ಇಪಿಎಫ್​ಒ​ ದೀಪಾವಳಿ ಗಿಫ್ಟ್​: ನೌಕರರ ಖಾತೆಗಳಿಗೆ ಜಮೆಯಾದ ಬಡ್ಡಿ ಎಷ್ಟು?

ನವದೆಹಲಿ: ಉದ್ಯೋಗಿಗಳ ಭವಿಷ್ಯ ನಿಧಿ ಸಂಸ್ಥೆ (ಇಪಿಎಫ್‌ಒ) ಇತ್ತೀಚೆಗೆ ಘೋಷಿಸಿದಂತೆ ಭವಿಷ್ಯ ನಿಧಿ (ಪಿಎಫ್) ಖಾತೆಗಳಿಗೆ ಬಡ್ಡಿಯನ್ನು ಜಮಾ ಮಾಡುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ.

ಇದನ್ನೂ ಓದಿ: ಡಿಸೆಂಬರ್​ನಿಂದ ಲಕ್ಷಾಂತರ ಜಿ-ಮೇಲ್​ ಖಾತೆ ಡಿಲೀಟ್​ಗೆ ಮುಂದಾದ ಗೂಗಲ್​- ಕಾರಣ ಇಲ್ಲಿದೆ…

ಕೇಂದ್ರ ಕಾರ್ಮಿಕ ಮತ್ತು ಉದ್ಯೋಗ ಖಾತೆ ಸಚಿವ ಭೂಪೇಂದರ್ ಯಾದವ್ ಪ್ರತಿಕ್ರಿಯಿಸಿ, ಇಪಿಎಫ್‌ಒ ಈಗಾಗಲೇ 24 ಕೋಟಿಗೂ ಹೆಚ್ಚು ಖಾತೆಗಳಿಗೆ ಬಡ್ಡಿಯನ್ನು ಜಮೆ ಮಾಡಡಲಾಗಿದೆ. 2022-23 ರ ಹಣಕಾಸು ವರ್ಷದಲ್ಲಿ, ಇಪಿಎಫ್ ಖಾತೆಗಳ ಮೇಲಿನ ಬಡ್ಡಿ ದರವು ಶೇಕಡಾ 8.15 ರಷ್ಟಿದೆ ಎಂದು ಹೇಳಿದ್ದಾರೆ.

ಇಪಿಎಫ್​ ಖಾತೆಗಳಿಗೆ ಬಡ್ಡಿ ಜಮೆ ಮಾಡುವ ಪ್ರಕ್ರಿಯೆಗೆ ಸಂಸ್ಥೆ ಪ್ರತಿಕ್ರಿಯಿಸಿದ್ದು, "ಪ್ರಕ್ರಿಯೆಯು ಪ್ರಗತಿಯಲ್ಲಿದೆ ಮತ್ತು ಶೀಘ್ರದಲ್ಲೇ ಪ್ರತಿಫಲಿಸುತ್ತದೆ. ಒಮ್ಮೆ ಬಡ್ಡಿಯನ್ನು ಜಮೆ ಮಾಡಿದ ನಂತರ, ಅದನ್ನು ಒಟ್ಟು ಖಾತೆ ಹಣಕ್ಕೆ ಹೊಂದಿಸಲಾಗುತ್ತದೆ. ಬಡ್ಡಿಯನ್ನು ಪೂರ್ಣವಾಗಿ ಪಾವತಿಸಲಾಗುತ್ತದೆ ಎಂದು ಖಚಿತಪಡಿಸುತ್ತದೆ ಎಂದು ಹೇಳಿದೆ.

ಬ್ಯಾಲೆನ್ಸ್ ಪರಿಶೀಲಲನೆ ಹೇಗೆ?: ಒಮ್ಮೆ ಬಡ್ಡಿಯನ್ನು ಕ್ರೆಡಿಟ್ ಮಾಡಿದ ನಂತರ, ವ್ಯಕ್ತಿಗಳು ಅದನ್ನು ತಮ್ಮ ಪಿಎಫ್ ಖಾತೆಯಲ್ಲಿ ವೀಕ್ಷಿಸಬಹುದು. ಭವಿಷ್ಯ ನಿಧಿ ಖಾತೆಯ ಸಮತೋಲನವನ್ನು ಪರಿಶೀಲಿಸಲು ಹಲವಾರು ವಿಧಾನಗಳಿವೆ...

ಮೊದಲನೇಯದಾಗಿ ಯುಎಂಎಎನ್​ಜಿ(ಉಮಾಂಗ್) ಅಪ್ಲಿಕೇಶನ್ ಬಳಸಬಹುದು. ಗೂಗಲ್​ ಪ್ಲೇ ಸ್ಟೋರ್​ನಿಂದ ಅಪ್ಲಿಕೇಶನ್ ಅನ್ನು ಡೌನ್‌ಲೋಡ್ ಮಾಡಿ ಇಪಿಎಫ್​ಒ ಸೇವೆಗಳಿಗಾಗಿ ಅಪ್ಲಿಕೇಶನ್‌ನಲ್ಲಿ ನೋಂದಾಯಿಸಿಕೊಳ್ಳಬೇಕು. ಬಳಿಕ 'ಸೇವೆ' ಗೆ ಹೋಗಿ ಮತ್ತು 'ನೌಕರ ಕೇಂದ್ರಿತ ಸೇವೆ' ಅಡಿಯಲ್ಲಿ 'ಪಾಸ್‌ಬುಕ್ ವೀಕ್ಷಿಸಿ' ಆಯ್ಕೆಮಾಡಿಕೊಂಡು ನಿಮ್ಮ ಇಪಿಎಫ್​ ಪಾಸ್‌ಬುಕ್ ಅನ್ನು ಪ್ರವೇಶಿಸಲು ಮತ್ತು ನಿಮ್ಮ ಬ್ಯಾಲೆನ್ಸ್ ಅನ್ನು ಪರಿಶೀಲಿಸಲು ಒಟಿಪಿ ಪರಿಶೀಲನೆ ಸೇರಿದಂತೆ ವಿವಿಧ ಹಂತಗಳನ್ನು ಅನುಸರಿಸಬೇಕಾಗುತ್ತದೆ.

ಎಸ್​ಎಂಎಸ್​ ಕಳುಹಿಸುವ ಮೂಲಕ: ನಿಮ್ಮ ಯುಎಎನ್​ ಅನ್ನು ಇಪಿಎಫ್​ಒ​​ನೊಂದಿಗೆ ಲಿಂಕ್ ಮಾಡಿದ್ದರೆ, ನೀವು 7738299899 ಗೆ ಎಸ್​ಎಂಎಸ್​ ಕಳುಹಿಸುವ ಮೂಲಕ ನಿಮ್ಮ ಕೊಡುಗೆ ಮತ್ತು ಪಿಎಫ್​ ಸಮತೋಲನವನ್ನು ಪರಿಶೀಲಿಸಬಹುದು.

ಮಿಸ್ಡ್ ಕಾಲ್ ನೀಡುವ ಮೂಲಕ: ನೋಂದಾಯಿತ ಬಳಕೆದಾರರು ತಮ್ಮ ನೋಂದಾಯಿತ ಮೊಬೈಲ್ ಸಂಖ್ಯೆಯಿಂದ 011-22901406 ಗೆ ಮಿಸ್ಡ್ ಕಾಲ್ ಮೂಲಕ ವಿವರಗಳನ್ನು ಪಡೆಯಬಹುದು. ಅವರ ಪ್ಯಾನ್, ಆಧಾರ್ ಮತ್ತು ಬ್ಯಾಂಕ್ ಖಾತೆ ವಿವರಗಳನ್ನು ಯುಎಎನ್‌ಗೆ ಲಿಂಕ್ ಮಾಡಿದ್ದರೆ. ಉದ್ಯೋಗದಾತರು ಈ ಮಾಹಿತಿಯನ್ನು ಒದಗಿಸಲು ಮಾಡಲು ಸಹಾಯ ಮಾಡಬಹುದು ಮತ್ತು ಸೇವೆಗೆ ಯಾವುದೇ ಶುಲ್ಕವಿರುವುದಿಲ್ಲ.

https://www.vijayavani.net/diwali-chinese-exporters-set-to-to-suffer-rs-50000-crore-losses