ಬಿ.ಎಸ್.ಯಡಿಯೂರಪ್ಪ ನೇತೃತ್ವದ ರಾಜ್ಯ ಬಿಜೆಪಿ ಸರ್ಕಾರ ಇದೇ 26ಕ್ಕೆ ಒಂದು ವರ್ಷ ಪೂರೈಸಿದೆ. ಯಡಿಯೂರಪ್ಪ ಮುಖ್ಯಮಂತ್ರಿಯಾಗಿ ಪ್ರಮಾಣವಚನ ಸ್ವೀಕರಿಸಿದ ಬೆನ್ನಲ್ಲೇ, ಸಾಲು ಸಾಲು ಸವಾಲು, ಸಂಕಷ್ಟಗಳು ಉದ್ಭವಿಸಿದವು. ಸಂಪುಟ ರಚನೆಯೂ ಆಗಿರಲಿಲ್ಲ. ಅಂಥ ಹೊತ್ತಲ್ಲಿ ಪ್ರವಾಹ ಪರಿಸ್ಥಿತಿ ಕಾಣಿಸಿಕೊಂಡಾಗ ಮೂರು ತಿಂಗಳ ಕಾಲ ಮುಖ್ಯಮಂತ್ರಿಯೊಬ್ಬರೇ ರಾಜ್ಯಾದ್ಯಂತ ಸಂಚರಿಸಿ ಸಂತ್ರಸ್ತರ ನೋವುಗಳಿಗೆ ಸ್ಪಂದಿಸಿದರು. ಕೆಲ ಭಾಗಗಳಲ್ಲಿ ತೀವ್ರ ಬರವೂ ಕಾಡಿತು. ಕರ್ನಾಟಕದ ಅಭಿವೃದ್ಧಿ ತಮ್ಮದೇ ಆದ ದೃಷ್ಟಿಕೋನ, ಮಾದರಿ, ಹೊಸ ಕನಸುಗಳನ್ನು ಹೊಂದಿರುವ ಮುಖ್ಯಮಂತ್ರಿ, ಅದಕ್ಕೆ ಪೂರಕ ಎಂಬಂತೆ ಬಜೆಟ್ ಮಂಡಿಸಿದರು. ಸಚಿವ ಸಂಪುಟವನ್ನೂ ಬಲಗೊಳಿಸಿದರು. ಅಷ್ಟರಲ್ಲೇ ಶುರುವಾದ ಕರೊನಾ ಹಾವಳಿಯಂತೂ ತೀವ್ರ ಹಾನಿ ಮಾಡಿದೆ. ಎರಡು ತಿಂಗಳಿಗೂ ಹೆಚ್ಚು ಕಾಲ ಲಾಕ್ಡೌನ್ ಇದ್ದಿದ್ದರಿಂದ ಆರ್ಥಿಕ ಅಭಿವೃದ್ಧಿ ಮೇಲೆ ಪ್ರತಿಕೂಲ ಪರಿಣಾಮವಾಗಿದ್ದು, ಬಹುತೇಕ ಎಲ್ಲ ವಲಯಗಳು ನಷ್ಟ ಅನುಭವಿಸಿವೆ. ಲಾಕ್ಡೌನ್ ಹೊತ್ತಲ್ಲಿ ರೈತರಿಗೆ, ಕೂಲಿಕಾರ್ವಿುಕರಿಗೆ, ಇತರ ಶ್ರಮಜೀವಿ ವರ್ಗಕ್ಕೆ ಸರ್ಕಾರ ನೆರವನ್ನೂ ಘೋಷಿಸಿತು.
