ಅಲ್ಲದೆ, ವಿಐಪಿ, ವಿವಿಐಪಿ ದರ್ಶನದ ಪಾಸ್ಗಳನ್ನು ಲಕ್ಷಾಂತರ ಸಂಖ್ಯೆಯಲ್ಲಿ ಮುದ್ರಿಸಿ ಹಂಚಿದ್ದು, ಒಂದು ಸಾವಿರ ರೂ. ಪಾಸುಗಳನ್ನು ದೊಡ್ಡ ಸಂಖ್ಯೆಯಲ್ಲಿ ಮಾರಾಟ ಮಾಡಿದ್ದು, ಕೆಲವು ರಾಜಕಾರಣಿಗಳ ವಿಪರೀತ ಹಸ್ತಕ್ಷೇಪ, ಅಧಿಕಾರಿಗಳ ಪೂರ್ವಯೋಜನೆಯಲ್ಲಿನ ನ್ಯೂನತೆಗಳು ಈ ಬಾರಿಯ ಅವ್ಯವಸ್ಥೆಗೆ ಕಾರಣವಾಗಿವೆ. ವರ್ಷಕ್ಕೊಮ್ಮೆ 13 ದಿನಗಳ ಕಾಲ ತೆರೆಯುತ್ತಿದ್ದ ದೇಗುಲ ಈ ಬಾರಿ 9 ದಿನ ಮಾತ್ರ ತೆರೆದಿರುವುದು ಕೂಡ ಈ ಜನಜಂಗುಳಿಗೆ ಕಾರಣವಾಗಿರಬಹುದು. ಇದೆಲ್ಲ ಏನೇ ಇದ್ದರೂ ದೊಡ್ಡ ಸಂಖ್ಯೆಯಲ್ಲಿ ಭಕ್ತಸಮೂಹ ಬರುವುದು ಆರಂಭವಾಗುತ್ತಿದ್ದಂತೆಯೇ ಜಿಲ್ಲಾಡಳಿತ, ಜಿಲ್ಲಾ ಉಸ್ತುವಾರಿ ಸಚಿವರು, ಸ್ಥಳೀಯ ಜನಪ್ರತಿನಿಧಿಗಳೆಲ್ಲ ಸೇರಿ ಸೂಕ್ತ ವ್ಯವಸ್ಥೆ, ಭದ್ರತೆ ಏರ್ಪಾಡು ಮಾಡಬೇಕಿತ್ತು.
