ದುಬೈ-ಅಮೃತಸರ ಏರ್ ಇಂಡಿಯಾ ವಿಮಾನ ಕರಾಚಿಯಲ್ಲಿ ತುರ್ತು ಭೂಸ್ಪರ್ಶ

ನವದೆಹಲಿ: ದುಬೈನಿಂದ ಅಮೃತಸರಕ್ಕೆ ಹೊರಟಿದ್ದ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಿಮಾನವು ಕರಾಚಿಯಲ್ಲಿ ತುರ್ತು ಭೂಸ್ಪರ್ಶ ಮಾಡಿದ್ದು, ಪ್ರಯಾಣಿಕರೊಬ್ಬರಿಗೆ ತಕ್ಷಣ ವೈದ್ಯಕೀಯ ಸಹಾಯ ಅಗತ್ಯವಿದ್ದ ಕಾರಣ ಲ್ಯಾಡಿಂಗ್ ಮಾಡಲಾಯಿತು ಎಂದು ಇಲಾಖೆ ತಿಳಿಸಿದೆ.

ಇದನ್ನೂ ಓದಿ: ಪಾಕ್​ ಆಟಗಾರರ ಎದುರು “ಜೈಶ್ರೀರಾಮ್” ಘೋಷಣೆ; ರಾಜಕೀಯ ತಿರುವು ಪಡೆದ ವಿವಾದ

ಏರ್‌ಲೈನ್‌ನ ವಕ್ತಾರರ ಪ್ರಕಾರ, ಕರಾಚಿಯಲ್ಲಿ ತುರ್ತು ಲ್ಯಾಂಡಿಂಗ್ ಮಾಡುವ ಮೂಲಕ ಪ್ರಯಾಣಿಕರಿಗೆ ತಕ್ಷಣದ ವೈದ್ಯಕೀಯ ಸೇವೆಗಳನ್ನು ಒದಗಿಸಲಾಯಿತು. ಪ್ರಯಾಣಿಕರಿಗೆ ಚಿಕಿತ್ಸೆ ನೀಡಿದ ಬಳಿಕ ಹಾರಾಟಕ್ಕೆ ಅನುಮತಿ ದೊರಕಿತು. ತದನಂತರದಲ್ಲಿ ವಿಮಾನವು ಕರಾಚಿಯಿಂದ ಅಮೃತಸರಕ್ಕೆ ಮಧ್ಯಾಹ್ನ 2:30ಕ್ಕೆ ಹೊರಟಿತು ಎಂದು ಹೇಳಿದ್ದಾರೆ.

ಈ ಬಗ್ಗೆ ಮಾತನಾಡಿದ ಏರ್ ಇಂಡಿಯಾ ಎಕ್ಸ್‌ಪ್ರೆಸ್ ವಕ್ತಾರರು, "ದುಬೈ-ಅಮೃತಸರ ವಿಮಾನದಲ್ಲಿ ಪ್ರಯಾಣಿಕರೊಬ್ಬರು ಹಠಾತ್ ವೈದ್ಯಕೀಯ ತೊಡಕುಗಳನ್ನು ಹೊಂದಿದ್ದರು (ಅಕ್ಟೋಬರ್ 14) ಮತ್ತು ಸಿಬ್ಬಂದಿ ಕರಾಚಿಗೆ ಸ್ಥಳಾಂತರಿಸಲು ಕೂಡಲೇ ನಿರ್ಧರಿಸಿದರು" ಎಂದು ಹೇಳಿದರು.

ಇದನ್ನೂ ಓದಿ:  ಸಂಭ್ರಮ ಸಡಗರದಿಂದ ನಡೆದ ರಾಣೆಬೆನ್ನೂರ ಕಾ ರಾಜಾ ಗಣಪತಿ ಶೋಭಾಯಾತ್ರೆ

"ತಕ್ಷಣದ ವೈದ್ಯಕೀಯ ನೆರವು ನೀಡಲು ಕರಾಚಿ ಹತ್ತಿರದ ಸ್ಥಳವಾದ ಕಾರಣ ವಿಮಾನವು ದುಬೈನಿಂದ ಸ್ಥಳೀಯ ಸಮಯ 08.51ಕ್ಕೆ ಹೊರಟು, ಮಧ್ಯಾಹ್ನ 12.30ಕ್ಕೆ ಕರಾಚಿಯಲ್ಲಿ ಲ್ಯಾಡಿಂಗ್ ಆಯಿತು" ಎಂದು ಹೇಳಿದರು,(ಏಜೆನ್ಸೀಸ್).

https://www.vijayavani.net/actor-nani-responds-to-reporter-who-asked-about-kissing-scene