ಪಿಎಂ ಕಿಸಾನ್ ಯೋಜನೆಯ ಹಣ ಪಡೆಯಲು ನೀವು ಅನುಸರಿಸಬೇಕಾದ ಪ್ರಕ್ರಿಯೆ ಇದು! ಇಲ್ಲಿದೆ ಪೂರ್ಣ ಮಾಹಿತಿ | PM Kisan

PM Kisan Instalment: ಕೇಂದ್ರ ಸರ್ಕಾರ ರೈತರಿಗೆಂದೇ ಜಾರಿಗೊಳಿಸಿರುವ ಪಿಎಂ ಕಿಸಾನ್ ಯೋಜನೆಯ 20ನೇ ಕಂತು ಶೀಘ್ರದಲ್ಲೇ ಬಿಡುಗಡೆಯಾಗಲಿದೆ. ಪಿಎಂ ಕಿಸಾನ್ ಫಲಾನುಭವಿ ರೈತರು ಈಗ 2 ಸಾವಿರ ರೂ. ಪಡೆಯಲು ಅರ್ಹರಿದ್ದಾರೆಯೇ ಎಂಬುದನ್ನು ತಿಳಿಯಲು ಮೊದಲು ಕೆಲವು ಹಂತಗಳನ್ನು ಪೂರ್ಣಗೊಳಿಸಬೇಕು. ಇಲ್ಲದಿದ್ದರೆ, ಪಿಎಂ ಕಿಸಾನ್ ಹಣ ನಿಮ್ಮ ಖಾತೆಗೆ ಜಮಾ ಆಗುವುದಿಲ್ಲ.

ಇದನ್ನೂ ಓದಿ: ‘ವಾಶ್‌ರೂಮ್​​​ನಲ್ಲಿ ನೀರಿಲ್ಲ’: ಕರಾಚಿ ವಿಮಾನ ನಿಲ್ದಾಣದ ಬಗ್ಗೆ ಬೇಸರ ವ್ಯಕ್ತಪಡಿಸಿದ ಪಾಕ್​​ ನಟಿ | Video Viral

ಪಿಎಂ ಕಿಸಾನ್ ಯೋಜನೆಯ ನಿಯಮಗಳ ಪ್ರಕಾರ, ಮೊದಲ ಕಂತು ಏಪ್ರಿಲ್-ಜುಲೈ, ಎರಡನೇ ಕಂತು ಆಗಸ್ಟ್-ನವೆಂಬರ್ ಮತ್ತು ಮೂರನೇ ಕಂತನ್ನು ಡಿಸೆಂಬರ್-ಮಾರ್ಚ್ ನಡುವೆ ಬಿಡುಗಡೆಗೊಳಿಸಲಾಗುತ್ತದೆ. ಪಿಎಂ ಕಿಸಾನ್​ನ 20ನೇ ಕಂತನ್ನು ಈ ವರ್ಷದ ಜೂನ್-ಜುಲೈ ನಡುವೆ ಬಿಡುಗಡೆ ಮಾಡುವ ನಿರೀಕ್ಷೆಯಿದೆ. ಯೋಜನೆಯ ಹಣ ವಿತರಣೆ ದಿನಾಂಕ ಮುಂದಿನ ತಿಂಗಳು ಘೋಷಣೆಯಾಗುವ ಸಾಧ್ಯತೆಯಿದೆ. ಈ ಬಗ್ಗೆ ರೈತರಿಗೆ ಹೆಚ್ಚಿನ ಮಾಹಿತಿ ಬೇಕಿದ್ದಲ್ಲಿ ಅಥವಾ ಯಾವುದೇ ಸಮಸ್ಯೆ ಇದ್ದಲ್ಲಿ, ನೀಡಲಾದ ಇಮೇಲ್ ಐಡಿ (pmkisan-ict@gov.in), ಸಹಾಯವಾಣಿ ಸಂಖ್ಯೆಗೆ 155261 ಅಥವಾ 1800115526 (ಟೋಲ್-ಫ್ರೀ) 011-2338109 ಕರೆ ಮಾಡಬಹುದು.

ಇ-ಕೆವೈಸಿ (eKYC) ಪ್ರಕ್ರಿಯೆ

• ಅಧಿಕೃತ ವೆಬ್‌ಸೈಟ್‌ಗೆ (https://pmkisan.gov.in) ಭೇಟಿ ನೀಡಿ.
• “ರೈತರ ಕಾರ್ನರ್” ವಿಭಾಗಕ್ಕೆ ಹೋಗಿ “e-KYC” ಆಯ್ಕೆಯ ಮೇಲೆ ಕ್ಲಿಕ್ ಮಾಡಿ.
• ಆಧಾರ್ ಸಂಖ್ಯೆ ಮತ್ತು ನೋಂದಾಯಿತ ಮೊಬೈಲ್ ಸಂಖ್ಯೆಯನ್ನು ನಮೂದಿಸಿ.
• ಪರಿಶೀಲನೆಯ ಬಳಿಕ ಮೊಬೈಲ್ ಸಂಖ್ಯೆಗೆ OTP ಬರಲಿದೆ.
• OTP ಹಾಕಿದ ನಂತರ eKYC ಪೂರ್ಣಗೊಳ್ಳುತ್ತದೆ.
• ಈ ಪ್ರಕ್ರಿಯೆಗೂ ಮೊದಲು ನಿಮ್ಮ ಮೊಬೈಲ್ ಸಂಖ್ಯೆಯನ್ನು ಆಧಾರ್ ಸಂಖ್ಯೆಯೊಂದಿಗೆ ಲಿಂಕ್ ಮಾಡಿರಬೇಕು. ಇದಕ್ಕಾಗಿ, ನೀವು ಪಿಎಂ ಕಿಸಾನ್ ಸಮಾನ್ ನಿಧಿ ಅಪ್ಲಿಕೇಶನ್/ ಆ್ಯಪ್​ ಡೌನ್‌ಲೋಡ್ ಮಾಡಬಹುದು. ಈ ಪ್ರಕ್ರಿಯೆಯು ಬಹಳ ಸರಳ ಹಾಗೂ ಸುಲಭ.

ಇದನ್ನೂ ಓದಿ: ಮಳೆಯಲ್ಲಿ ಒದ್ದೆಯಾಗುವುದು ನಿಮ್ಮ ಆರೋಗ್ಯಕ್ಕೆ ಒಳ್ಳೆಯದೇ? Monsoon health tips

ಭೂಮಿ ಪರಿಶೀಲನೆ

ನಿಮ್ಮ ಹತ್ತಿರದ ಕೃಷಿ ಇಲಾಖೆ ಕಚೇರಿಗೆ ಭೇಟಿ ನೀಡಿ ಅಗತ್ಯವಿರುವ ಅರ್ಜಿ ನಮೂನೆಯನ್ನು ಪಡೆಯಿರಿ. ಸೂಚನೆಗಳ ಪ್ರಕಾರ ಅಗತ್ಯ ದಾಖಲೆಗಳನ್ನು ಸಲ್ಲಿಸಿ. ಇದರಲ್ಲಿ ಪಿಎಂ ಕಿಸಾನ್ ನೋಂದಣಿ ಸಂಖ್ಯೆ ಮತ್ತು ಕೃಷಿ ಸಂಬಂಧಿತ ದಾಖಲೆಗಳು ಒಳಗೊಂಡಿರಬಹುದು. ಅರ್ಜಿ ಮತ್ತು ದಾಖಲೆಗಳನ್ನು ಪರಿಶೀಲಿಸಿದ ಬಳಿಕವೇ ಆಯ್ಕೆ ಮಾಡಲಾಗುತ್ತದೆ. ನಿಮ್ಮ ಅರ್ಜಿ ಅನುಮೋದನೆಗೊಂಡರೆ, ಭೂಮಿ ಪರಿಶೀಲನೆಯೂ ಪೂರ್ಣಗೊಂಡಿದೆ ಎಂದರ್ಥ.

ಬ್ಯಾಂಕ್ ಸೀಡಿಂಗ್​

ರೈತರು ತಮ್ಮ ಬ್ಯಾಂಕ್ ಖಾತೆಯಲ್ಲಿ ಎನ್‌ಪಿಸಿಐ ಪಡೆಯಬೇಕು. ಎನ್‌ಪಿಸಿಐ ಲಿಂಕ್ ಮಾಡಲು, ಬ್ಯಾಂಕ್ ಪಾಸ್‌ಬುಕ್ ಮತ್ತು ಆಧಾರ್ ಕಾರ್ಡ್‌ನೊಂದಿಗೆ ಬ್ಯಾಂಕ್ ಸಿಬ್ಬಂದಿಗಳನ್ನು ಸಂಪರ್ಕಿಸಬಹುದು. ಇದರಿಂದ ನಿಮ್ಮ ಪಿಎಂ ಕಿಸಾನ್​ನ 2,000 ರೂ. ಹಣ ನೇರವಾಗಿ ನಿಮ್ಮ ಬ್ಯಾಂಕ್ ಖಾತೆಗೆ ಜಮಾ ಆಗಲಿದೆ.

ಪಟ್ಟಿಯಲ್ಲಿ ನಿಮ್ಮ ಹೆಸರು ಪರಿಶೀಲನೆ ಹೇಗೆ?

• ಪ್ರಧಾನ ಮಂತ್ರಿ ಕಿಸಾನ್ ಸಮ್ಮಾನ್ ನಿಧಿ ಯೋಜನೆಯ (https://pmkisan.gov.in) ಅಧಿಕೃತ ವೆಬ್‌ಸೈಟ್‌ ತೆರೆಯಿರಿ.
• ಈಗ 'ಫಾರ್ಮರ್ ಕಾರ್ನರ್' ಮೇಲೆ ಕ್ಲಿಕ್ ಮಾಡಿ.
• 'ಫಾರ್ಮರ್ ಕಾರ್ನರ್' ಕ್ಲಿಕ್ ಮಾಡಿದ ನಂತರ, ಹೊಸ ಪುಟ ತೆರೆಯಲಿದೆ.
• ಇಲ್ಲಿ “ಫಲಾನುಭವಿಗಳ ಪಟ್ಟಿ” ಆಯ್ಕೆಯನ್ನು ಆರಿಸಿ.
• ತದನಂತರ ಒಂದು ಫಾರ್ಮ್ ಓಪನ್ ಆಗಲಿದೆ.
• ಇಲ್ಲಿ ರಾಜ್ಯದ ಹೆಸರು, ಜಿಲ್ಲೆ, ಬ್ಲಾಕ್, ಗ್ರಾಮವನ್ನು ಆಯ್ಕೆ ಮಾಡಿ.
• ಮಾಹಿತಿ ಪೂರ್ಣಗೊಳಿಸಿದ ನಂತರ 'ವರದಿ ಪಡೆಯಿರಿ' ಮೇಲೆ ಕ್ಲಿಕ್ ಮಾಡಿ.

ಇದನ್ನೂ ಓದಿ: ಹವಾಮಾನ ವೈಪರೀತ್ಯ: ಈ ರಾಜ್ಯದ 4 ಜಿಲ್ಲೆಗಳಿಗೆ ರೆಡ್​ ಅಲರ್ಟ್ ಘೋಷಣೆ! ಮೇ.31 ರವರೆಗೆ ಭಾರೀ ಮಳೆ | Heavy Rains

ನೀವು ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸಿದ ಬಳಿಕ ಗ್ರಾಮದಿಂದ ಪಿಎಂ ಕಿಸಾನ್ ಯೋಜನೆಯ ಫಲಾನುಭವಿಗಳ ಪಟ್ಟಿಯನ್ನು ಬಿಡುಗಡೆ ಮಾಡಲಾಗುತ್ತದೆ. ನಿಮ್ಮ ಹೆಸರು ಈ ಪಟ್ಟಿಯಲ್ಲಿದ್ದರೆ, ನಿಮ್ಮ ಬ್ಯಾಂಕ್ ಖಾತೆಗೆ ಯೋಜನೆಯ 2 ಸಾವಿರ ಹಣ ಜಮಾ ಆಗಲಿದೆ,(ಏಜೆನ್ಸೀಸ್).

https://www.vijayavani.net/due-to-heavy-rains-kerala-state-gets-red-alert