ನವದೆಹಲಿ: ಇತ್ತೀಚಿನ ದಿನಗಳಲ್ಲಿ ತೀವ್ರಗೊಂಡಿರುವ ಚೀನಾ ವಿರೋಧಿ ಚಳವಳಿಗೆ ಸಾಥ್ ನೀಡುವಂತೆ ಬಂದಿದ್ದ ‘ರಿಮೂವ್ ಚೀನಾ ಆಪ್ಸ್’ ಆಪನ್ನು ಗೂಗಲ್ ತನ್ನ ಪ್ಲೇ ಸ್ಟೋರ್ನಿಂದ ತೆಗೆದುಹಾಕಿದೆ. ಈ ಆಪ್ ಗೂಗಲ್ ನೀತಿ ಉಲ್ಲಂಘಿಸಿರುವ ಕಾರಣದಿಂದಾಗಿ ತೆಗೆದುಹಾಕಿರುವುದಾಗಿ ಸಂಸ್ಥೆ ತಿಳಿಸಿದೆ.
ಇದನ್ನೂ ಓದಿ: 17ರಂದು ವಿಶ್ವಸಂಸ್ಥೆ ಭದ್ರತಾ ಸಮಿತಿ ಸದಸ್ಯತ್ವಕ್ಕೆ ಚುನಾವಣೆ
ಕರೊನಾ ವೈರಸ್ ಮೂಲ ಸ್ಥಾನ ಚೀನಾವಾಗಿರುವುದು ಮತ್ತು ಲಡಾಖ್ ಭಾಗದಲ್ಲಿ ಚೀನಾ ಮತ್ತು ಭಾರತದ ನಡುವೆ ಉಂಟಾಗಿರುವ ಬಿಕ್ಕಟ್ಟಿನಿಂದಾಗಿ ದೇಶದಲ್ಲಿ ಚೀನಾ ವಿರೋಧಿ ಚಳವಳಿ ಆರಂಭವಾಗಿದೆ. ಚೀನಾದ ಟಿಕ್ಟಾಕ್, ಪಬ್ಜಿ ಸೇರಿದಂತೆ ಅನೇಕ ಆಪ್ಗಳನ್ನು ತೆಗೆದುಹಾಕಬೇಕು ಎಂದು ದೇಶದೆಲ್ಲೆಡೆ ಕೂಗು ಕೇಳಿಸುತ್ತಿದೆ. ಇದಕ್ಕೆ ಪ್ರತಿಯಾಗಿ ಜೈಪುರದ ಒನ್ ಟಚ್ ಆಪ್ ಲ್ಯಾಬ್ಸ್ ಸಂಸ್ಥೆ ‘ರಿಮೂವ್ ಚೀನಾ ಆಪ್ಸ್’ ಹೆಸರಿನ ಆಪ್ನ್ನು ಅಭಿವೃದ್ಧಿಪಡಿಸಿ ಗೂಗಲ್ ಪ್ಲೇ ಸ್ಟೋರ್ಗೆ ಸೇರಿಸಿತ್ತು. ಮೇ 17ರಂದು ಪ್ಲೇ ಸ್ಟೋರ್ಗೆ ಬಂದ ಈ ಆಪ್, 15 ದಿನಗಳಲ್ಲಿ 50 ಲಕ್ಷಕ್ಕೂ ಹೆಚ್ಚಿನ ಜನರಿಂದ ಡೌನ್ಲೋಡ್ ಆಗಿತ್ತು.
ಇದನ್ನೂ ಓದಿ: ನಿಮ್ಮ ಮೊಬೈಲ್ನಲ್ಲಿ ಚೀನಾದ ಆ್ಯಪ್ ಇದೆಯೆ- ಪತ್ತೆ ಹಚ್ಚೋದು ಹೇಗೆ?
ಪ್ಲೇ ಸ್ಟೋರ್ನ ಉಚಿತ ಆಪ್ಗಳ ಪಟ್ಟಿಯಲ್ಲಿ ಅಗ್ರ ಸ್ಥಾನದಲ್ಲಿ ಕಾಣಿಸಿಕೊಂಡಿತ್ತು. ಭಾರತ ಮಾತ್ರವಲ್ಲದೆ ಆಸ್ಟ್ರೇಲಿಯಾದಲ್ಲೂ ಆಪ್ ಬಳಕೆಯಾಗಲಾರಂಭಿಸಿತ್ತು. ಈ ಆಪ್ನ ಮೂಲಕ ಮೊಬೈಲ್ನಲ್ಲಿರುವ ಚೀನಾ ಆಪ್ಗಳನ್ನು ಗುರುತಿಸಿ ಅವುಗಳನ್ನು ತೆಗೆದುಹಾಕಬಹುದಾಗಿತ್ತು. ಈ ಹಿಂದೆ ಟಿಕ್ಟಾಕ್ ಬದಲಾಗಿ ಬಂದಿದ್ದ ಭಾರತದ ಮಿತ್ರೋ ಆಪ್ನ್ನು ಸಹ ಗೂಗಲ್ ಪ್ಲೇ ಸ್ಟೋರ್ ತೆಗೆದುಹಾಕಿತ್ತು.