ನಗರದ ಭೂದಾಖಲೆಗಳ ಸಹಾಯಕ ನಿರ್ದೇಶಕರ ಕಚೇರಿಯಲ್ಲಿ ಸೋಮವಾರ ಆಯೋಜಿಸಿದ್ದ ಸರಳ ಸಮಾರಂಭದಲ್ಲಿ ಬೀರೇಗೌಡ ಅವರನ್ನು ಸನ್ಮಾನಿಸಿ ಮಾತನಾಡಿದ ಎಡಿಎಲ್ಆರ್ ಮಹಮದ್ ಹುಸೇನ್, ರೈತರು ಅತಿಹೆಚ್ಚು ಅವಲಂಬಿತರಾಗಿರುವ ಇಲಾಖೆ ನಮ್ಮದಾಗಿದ್ದು, ರೈತಪರ ಕಟಿಬದ್ಧರಾಗಿ ಕಾರ್ನಿರ್ವಹಿಸುವ ಜವಾಬ್ದಾರಿಯನ್ನು ಹೊತ್ತಿದ್ದೇವೆ. ಸಾಕಷ್ಟು ಅನುಕೂಲಗಳು ಮತ್ತು ಅನಾನುಕೂಲಗಳ ನಡುವೆಯೂ ಜನರಿಗಾಗಿ ಕಳೆದ 5 ವರ್ಷಗಳಿಂದ ತಾಲೂಕು ರೈತರೊಂದಿಗೆ ಒಡನಾಟ ಇಟ್ಟುಕೊಂಡು ಯಶಸ್ವಿಯಾಗಿ ಕರ್ತವ್ಯ ನಿರ್ವಹಿಸಿರುವ ಬೀರೇಗೌಡರು ಇಲಾಖೆಗೆ ಹೊಸದಾಗಿ ಸೇರ್ಪಡೆಗೊಂಡು ಬರುತ್ತಿರುವ ಯುವಸಮೂಹಕ್ಕೆ ಮಾದರಿಯಾಗಿದ್ದಾರೆ. ವೃತ್ತಿಯಲ್ಲಿನ ಅವರ ಭವಿಷ್ಯದ ದಿನಗಳೂ ಉತ್ತಮವಾಗಿರಲಿ ಎಂದು ಆಶಿಸಿದರು.
