ವೈರಲ್​ ಆಗಿರುವುದು ಬಾಲಿವುಡ್​ ದಿಗ್ಗಜ ರಿಷಿ ಕಪೂರ್​ ಕೊನೆ ಕ್ಷಣದ ವಿಡಿಯೋನಾ? ಫ್ಯಾಕ್ಟ್​ಚೆಕ್​ನಲ್ಲಿ ಬಯಲಾಯ್ತು ಸತ್ಯಾಂಶ!

ಮುಂಬೈ: ದೀರ್ಘಕಾಲಿ ಕ್ಯಾನ್ಸರ್​ನಿಂದ ಬಳಲುತ್ತಿದ್ದ ಬಾಲಿವುಡ್​ ಹಿರಿಯ ನಟ ರಿಷಿ ಕಪೂರ್(67) ಅವರು ಗುರುವಾರ ಬೆಳಗ್ಗೆ ಚಿಕಿತ್ಸೆ ಫಲಕಾರಿಯಾಗದೇ ಸಾವಿಗೀಡಾದರು. ಅಸಂಖ್ಯಾತ ಅಭಿಮಾನಿಗಳನ್ನು ದುಃಖದಲ್ಲಿ ಬಿಟ್ಟು ಇಹಲೋಕ ತ್ಯಜಿಸಿದರು. ನಿಧನರಾದ ಕೆಲವೇ ಸಮಯದಲ್ಲಿ ಕಪೂರ್ ಮುಂದೆ ವ್ಯಕ್ತಿಯೊಬ್ಬ ನಿಂತು ಹಾಡುತ್ತಿರುವ ವಿಡಿಯೋವೊ0ದು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡಲು ಆರಂಭಿಸಿತು.​

ವಿಡಿಯೋದಲ್ಲಿ ಕಪೂರ್​ ಆಸ್ಪತ್ರೆಯ ಬೆಡ್​ ಮೇಲೆ ಮಲಗಿರುವಾಗ ಅವರ ಮುಂದೆ ನಿಂತ ವ್ಯಕ್ತಿಯೊಬ್ಬ ಕಪೂರ್​ ಅವರ ಸೂಪರ್​ ಹಿಟ್​ "ದಿವಾನ" ಚಿತ್ರದ "ತೇರೆ ದಾರ್ದ್​ ಸೆ ದಿಲ್​ ಆಬಾದ್​ ರಹಾ" ಹಾಡನ್ನು ಹಾಡಿದ್ದಾರೆ. ಬಳಿಕ ಕಪೂರ್​ ಆ ವ್ಯಕ್ತಿಯನ್ನು ಆಶೀರ್ವದಿಸುತ್ತಾರೆ. ಇದೀಗ ಈ ವಿಡಿಯೋವನ್ನು ನೆಟ್ಟಿಗರು ಕಪೂರ್​ ಅವರ ಕೊನೆಯ ವಿಡಿಯೋ ಎಂದು ವೈರಲ್​ ಮಾಡಲಾಗುತ್ತಿದ್ದಾರೆ.

ಇದನ್ನೂ ಓದಿ: ಮುಸ್ಲಿಂ ಹುಡುಗಿಗೆ ಸೆಹ್ರಿ ಆಯೋಜಿಸಿದ ಹಿಂದು ಮಹಿಳೆ ಮೇಲೆ ಆರ್​ಎಸ್​ಎಸ್ ಹಲ್ಲೆ​ ನಡೆಸಿತೇ?: ಫ್ಯಾಕ್ಟ್​ಚೆಕ್​​ನಲ್ಲಿ ಸತ್ಯಾಂಶ ಬಹಿರಂಗ

ಭಾರೀ ವೀಕ್ಷಣೆ ಗಿಟ್ಟಿಸಿದ ವಿಡಿಯೋ

ನಗ್ಮಾ ಹೆಸರಿ ಟ್ವಿಟರ್​ ಬಳಕೆದಾರರೊಬ್ಬರು, ಕಪೂರ್​ ಅವರು ರಿಲಯನ್ಸ್​​​ ಫೌಂಡೇಶನ್​ ಆಸ್ಪತ್ರೆಯ ವೈದ್ಯರೊಂದಿಗೆ ಇರುವ ಈ ವಿಡಿಯೋ ತುಣುಕು ಕಳೆದ(ಬುಧವಾರ) ರಾತ್ರಿಯದು. ರಿಷಿಜಿ ನೀವೆಂದಿಗೂ ಓರ್ವ ಲೆಜೆಂಡ್​. ನೀವು ಯಾವಾಗಲೂ ನಮ್ಮ ಹೃದಯ ಮತ್ತು ಮನಸ್ಸಿನಲ್ಲಿ ಉಳಿಯುತ್ತೀರಾ ಎಂದು ಬರೆದುಕೊಂಡಿದ್ದಾರೆ. ಈಗಾಗಲೇ ಆ ವಿಡಿಯೋವನ್ನು 1.74 ಲಕ್ಷಕ್ಕೂ ಅಧಿಕ ಮಂದಿ ಹೆಚ್ಚು ವೀಕ್ಷಣೆ ಮಾಡಿದ್ದಾರೆ. ಆ ವಿಡಿಯೋವನ್ನು ನೀವಿಲ್ಲಿ ಕಾಣಬಹುದು.

ಫ್ಯಾಕ್ಟ್​ಚೆಕ್​ನಲ್ಲಿ ತಿಳಿದುಬಂದಿದ್ದೇನು?

ಆದರೆ, ಇಂಡಿಯಾ ಟುಡೆ ಆ್ಯಂಟಿ ಫೇಕ್​ ನ್ಯೂಸ್​ ವಾರ್​​ ರೂಮ್​ ನಡೆಸಿದ ಫ್ಯಾಕ್ಟ್​ಚೆಕ್​ನಲ್ಲಿ ವೈರಲ್​ ಆಗಿರುವ ವಿಡಿಯೋ 3 ತಿಂಗಳು ಹಳೆಯದ್ದು ಎಂದು ತಿಳಿದುಬಂದಿದೆ. ಫೆಬ್ರವರಿಯ ಮೊದಲ ವಾರದಲ್ಲಿ ವಿಡಿಯೋವನ್ನು ಸೆರೆಹಿಡಿಯಲಾಗಿದೆ. ದೆಹಲಿ ಸಾಕೆತ್​ನಲ್ಲಿರುವ ಮ್ಯಾಕ್ಸ್​ ಆಸ್ಪತ್ರೆಗೆ ಕಪೂರ್​ ಅವರು ದಾಖಲಾಗಿದ್ದಾಗ ಸೆರೆಹಿಡಿಯಲಾಗಿತ್ತು.

ಅನೇಕ ಮಾಧ್ಯಮಗಳ ಸಹ ಆರಂಭದಲ್ಲಿ ವಿಡಿಯೋವನ್ನು ಕಪೂರ್​ ಅವರ ಕೊನೆಯ ವಿಡಿಯೋ ಎಂದೇ ವರದಿ ಮಾಡಿದ್ದವು. ಆದರೆ, ಕೊನೆಯಲ್ಲಿ ಸತ್ಯಾಂಶ ಗೊತ್ತಾಗಿ ಅದನ್ನು ಸರಿಪಡಿಸಿಕೊಂಡಿವೆ.

ವಿಡಿಯೋದ ಒಂದು ಫ್ರೇಮ್​ ತೆಗೆದುಕೊಂಡು ಗೂಗಲ್​ ರಿವರ್ಸ್ ಸರ್ಚ್​ ಇಂಜಿನ್​ನಲ್ಲಿ ಹುಡುಕಿದಾಗ ಧೀರಜ್​ ಕುಮಾರ್​ ಸನು (DHEERAJ KUMAR SANU) ಹೆಸರಿನ ಯೂಟ್ಯೂಬ್​ನಲ್ಲಿ ಕಳೆದ ಫೆಬ್ರವರಿ 3ರಲ್ಲಿ ಅಪ್​ಲೋಡ್​ ಆಗಿರುವುದು ಕಂಡುಬಂದಿದೆ. ಇದೇ ವ್ಯಕ್ತಿ ಕಪೂರ್​ರೊಂದಿಗಿನ ಸೆಲ್ಫಿಯನ್ನು ತಮ್ಮ ಫೇಸ್​ಬುಕ್​ನಲ್ಲಿ ಫೆ. 4ರಂದು ಹಂಚಿಕೊಂಡಿದ್ದಾರೆ.

ಇದನ್ನೂ ಓದಿ: ತನ್ನ ಕುಟುಂಬವನ್ನೇ ಸರ್ವನಾಶ ಮಾಡಿದ ಪಾಪಿ: ತಂದೆ, ತಾಯಿ, ಅಣ್ಣ, ಅತ್ತಿಗೆ, ಮಕ್ಕಳಿಬ್ಬರನ್ನು ಕೊಂದು ಪೊಲೀಸರಿಗೆ ಶರಣು

ಇಂಡಿಯಾ ಟುಡೆ ಫ್ಯಾಕ್ಟ್​ಚೆಕ್​ ತಂಡ ಧೀರಜ್​ ಅವರನ್ನು ಸಂಪರ್ಕಿಸಿದಾಗ ಕಪೂರ್​ ಅವರು ದೆಹಲಿಯ ಸಾಕೇತ್​ನಲ್ಲಿರುವ ಮ್ಯಾಕ್ಸ್​ ಆಸ್ಪತ್ರೆಗೆ ದಾಖಲಾಗಿದ್ದಾಗ ಫೆ. 1 ಮತ್ತು 2ರಲ್ಲಿ ವಿಡಿಯೋ ಸೆರೆಹಿಡಿದಿದ್ದಾಗಿ ತಿಳಿಸಿದ್ದಾರೆ. ಧೀರಜ್​ ಅದೇ ಆಸ್ಪತ್ರೆಯಲ್ಲಿ ವಾರ್ಡ್​ ಬಾಯ್​ ಆಗಿದ್ದಾರೆ. ಉತ್ತರಖಂಡದ ರಾಣಿಖೆತ್​ ಮೂಲದ ಧೀರಜ್​ ಪ್ರಸ್ತುತ ದೆಹಲಿಯ ಮೆಹ್ರೌಲಿ ಏರಿಯಾದಲ್ಲಿ ವಾಸವಿದ್ದಾರೆ.

ಮ್ಯಾಕ್ಸ್​ ಆಸ್ಪತ್ರೆಯು ಸಹ ಈ ಮಾಹಿತಿಯನ್ನು ಖಚಿತಪಡಿಸಿದ್ದು, ಕಪೂರ್​ ಅವರು ಫೆಬ್ರವರಿ ಮೊದಲ ವಾರದಲ್ಲಿ ದಾಖಲಾಗಿದ್ದರು ಎಂದು ತಿಳಿಸಿದೆ. ಫೆ.2ರಲ್ಲಿ ಕೆಲವು ಮಾಧ್ಯಮ ವರದಿಗಳು ಸಹ ಬಂದಿವೆ. ಸೋಂಕಿನಿಂದಾಗಿ ಕಪೂರ್​ ಅವರು ದಾಖಲಾಗಿದ್ದರು ಎಂದು ತಿಳಿಸಿದೆ.

ಇಲ್ಲಿಗೆ ಸ್ಪಷ್ಟವಾಗುವುದೇನೆಂದರೆ ವೈರಲ್​ ವಿಡಿಯೋವನ್ನು ಮುಂಬೈ ರಿಲಯನ್ಸ್​ ಫೌಂಡೇಶನ್​ ಆಸ್ಪತ್ರೆಯಲ್ಲಿ ಕಪೂರ್​ ನಿಧನರಾಗುವ ಮುನ್ನ ಸೆರೆಹಿಡಿಯಲಾಗಿಲ್ಲ. ಅದನ್ನು ಫೆಬ್ರವರಿ ಮೊದಲ ವಾರದಲ್ಲಿ ದೆಹಲಿಯ ಮ್ಯಾಕ್ಸ್​ ಆಸ್ಪತ್ರೆಗೆ ಕಪೂರ್​ ದಾಖಲಾಗಿದ್ದಾಗ ಸೆರೆಹಿಡಿದಂತಹ ವಿಡಿಯೋವಾಗಿದೆ. ಹಾಡು ಹೇಳುತ್ತಿರುವ ವ್ಯಕ್ತಿ ವೈದ್ಯನಲ್ಲ. ಅವರೊಬ್ಬ ವಾರ್ಡ್​ ಬಾಯ್​.​ (ಏಜೆನ್ಸೀಸ್​)

https://www.vijayavani.net/david-warner-in-awe-of-allu-arjun-and-pooja-hegdes-dance-number-butta-bomma/