ಏ.23ರಂದು ನಾಗರಬಾವಿ ಸಮೀಪದ ಸುವರ್ಣ ಲೇಔಟ್ ಪಾರ್ಕ್ ಬಳಿ ಹರ್ಷ ಎಂಬುವರನ್ನು ಮೊಹಮ್ಮದ್ ಮತ್ತು ಸೈಯದ್ ಪರ್ವೀಜ್ ಅಡ್ಡಗಟ್ಟಿ ಮಾರಕಾಸಗಳಿಂದ ಬೆದರಿಸಿ ಐ-ಪೋನ್-14 ಪ್ರೊ ಸುಲಿಗೆ ಮಾಡಿದ್ದರು. ಚಂದ್ರಾ ಲೇಔಟ್ ಪೊಲೀಸರು ಪ್ರಕರಣ ದಾಖಲಿಸಿದ್ದರು.ದೂರುದಾರ ಹರ್ಷ ತಮ್ಮ ಮೊಬೈಲ್ಗೆ ಫೈಂಡ್ ಮೈ ಡಿವೈಸ್ ಅಪ್ಲಿಕೇಷನ್ ಹಾಕಿದ್ದರು. ಇತ್ತ ಕದ್ದ ಮೊಬೈಲ್ ಅನ್ನು ಮೊಹಮ್ಮದ್ ಫಾರೂಕ್, ಶಾಂತಿನಗರದ ಸುಧಾಮನಗರದಲ್ಲಿ ಮೊಬೈಲ್ ರಿಪೇರಿ ಅಂಗಡಿ ಮಾಲೀಕ ರೆಹಮಾನ್ಗೆ ಮಾರಾಟ ಮಾಡಿದ್ದ. ಇ-ಸಿಮ್ ಐಫೋನ್ ಎಂಬುದು ಗೊತ್ತಾಗಿ ರೆಹಮಾನ್, ಅದರ ಬಿಡಿಭಾಗಗಳನ್ನು ಬೇರ್ಪಡಿಸಿ ಮದರ್ ಬೋರ್ಡ್ ಅನ್ನು ತನ್ನ ಕಡೆ ಇಟ್ಟುಕೊಂಡು ಡಿಸ್ಪ್ಲೇಯನ್ನು ಸೈಯದ್ ಜಮೀರ್ಗೆ ಹಾಗೂ ಬ್ಯಾಕ್ಕೇಸ್ ಮತ್ತು ಬ್ಯಾಟರಿಯನ್ನು ಸೈಯದ್ ಹಾಷಿಮ್ಗೆ ಮಾರಾಟ ಮಾಡಿದ್ದ.
