ವಿಕಾಸಶೀಲ ಇನ್ಸಾನ್ ಪಕ್ಷದ ಮುಕೇಶ್ ಸಹಾನಿ ಡಿಸಿಎಂ ಅಭ್ಯರ್ಥಿಯೇ ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ‘ದೊಡ್ಡ ಪ್ರಮಾಣದ ಜನಸಂಖ್ಯೆಯನ್ನು ಪ್ರತಿನಿಧಿಸಲು ಯಾಕೆ ಮುಸ್ಲಿಂ ಡಿಸಿಎಂ ಅಭ್ಯರ್ಥಿ ಆಗಬಾರದು?’ ಎಂದು ಕೆಲವರು ಪ್ರಶ್ನಿಸುತ್ತಿದ್ದಾರೆ ಎಂದಿದ್ದಾರೆ. ಹಾಗಾದರೆ, ಮುಸ್ಲಿಂ ಡಿಸಿಎಂ ಅಭ್ಯರ್ಥಿ ಆಗಿರಲಿದ್ದಾರೆಯೇ? ಎಂಬ ಪ್ರಶ್ನೆಗೆ ಪ್ರತಿಕ್ರಿಯಿಸಿದ ಅವರು, ಆ ಸಾಧ್ಯತೆಯನ್ನೂ ನಾವು ತಳ್ಳಿಹಾಕುತ್ತಿಲ್ಲ. ಕಾದು ನೋಡೋಣ, ಯಾವ ಸಮುದಾಯದವರೂ ಡಿಸಿಎಂ ಆಗಬಹುದು ಎನ್ನುವ ಮೂಲಕ ಮುಸ್ಲಿಂ ವ್ಯಕ್ತಿಯೂ ಡಿಸಿಎಂ ಆಗಬಹುದು ಎನ್ನುವ ಸುಳಿವು ನೀಡಿದ್ದಾರೆ. ಆರ್ಜೆಡಿ ಹಾಗೂ ಕಾಂಗ್ರೆಸ್ ಸೇರಿ ಏಳು ಪಕ್ಷಗಳು ಒಗ್ಗೂಡಿ ವಿಪಕ್ಷಗಳ ಮಹಾಘಟಬಂಧನ ರಚಿಸಿಕೊಂಡಿವೆ. ಇವು ಅಧಿಕಾರದಲ್ಲಿರುವ ಜೆಡಿಯು-ಬಿಜೆಪಿ ಮೈತ್ರಿಕೂಟದ ಎನ್ಡಿಎಗೆ ಸವಾಲು ಹಾಕುತ್ತಿವೆ. ಬಿಹಾರದಲ್ಲಿ ನ.6 ಮತ್ತು ನ.11ರಂದು ಮತದಾನ ನಡೆಯಲಿದ್ದು, ನ.14ರಂದು ಫಲಿತಾಂಶ ಪ್ರಕಟವಾಗಲಿದೆ.
