ಅಮೆರಿಕದ ಓಹಿಯೋ ರಾಜ್ಯದ ಸಿನ್ಸಿನಾಟಿ ನಗರದಲ್ಲಿರುವ ಕನ್ನಡಿಗರು ಸಾಕಷ್ಟು ಸ್ವಚ್ಛತೆ ಹಾಗೂ ಸ್ಥಳೀಯ ಕಾನೂನನ್ನು ಗೌರವಿಸಿ, ಪಾಲಿಸುತ್ತಿದ್ದಾರೆ. ನ್ಯೂಯಾರ್ಕ್, ಕ್ಯಾಲಿಫೋರ್ನಿಯಾದಂತಹ ಹೆಚ್ಚಿನ ಜನಸಂದಣಿಯ, ಹೆಚ್ಚಿನ ಉದ್ಯಮ ವ್ಯವಹಾರದ ನಗರಗಳಲ್ಲಿ ಪ್ರಾರಂಬದಲ್ಲಿ ಅಗತ್ಯ ಕ್ರಮ ಕೈಗೊಳ್ಳದ ಕಾರಣಕ್ಕೆ ತುಸು ಹೆಚ್ಚು ಸಮಸ್ಯೆ ಆಗಿದೆ. ಆದರೆ ಎರಡನೇ, ಮೂರನೇ ಹಂತದ ನಗರಗಳಲ್ಲಿ ಆಮಟ್ಟಿನ ಸಮಸ್ಯೆ ಇಲ್ಲವಾದರೂ ಸರ್ಕಾರ ಎಲ್ಲ ಕ್ರಮ ಕೈಗೊಂಡಿದೆ. ಈ ಪ್ರಮಾಣದ ಮುಂಜಾಗ್ರತೆ ಕ್ರಮ ಕೈಗೊಳ್ಳಬೇಕಾಗುತ್ತದೆ ಎಂಬ ಅಂದಾಜು ಎರಡು ವಾರಕ್ಕೆ ಮೊದಲು ಇರಲಿಲ್ಲ. ಅಲ್ಲೆಲ್ಲೊ ಚೀನಾದಲ್ಲಿ, ಇಟಲಿಯಲ್ಲಿನ ಸಮಸ್ಯೆ ಎಂದೇ ಭಾವಿಸಿದ್ದೆವು. ರಜಾ ದಿನಕ್ಕಿಂತಲೂ ಅತ್ಯಂತ ಕಡಿಮೆ ಜನಗಳ ಸಂಚಾರ ಕಾಣಿಸುತ್ತಿದೆ.
