2020 ನಿಜಕ್ಕೂ ಅಚ್ಚರಿಯ ಬದಲಾವಣೆಗಳಿಗೆ ಸಾಕ್ಷಿಯಾಗುತ್ತಿದೆ. ಕರೊನಾ ಅನ್ನೋ ಮಹಾಮಾರಿ ಅರ್ಥ ವ್ಯವಸ್ಥೆಯನ್ನೇ ಬುಡಮೇಲು ಮಾಡಿದರೆ, ಭಾರತೀಯ ಚಿತ್ರರಂಗದ ಘಟಾನುಘಟಿಗಳು ಅಸುನೀಗಿದ್ದಾರೆ. ಅದರಲ್ಲೂ ಬಾಲಿವುಡ್ ನಟ ಸುಶಾಂತ್ ಆತ್ಮಹತ್ಯೆಗೆ ಶರಣಾಗಿ ಎರಡು ತಿಂಗಳ ಮೇಲಾಯಿತು. ಅವರ ಸಾವಿನ ತನಿಖೆ ಇನ್ನೂ ಚಾಲ್ತಿಯಲ್ಲಿದೆ. ರೀಲ್ ಧೋನಿಯನ್ನು ಕಳೆದುಕೊಂಡಿದ್ದ ಅಭಿಮಾನಿಗಳು, ರಿಯಲ್ ಧೋನಿ ನಿರ್ಧಾರಕ್ಕೂ ಕೊಂಚ ಬೇಸರಿಸಿಕೊಂಡಿದ್ದಾರೆ. ಬ್ಲೂ ಜೆರ್ಸಿಯಲ್ಲಿ ಇನ್ನು ಮುಂದೆ ಧೋನಿ ಕಾಣಿಸುವುದಿಲ್ಲ ಎಂಬುದನ್ನು ಧೋನಿ ಅಧಿಕೃತ ಮಾಡುತ್ತಿದ್ದಂತೆ, ಇಡೀ ಕ್ರಿಕೆಟ್ ಲೋಕ ಒಂದು ಕ್ಷಣ ಸ್ತಬ್ಧವಾಗಿತ್ತು. ಇತ್ತ ಸೋಷಿಯಲ್ ಮೀಡಿಯಾದಲ್ಲಿ ಧೋನಿಯ ಸಾಧನೆಯ ನೆನಪುಗಳು ಹರಿದಾಡ ತೊಡಗಿದವು.
