ಅಕ್ರಮ ಹೇಗೆ?: ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ರಾಮನಗರ, ಮಂಗಳೂರು, ಮೈಸೂರು, ಹುಬ್ಬಳ್ಳಿ-ಧಾರವಾಡ ಸೇರಿದಂತೆ ರಾಜ್ಯದ ನಗರ ಮತ್ತು ಪಟ್ಟಣ ಪ್ರಾದೇಶಗಳಲ್ಲಿ ಭೂಮಿ ಬೆಲೆ ಹೆಚ್ಚಾಗುತ್ತಿರುವ ಕಾರಣ ಕೃಷಿ ಭೂಮಿ ತುಂಡು ತುಂಡು ಮಾಡಿ ರೆವಿನ್ಯೂ ಲೇಔಟ್ ಸೃಷ್ಟಿಸುವ ಪ್ರಕ್ರಿಯೆ ಹೆಚ್ಚಾಗಿದೆ. ಜಿಲ್ಲಾಧಿಕಾರಿ ಅಥವಾ ಸಕ್ಷಮ ಪ್ರಾಧಿಕಾರದಿಂದ ಅನುಮತಿ ಪಡೆಯುತ್ತಿಲ್ಲ. ಇ-ಖಾತಾ ಸಿಗುತ್ತಿಲ್ಲ. ಈ ದಾಖಲೆಗಳ ಗೊಂದಲಗಳೇ ಭೂಗಳ್ಳರಿಗೆ ಲಾಭವಾಗಿದೆ. ಒಂದು ಆಸ್ತಿಯನ್ನು ಒಮ್ಮೆ ಒಂದು ನೋಂದಣಿ ಕಚೇರಿಯಲ್ಲಿ ನೋಂದಣಿ ಮಾಡಿಕೊಟ್ಟರೆ ಮತ್ತೊಮ್ಮೆ ಅದೇ ಆಸ್ತಿಯನ್ನು ಮತ್ತೊಂದು ಸಬ್ ರಿಜಿಸ್ಟ್ರಾರ್ ಕಚೇರಿಯಲ್ಲಿ ಕ್ರಯಪತ್ರ ಮಾಡಿಕೊಡುತ್ತಿದ್ದಾರೆ. ಒಂದೊಮ್ಮೆ ಯಾವುದಾದರೂ ಕಚೇರಿಯಲ್ಲಿ ಈ ವಂಚಕರನ್ನು ಪತ್ತೆಹಚ್ಚಿದರೆ ಆ ಸಬ್ ರಿಜಿಸ್ಟ್ರಾರ್ ಬಿಟ್ಟು ಬೇರೆ ಅಧಿಕಾರಿಯ ಬಳಿ ನೋಂದಣಿ ಮಾಡಿಸುತ್ತಾರೆ. ತಮಗೆ ಬೇಕಾದ ರೀತಿಯಲ್ಲಿ ದಾಖಲೆ ಸೃಷ್ಟಿಸುವ ಸಾಧ್ಯತೆಗಳು ಹೆಚ್ಚಾಗಿರುತ್ತದೆ. ಅಥವಾ ಅಕ್ರಮಕ್ಕೆ ಸಹಕರಿಸುವ ಅಧಿಕಾರಿ, ಸಿಬ್ಬಂದಿ ಬಳಿಯೇ ಆಸ್ತಿ ಖರೀದಿದಾರರನ್ನು ಕರೆದೊಯ್ದು ಕ್ರಯಪತ್ರ ಮಾಡಿ ಕೊಡುತ್ತಿದ್ದಾರೆ.
