ಗಾಜಿಯಾಬಾದ್: ಪ್ರಸ್ತುತ ಇದು ಡಿಜಿಟಲ್ ಯುಗ. ಅಂದಮೇಲೆ ಸೋಷಿಯಲ್ ಮೀಡಿಯಾದ ಬಳಕೆ ಯಥೇಚ್ಚವಾಗಿಯೇ ಇರಲಿದೆ ಹಾಗೂ ಇದೆ. ಜಾಗತಿಕವಾಗಿ ಸಾಮಾಜಿಕ ಜಾಲತಾಣದಲ್ಲಿ ಹೆಚ್ಚು ಸಕ್ರಿಯರಾಗಿರುವ ನಮ್ಮ ಇಂದಿನ ಯುವಜನತೆ, ಹೊಟ್ಟೆಗೆ ಸಿಗುವ ಊಟಕ್ಕಿಂತ, ದೇಹಕ್ಕೆ ಸಿಗುವ ವಿಶ್ರಾಂತಿಗಿಂತ ಮೊಬೈಲ್ನಲ್ಲಿ ಮಾಡುವ ರೀಲ್ಸ್ ಜಾಲಕ್ಕೆ ಬಹಳ ಸಮಯ ನೀಡುತ್ತಾರೆ. ಅದಕ್ಕೆ ಮೊದಲ ಆದ್ಯತೆ ನೀಡುತ್ತಿದ್ದಾರೆ. ಅಂತಹ ಪರಿಸ್ಥಿತಿ ಇಂದು ನಿರ್ಮಾಣವಾಗಿದೆ. 6 ಇಂಚಿನ ಸ್ಮಾರ್ಟ್ಫೋನ್ ಕೈಯಲ್ಲಿ ಹಿಡಿಯೋದೆ ತಡ, ತಮ್ಮ ಪಕ್ಕ ಯಾರಿದ್ದಾರೆ? ನಾವೇಲಿದ್ದೀವಿ ಎಂಬ ವಿಷಯವನ್ನೇ ಮರೆಯುವ ಮೊಬೈಲ್ ಗೀಳಿನ ಯುವಜನತೆ, ಇದೀಗ ರೀಲ್ಸ್ ಹುಚ್ಚಾಟಕ್ಕೆ ಸಿಲುಕಿ, ತಮ್ಮ ಪ್ರಾಣಕ್ಕೆ ಕುತ್ತು ತಂದುಕೊಳ್ಳುತ್ತಿರುವ ನಿದರ್ಶನಗಳು ದಿನದಿಂದ ದಿನಕ್ಕೆ ಏರಿಕೆಯಾಗುತ್ತಲೇ ಇದೆ. ಆ ಸಾಲಿಗೆ ಇಲ್ಲೊಂದು ಘಟನೆ ಕೂಡ ಹೊಸದಾಗಿ ಸೇರ್ಪಡೆಗೊಂಡಿದೆ.
