MyGovIndia ಕೂಡಾ 'ಟಿಕ್​ಟಾಕ್​' ​ನಲ್ಲಿದೆ!!!

ನವದೆಹಲಿ: ಚೀನಾ ಉತ್ಪನ್ನಗಳ, ಆ್ಯಪ್​ಗಳ ಬಳಕೆಯನ್ನು ನಿಲ್ಲಿಸಿ ಅಭಿಯಾನ ಜೋರಾಗಿಯೇ ನಡೆಯುತ್ತಿದೆ. ಆದಾಗ್ಯೂ, ಟಿಕ್​ಟಾಕ್ ಜನಪ್ರಿಯವಾದ ಆ್ಯಪ್​ ಎಂಬುದಕ್ಕೆ ಯಾರ ಆಕ್ಷೇಪವೂ ಇಲ್ಲ. ಭಾರತದ ಸರ್ಕಾರದ MyGovIndia ಕೂಡ ಇದರಲ್ಲಿ ಖಾತೆ ಹೊಂದಿದ್ದು 8.8 ಲಕ್ಷಕ್ಕೂ ಹೆಚ್ಚು ಫಾಲೋಯರ್ಸ್​ ಹೊಂದಿದೆ. ಸರ್ಕಾರ ಅನೇಕ ಘೋಷಣೆಗಳನ್ನು, ವಿವಿಧ ಜಾಗೃತಿ ಅಭಿಯಾನಗಳ ವಿಡಿಯೋಗಳನ್ನು ಟಿಕ್​ಟಾಕ್​ನಲ್ಲಿ ಅಪ್ಲೋಡ್ ಮಾಡುತ್ತಿದೆ.

ಪರಿಸರ ದಿನಾಚರಣೆ, ಮೈಲೈಫ್ ಮೈಯೋಗ ಹ್ಯಾಷ್​ ಟ್ಯಾಗ್​ಗಳಿರುವ ವಿಡಿಯೋ ತೀರಾ ಇತ್ತೀಚಿನವು. MyGovIndia ಹೆಸರಿನಲ್ಲಿ ನಕಲಿ ಖಾತೆಗಳೂ ಇದ್ದು, ನೀಲಿ ಟಿಕ್ ಮಾರ್ಕ್​ ಇರುವುದು ಅಧಿಕೃತ ಖಾತೆಯಾಗಿದೆ. ಇದರಲ್ಲಿ 8.83 ಲಕ್ಷ ಫಾಲೋಯರ್ಸ್ ಇದ್ದಾರೆ. ಮೈಗೌ ಇಂಡಿಯಾದ ಅಧಿಕೃತ ಖಾತೆಯ ಬಯೋಡೇಟಾ ವಿಭಾಗದಲ್ಲಿ “Citizen engagement platform of Government of India.” ಎಂಬ ಹೇಳಿಕೆಯೂ ಇದೆ.

ಇದನ್ನೂ ಓದಿ: ರಿಮೂವ್ ಚೀನಾ ಆಪ್ಸ್ ಪ್ಲೇಸ್ಟೋರ್​ನಿಂದಲೇ ರಿಮೂವ್​ ಆಯ್ತು!

ಒಂದೆಡೆ ಚೀನಾ ಉತ್ಪನ್ನಗಳ ಬಳಕೆಗೆ ವಿರೋಧ ಜನರಿಂದ ವ್ಯಕ್ತವಾಗುತ್ತಿದ್ದು, ಅಭಿಯಾನ ನಡೆದಿದೆ. ಸರ್ಕಾರ ಇನ್ನೂ ಚೀನಾದ ವಿಷಯವಾಗಿ ಅಧಿಕೃತ ನಿಲುವು ತಾಳಿಲ್ಲ ಎಂಬುದು ಇಲ್ಲಿ ವ್ಯಕ್ತವಾಗಿದೆ ಎಂಬ ಟೀಕೆ ಕೇಳಿ ಬಂದಿದೆ. (ಏಜೆನ್ಸೀಸ್​)

https://www.vijayavani.net/amul-twitter-account-blocked-briefly-after-ad-targeted-china/