ರೈಲ್ವೆ ಅಧಿಕಾರಿ ಎಂದು ಹೇಳಿಕೊಂಡು ಲಕ್ಷ ಲಕ್ಷ ವಂಚನೆ: ಆರೋಪಿ ಬಂಧನ|Noida

Noida: ಸರ್ಕಾರಿ ಉದ್ಯೋಗ ನೀಡುವ ನೆಪದಲ್ಲಿ ಜನರನ್ನು ವಂಚಿಸುತ್ತಿದ್ದ ಆರೋಪದ ಮೇಲೆ 49 ವರ್ಷದ ವ್ಯಕ್ತಿಯನ್ನು ನೋಯ್ಡಾ ಪೊಲೀಸರು ಸೋಮವಾರ (ಏ.28) ಬಂಧಿಸಿದ್ದಾರೆ.

ನೋಯ್ಡಾದ ಮೀರತ್ ನಿವಾಸಿ ಜ್ಞಾನೇಂದ್ರ ಸಿಂಗ್ ನೀಡಿದ ದೂರಿನ ಮೇರೆಗೆ, ಪಿಸ್ತೂಲಿಗೆ ಲೈಸೆನ್ಸ್​​ ಮತ್ತು ರೈಲ್ವೆಯಲ್ಲಿ ಸರ್ಕಾರಿ ಉದ್ಯೋಗ ಕೊಡಿಸುವುದಾಗಿ 1.71 ಲಕ್ಷ ರೂ. ವಂಚಿಸಿದ ಆರೋಪದ ಮೇಲೆ ಪ್ರಶಾಂತ್ ಕುಮಾರ್ ಎಂಬಾತನನ್ನು ಬಂಧಿಸಲಾಗಿದೆ ಎಂದು ಪೊಲೀಸರು ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಮಾದಕ ವಸ್ತು ಮಾರುತ್ತಿದ್ದ ಯುವಕನ ಬಂಧನ

ಆರೋಪಿ ಪ್ರಶಾಂತ್ ಕುಮಾರ್, ನವೆಂಬರ್ 2024ರಲ್ಲಿ ಸಿಂಗ್ ಅವರ ಬಿಪಿಒ ಸ್ಥಳದಲ್ಲಿ ಅವರನ್ನು ಭೇಟಿ ಮಾಡಿದನು, ಭಾರತೀಯ ರೈಲ್ವೆಯಲ್ಲಿ ಟಿಕೆಟ್ ಪರೀಕ್ಷಕರಾಗಿ ನೇಮಕಗೊಂಡಿದ್ದ ನಕಲಿ ಐಡಿಯನ್ನು ತೋರಿಸುತ್ತಿದ್ದನು ಎಂದು ಸಿಂಗ್​​ ಅಧಿಕಾರಿಗಳಿಗೆ ಸಾಕ್ಷಿ ನೀಡಿದ್ದಾರೆ.

"ಬಿಪಿಒದಲ್ಲಿ ತನ್ನ ಪರಿಚಯಸ್ಥರಿಗೆ ಖಾಲಿ ಹುದ್ದೆಗಳನ್ನು ನೀಡುವುದಾಗಿ ಸಿಂಗ್​​ಗೆ ಪ್ರಶಾಂತ್​​​ ಕರೆ ಮಾಡಿದರು. ಹೀಗಾಗಿ ಪ್ರಶಾಂತ್​​​ ಕುಮಾರ್ ಸರ್ಕಾರಿ ಉದ್ಯೋಗಿ ಎಂದು ತಿಳಿದು ಸಿಂಗ್ ಅವರ ಮೊಬೈಲ್​​ ನಂಬರ್​​ನ್ನು ತೆಗೆದುಕೊಂಡಿದ್ದರು. ಇದಾದ ನಂತರ ಕುಮಾರ್ ಸಿಂಗ್ ಅವರನ್ನು ಭೇಟಿ ಮಾಡಿ ಪಿಸ್ತೂಲ್ ಲೈಸೆನ್ಸ್​​ ವ್ಯವಸ್ಥೆ ಮಾಡುವಂತೆ ಕೇಳಿಕೊಂಡಿದ್ದಾರೆ ಎಂದು ಪೊಲೀಸರು ತಿಳಿಸಿದ್ದಾರೆ.

ನಂತರ ಪ್ರಶಾಂತ್​​ ಪಿಸ್ತೂಲ್ ಪರವಾನಗಿ ಪಡೆಯುವುದಾಗಿ ಸಿಂಗ್ ಅವರಿಂದ 71,000 ರೂ ಹಾಗೂ ರೈಲ್ವೆಯಲ್ಲಿ ತನ್ನ ಸಂಬಂಧಿಯನ್ನು ನೇಮಿಸುವ ನೆಪದಲ್ಲಿ 1 ಲಕ್ಷ ರೂ.ಗಳನ್ನು ಪಡೆದಿದ್ದನು. ನಂತರ ಸಿಂಗ್‌ಗೆ ಲೈಸೆನ್ಸ್​​ ಮತ್ತು ಕೆಲಸ ಸಿಗದಿದ್ದಾಗ ಪೊಲೀಸರನ್ನು ಸಂಪರ್ಕಿಸಿ ದೂರು ನೀಡಿದ್ದಾರೆ.

ಇದನ್ನೂ ಓದಿ: ಸ್ಕೂಟರ್‌ಗೆ ಕಾರು ಡಿಕ್ಕಿಯಾಗಿ ಮಹಿಳೆ ಸಾವು

ಪ್ರಶಾಂತ್​​ ಕುಮಾರ್ ಸಂತ್ರಸ್ತರಿಂದ 1 ಲಕ್ಷ ರೂ ಪಡೆದು ಅವರ ಮೊಬೈಲ್​​ ನಂಬರ್​​ನ್ನು ಬ್ಲಾಕ್ ಮಾಡುತ್ತಿದ್ದರು. ಇತ್ತೀಚೆಗೆ ಅವರು ದೆಹಲಿ ಮೂಲದ ವ್ಯಕ್ತಿಯೊಬ್ಬರಿಗೆ ತಮ್ಮ ಕುಟುಂಬದ ನಾಲ್ವರು ಸದಸ್ಯರಿಗೆ ರೈಲ್ವೆಯಲ್ಲಿ ಉದ್ಯೋಗ ನೀಡುವುದಾಗಿ ಭರವಸೆ ನೀಡಿ 4 ಲಕ್ಷ ರೂ ವಂಚಿಸಿದ್ದಾರೆ" ಎಂದು ನೋಯ್ಡಾದ ಸೆಂಟ್ರಲ್ ಡಿಸ್ಟ್ರಿಕ್ಟ್ ಶಕ್ತಿ ಮೋಹನ್ ಅವಸ್ಥಿ ಹೇಳಿದ್ದಾರೆ.

ಆರೋಪಿಯ ವಿರುದ್ಧ ನೋಯ್ಡಾ ಪೊಲೀಸ್ ಠಾಣೆಯಲ್ಲಿ FIR ದಾಖಲಾಗಿದ್ದು, ಪೊಲೀಸರು ಶಂಕಿತನ್ನು ಸೆರೆ ಹಿಡಿಯಲು ತನಿಖೆ ನಡೆಸುತ್ತಿದ್ದಾರೆ.(ಏಜೆನ್ಸೀಸ್​)

https://www.vijayavani.net/pigeon-lost-life-after-getting-entangled-in-a-kite-string-in-bengaluru