ಸಿಲಿಂಡರ್ ಸ್ಫೋಟ; ಒಂದೇ ಕುಟುಂಬದ ನಾಲ್ವರು ಸಾವು

ವಿಶಾಖಪಟ್ಟಣಂ:  ಐದು ದಿನಗಳ ಹಿಂದೆ ಮಧುರವಾಡ ವಾಂಬೆ ಕಾಲೋನಿಯಲ್ಲಿ ಸಂಭವಿಸಿದ  ಅನಿಲ ಸೋರಿಕೆಯಿಂದ ಬೆಂಕಿ ಅವಘಡ ಸಂಭವಿಸಿದ್ದು, ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಒಂದೇ ಕುಟುಂಬದ ಎಲ್ಲಾ ಸದಸ್ಯರು ಸಾವನ್ನಪ್ಪಿರುವ ಘಟನೆ ನಡೆದಿದೆ.

ಬಾಲರಾಜು, ಅವರ ಪತ್ನಿ ಚಿನ್ನಿ ಮಕ್ಕಳಾದ ಗಿರಿ ಮತ್ತು ಕಾರ್ತಿಕ್ ಮೃತರು. ಗ್ಯಾಸ್​​ ಸಿಲಿಂಡರ್​  ಸ್ಫೋಟಗೊಂಡು ಮೃತ ಪಟ್ಟಿದ್ದಾರೆ.  ಮೃತರ ಅಂತ್ಯಕ್ರೀಯೆಯನ್ನು ನೆರೆಹೊರೆಯವರೆ ನೇರವೆರಿಸಿದ್ದಾರೆ.

ಅದೊಂದು ಬಡ ಕುಟುಂಬ. ದಂಪತಿಗೆ ಇಬ್ಬರು ಗಂಡು ಮಕ್ಕಳಿದ್ದರು, ಮತ್ತು ಎಲ್ಲರೊಂದಿಗೆ ಒಟ್ಟಿಗೆ ವಾಸಿಸುತ್ತಿದ್ದರು.  ಬಾಲರಾಜು ಅವರು ಪತ್ನಿ ಚಿನ್ನಿ ಹಾಗೂ ಇಬ್ಬರು ಪುತ್ರರೊಂದಿಗೆ ವಿಶಾಖದ ಮಧುರವಾಡದ ವಾಂಬೆ ಕಾಲೋನಿಯಲ್ಲಿ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದಾರೆ. ಬಾಲರಾಜು, ಕಾರ್ಪೆಂಟರ್ ಕೆಲಸ ಮಾಡುತ್ತಿದ್ದರು. ಮಕ್ಕಳಾದ ಗಿರಿ ಮತ್ತು ಕಾರ್ತಿಕ್ ಜತೆ ದಂಪತಿ ವಾಸವಾಗಿದ್ದರು. 

ನವೆಂಬರ್ 24 ರಂದು ಮುಂಜಾನೆ ಬಾಲರಾಜು ಪತ್ನಿ  ಅಡುಗೆ ಅನಿಲ ಖಾಲಿಯಾಗಿದೆ ಎಂದು ತಿಳಿಸಿದ್ದಾರೆ.  ಮತ್ತೊಂದು ಸಿಲಿಂಡರ್ ಅಳವಡಿಸಿ ಅದಕ್ಕೆ ರೆಗ್ಯುಲೇಟರ್ ಅಳವಡಿಸಲಾಗಿದೆ. ಇತ್ತ ಪೂಜೆ ಮಾಡಲು ಮಕ್ಕಳು ದೀಪ ಇಟ್ಟು ಸಿದ್ಧಪಡಿಸಿದ್ದಾರೆ. ದೀಪ ಹಚ್ಚಿದ ತಕ್ಷಣ ದಟ್ಟ ಹೊಗೆ ಮನೆ ತುಂಬಿ ಮನೆಯಲ್ಲಿ ಬೆಂಕಿ ಕಾಣಿಸಿಕೊಂಡು ಮನೆಯಿಂದ ಕಿರುಚಾಟ ಕೇಳಿಸಿತು. ನೆರೆಹೊರೆಯವರು ಅಲ್ಲಿಗೆ ಧಾವಿಸಿ ಬೆಂಕಿಯಲ್ಲಿ ಸಿಲುಕಿದ ನಾಲ್ವರನ್ನು ಹೊರತೆಗೆದರು. ಅಗ್ನಿಶಾಮಕ ಸಿಬ್ಬಂದಿಯ ಸಹಾಯದಿಂದ ಪೊಲೀಸರು ಆಸ್ಪತ್ರೆಗೆ ಧಾವಿಸಿದರು. ಗಾಯಾಳು ಬಾಲರಾಜು ಅವರ ಪತ್ನಿ ಚಿನ್ನಿ ಹಾಗೂ ಇಬ್ಬರು ಪುತ್ರರನ್ನು ಆಸ್ಪತ್ರೆಗೆ ಸಾಗಿಸಲಾಗಿದೆ.

ಚಿಕಿತ್ಸೆ ನೀಡಿದ ಮೂರನೇ ದಿನವೇ ಇಬ್ಬರು ಪುತ್ರರಲ್ಲಿ ಒಬ್ಬರು ಪ್ರಾಣ ಕಳೆದುಕೊಂಡಿದ್ದಾರೆ. ಸ್ಥಳೀಯರು ಮೃತದೇಹಕ್ಕೆ ಅಂತಿಮ ಸಂಸ್ಕಾರ ನೆರವೇರಿಸಿದರು. ಆ ದುರಂತದಿಂದ ಚೇತರಿಸಿಕೊಳ್ಳುವ ಮುನ್ನವೇ ಮತ್ತೊಬ್ಬ ಮಗ ಅದೇ ದಿನ ಆಸ್ಪತ್ರೆಯಲ್ಲಿ ಸಾವನ್ನಪ್ಪಿದ್ದಾನೆ. ಮಕ್ಕಳಾದ ಗಿರಿ (23) ಮತ್ತು ಕಾರ್ತಿಕ್ (21) ಪ್ರಾಣ ಕಳೆದುಕೊಂಡಿದ್ದರಿಂದ ಪೋಷಕರಿಗೆ ಇದನ್ನು ಸಹಿಸಲಾಗಲಿಲ್ಲ. ಆ ಬಳಿಕ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ಬಾಲರಾಜು ಹಾಗೂ ಪತ್ನಿ ಚಿನ್ನಿ ಇಬ್ಬರೂ ಸಾವನ್ನಪ್ಪಿದ್ದಾರೆ. ಒಂದೇ ಕುಟುಂಬದ ನಾಲ್ವರು ಪ್ರಾಣ ಕಳೆದುಕೊಂಡಿದ್ದರಿಂದ ಕಾಲೋನಿಯಲ್ಲಿ ದುರಂತ ಸಂಭವಿಸಿದೆ. ಬಾಲರಾಜು ಅವರ ಹುಟ್ಟೂರು ಆನಂದಪುರಂ ಗ್ರಾಮವಾಗಿದ್ದರೂ ಉದ್ಯೋಗ ನಿಮಿತ್ತ ನಗರಕ್ಕೆ ಬಂದಿದ್ದೇ ತಡ. ದೂರದ ಸಂಬಂಧಿಕರಿದ್ದರೂ ಬಾಲರಾಜು ಕುಟುಂಬ ಅನಾಥವಾಗಬಾರದೆಂದು ಸ್ಥಳೀಯರೆಲ್ಲ ಸೇರಿ ಅಂತಿಮ ಸಂಸ್ಕಾರ ನೆರವೇರಿಸಿದರು.

https://www.vijayavani.net/company-offers-over-rs-40000-for-human-excreta