Rahul Gandhi Malaysia Trip | ರಾಹುಲ್​ ಗಾಂಧಿ ಮಲೇಷ್ಯಾ ಪ್ರವಾಸ; ಬಿಹಾರದ ಬಿಸಿಲು, ಧೂಳಿನಿಂದ ಬಳಲಿದಿರಾ.? ಎಂದು ಬಿಜೆಪಿ ವ್ಯಂಗ್ಯ!

Rahul Gandhi Malaysia Trip: ಬಿಹಾರ ವಿಧಾನಸಭಾ ಚುನಾವಣೆಯ ಭರ್ಜರಿ ಪ್ರಚಾರದ ನಡುವೆ, ಲೋಕಸಭೆಯ ವಿರೋಧ ಪಕ್ಷದ ನಾಯಕ ರಾಹುಲ್ ಗಾಂಧಿ ಮಲೇಷ್ಯಾದ ಪ್ರಸಿದ್ಧ ಪ್ರವಾಸಿ ತಾಣವಾದ ಲಂಗ್ಕಾವಿಗೆ ತೆರಳಿರುವುದನ್ನು ಬಿಜೆಪಿ ವ್ಯಂಗ್ಯವಾಡಿದೆ.

ತಮ್ಮ ಎಕ್ಸ್​​ ಖಾತೆಯಲ್ಲಿ ಪೋಸ್ಟ್​​ ಹಂಚಿಕೊಂಡಿರುವ ಬಿಜೆಪಿ ಐಟಿ ಸೆಲ್ ಮುಖ್ಯಸ್ಥ ಅಮಿತ್ ಮಾಳವೀಯ, ಬಿಹಾರದ ರಾಜಕೀಯದ ಬಿಸಿ ಮತ್ತು ಧೂಳು ಕಾಂಗ್ರೆಸ್ ಯುವರಾಜನಿಗೆ ತುಂಬಾ ಭಾರವಾದಂತೆ ಕಾಣುತ್ತಿದೆ, ರಾಹುಲ್​​ ವಿಶ್ರಾಂತಿ ಪಡೆಯಲು ತುಂಬಾ ಆತುರದಲ್ಲಿದ್ದಾರೆ, ಇದು ಯಾರಿಗೂ ತಿಳಿಯಬಾರದ ರಹಸ್ಯ ಸಭೆಗಳಲ್ಲಿ ಒಂದಾ?, ಜನರು ನಿಜವಾದ ಸಮಸ್ಯೆಗಳೊಂದಿಗೆ ಹೋರಾಡುತ್ತಿರುವಾಗ, ರಾಹುಲ್ ಗಾಂಧಿ ಅಲ್ಲಿಂದ ಕಾಣೆಯಾಗಿದ್ದಾರೆ ಎಂದು ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ:ಕ್ರಿಕೆಟ್ ಪಂದ್ಯ ನಡೆಯುತ್ತಿರುವಾಗ ಮೈದಾನದಲ್ಲಿ ಬಾಂಬ್ ಸ್ಫೋಟ: ಓರ್ವ ಸಾವು, ಹಲವು ಮಂದಿಗೆ ಗಾಯ! Bomb Blast

ಬಿಹಾರದಲ್ಲಿ ರಾಹುಲ್ ಗಾಂಧಿ ನೇತೃತ್ವದಲ್ಲಿ ಕೈಗೊಂಡ ಮತದಾರರ ಅಧಿಕಾರ ಯಾತ್ರೆ ಸೆಪ್ಟೆಂಬರ್ 1 ರಂದು ಮುಕ್ತಾಯವಾಗಿದ್ದು, ಕೇವಲ ಎರಡು ವಾರಗಳಲ್ಲಿ ಸುಮಾರು 1,300 ಕಿಲೋಮೀಟರ್, 25 ಜಿಲ್ಲೆಗಳು ಮತ್ತು ಸರಿಸುಮಾರು 110 ವಿಧಾನಸಭಾ ಕ್ಷೇತ್ರಗಳನ್ನು ಈ ಯಾತ್ರೆ ಕ್ರಮಿಸಿದೆ ಎಂದು ವರದಿಯಾಗಿದೆ.

ಬಿಜೆಪಿ ಪದೇ ಪದೇ ರಾಹುಲ್​ರ ವಿದೇಶ ಪ್ರವಾಸಗಳನ್ನು ಗುರಿಯಾಗಿಸಿಕೊಂಡಿದ್ದು, ವಿಶೇಷವಾಗಿ ಸಂಸತ್ತಿನ ಅಧಿವೇಶನಗಳ ಸಮಯದಲ್ಲಿ ಅವರ ಪ್ರವಾಸ ಬಿಜೆಪಿಯಿಂದ ಟೀಕೆಗಳನ್ನು ಎದುರಿಸುತ್ತಿದೆ. ಈ ವರ್ಷದ ಬಜೆಟ್ ಅಧಿವೇಶನದಲ್ಲಿ, ವಿಪಕ್ಷ ನಾಯಕ, ವಿಯೆಟ್ನಾಂ ಮತ್ತು ಇತರ ದೇಶಗಳಿಗೆ ಪ್ರವಾಸ ಕೈಗೊಂಡಿದ್ದರು ಎನ್ನಲಾಗಿದೆ. ಇಂತಹ ಬಹಿರಂಗಪಡಿಸದ ಪ್ರವಾಸಗಳು ವಿರೋಧ ಪಕ್ಷದ ನಾಯಕನಿಗೆ ಯೋಗ್ಯವಲ್ಲ ಎಂದಿರುವ ಕಮಲ ಪಾಳಯ, ರಾಷ್ಟ್ರೀಯ ಭದ್ರತೆಯ ಬಗ್ಗೆ ಕಳವಳ ವ್ಯಕ್ತಪಡಿಸಿದೆ.(ಏಜೆನ್ಸೀಸ್​​)

https://www.vijayavani.net/kerala-congress-units-social-media-chief-resigns-amid-bidis-bihar-post-row

https://www.vijayavani.net/rajeev-chandrasekhar-rss-flag-with-op-sindoor-written-on-floral-carpet-in-kerala-sparks-row