದು, ಫಾಮ್ರ್ ಹೌಸ್ ಮೂಲಕ ಕೋಟ್ಯಂತರ ರೂ. ಸಂಪಾದನೆ ಮಾಡುತ್ತಿರುವವರಿಗೆ ವಿದ್ಯುತ್ ಉಚಿತ ಸರಬರಾಜು ಔಚಿತ್ಯವೇನು? ಎಂದು ಮೂಲಗಳು ಕೇಳಿವೆ.
