ಡಿಆರ್​ಐ ರೇಡ್​; 19 ಕೋಟಿ ರೂ. ಮೌಲ್ಯದ 31 ಕೆಜಿ ಚಿನ್ನಾಭರಣ ವಶ!

ನವದೆಹಲಿ: ವಾರಣಾಸಿ, ನಾಗ್ಪುರ ಮತ್ತು ಮುಂಬೈ ಸೇರಿದಂತೆ ಏಕಕಾಲಕ್ಕೆ ದಾಳಿ ನಡೆಸಿದ ಆದಾಯ ಗುಪ್ತಚರ ನಿರ್ದೇಶನಾಲಯ (DRI) ಎರಡು ದಿನಗಳ ದಾಳಿಯಲ್ಲಿ ಸುಮಾರು 19 ಕೋಟಿ ರೂ. ಮೌಲ್ಯದ 31.7 ಕೆಜಿ ಕಳ್ಳಸಾಗಣೆ ಚಿನ್ನವನ್ನು ವಶಪಡಿಸಿಕೊಂಡಿದೆ ಎಂದು ಅಧಿಕಾರಿಗಳು ಭಾನುವಾರ ಮಾಹಿತಿ ನೀಡಿದ್ದಾರೆ.

ಇದನ್ನೂ ಓದಿ: ಶ್ರೀಲಂಕಾ: ಸಮುದ್ರದಲ್ಲಿ ಬೇಟೆಯಾಡಿದ ಆರೋಪದಡಿ 27 ಭಾರತೀಯ ಮೀನುಗಾರರ ಬಂಧನ!

ನಿರ್ದಿಷ್ಟ ಗುಪ್ತಚರದ ಮೇಲೆ ಕಾರ್ಯನಿರ್ವಹಿಸಿದ DRI, ಭೂ ಮತ್ತು ರೈಲ್ವೇ ಮಾರ್ಗಗಳ ಮೂಲಕ ಭಾರತಕ್ಕೆ ವಿದೇಶಿ ಮೂಲದ ಚಿನ್ನವನ್ನು ಕಳ್ಳಸಾಗಣೆ ಮಾಡುತ್ತಿದ್ದ ಚಿಕ್ಕ ಚಿನ್ನದ ಸಿಂಡಿಕೇಟ್ ಅನ್ನು ಭೇದಿಸಿತು. ಅಧಿಕಾರಿಗಳ ಪ್ರಕಾರ, ನಾಗ್ಪುರ ರೈಲು ನಿಲ್ದಾಣದಲ್ಲಿ ಎರಡು ಕ್ಯಾರಿಯರ್‌ಗಳು ಸಿಕ್ಕಿಬಿದ್ದಿದ್ದು, 8.5 ಕೆ.ಜಿ ವಿದೇಶಿ ಗುರುತು ಚಿನ್ನವನ್ನು ವಶಪಡಿಸಿಕೊಳ್ಳಲಾಗಿದೆ.

ವಿಚಾರಣೆಯ ಆಧಾರದ ಮೇಲೆ, ಕಳ್ಳಸಾಗಣೆ ಮಾಡಿದ ಚಿನ್ನವನ್ನು ಎರಡು ರಿಸೀವರ್‌ಗಳನ್ನು ಗುರುತಿಸಿ ಬಂಧಿಸಲಾಗಿದೆ. ಈ ಮಧ್ಯೆ ವಾರಣಾಸಿಯಲ್ಲಿ, ಮೂರು ಗಂಟೆಗಳ ಕಾಲ ಇಬ್ಬರು ಆರೋಪಿಗಳನ್ನು ಸಿನಿಮಿಯ ರೀತಿಯಲ್ಲಿ ಬಂಧಿಸಲು ಚೇಸ್​ ಮಾಡಿದ ಸ್ಥಳೀಯ ಪೊಲೀಸರು, ಅವರ ವಾಹನವನ್ನು ವಶಪಡಿಸಿಕೊಂಡರು.

ಇದನ್ನೂ ಓದಿ: ಬೊಕ್ಕಸಕ್ಕೆ ವಿದ್ಯುತ್ ಶಾಕ್: ದುಬಾರಿ ಕಲ್ಲಿದ್ದಲು, ಕರೆಂಟ್ ಖರೀದಿ ರಾಜ್ಯಕ್ಕೆ ಸವಾಲು

ಕಾರ್ಯಾಚರಣೆ ವೇಳೆ ಕಾರಿನ ಹ್ಯಾಂಡ್‌ಬ್ರೇಕ್‌ನ ಕೆಳಗೆ ಗುಪ್ತ ಕುಳಿ ಪತ್ತೆಯಾಗಿದ್ದು, ಅಲ್ಲಿ 18.2 ಕೆಜಿ ಚಿನ್ನವನ್ನು ಸಂಗ್ರಹಿಸಲಾಗಿದೆ. ಮುಂಬೈನಲ್ಲಿ, ಡಿಆರ್‌ಐ ತಂಡವು ವಾರಣಾಸಿಯಿಂದ ರೈಲಿನಲ್ಲಿ ಚಿನ್ನವನ್ನು ಹೊತ್ತೊಯ್ದ ಐವರು ಆರೋಪಿಗಳನ್ನು ಪತ್ತೆ ಮಾಡುವುದರ ಜತೆಗೆ ಒಟ್ಟು 4.9 ಕೆಜಿ ಚಿನ್ನ ವಶಪಡಿಸಿಕೊಂಡಿದೆ.

ಮುಂಬೈ, ನಾಗ್ಪುರ ಮತ್ತು ವಾರಣಾಸಿಗೆ ಚಿನ್ನವನ್ನು ತಿರುಗಿಸುವ ಮೊದಲು ಸಿಂಡಿಕೇಟ್ ಬಾಂಗ್ಲಾದೇಶದ ಗಡಿಯ ಮೂಲಕ ಭಾರತಕ್ಕೆ ಚಿನ್ನವನ್ನು ಕಳ್ಳಸಾಗಣೆ ಮಾಡುತ್ತಿತ್ತು ಎಂದು ಹೆಚ್ಚಿನ ತನಿಖೆಯಿಂದ ತಿಳಿದುಬಂದಿದೆ. ಈ ದಾಳಿಯ ಪರಿಣಾಮವಾಗಿ ಕಳ್ಳಸಾಗಣೆ ಕಾರ್ಯಾಚರಣೆಯ ವಿವಿಧ ಹಂತಗಳಲ್ಲಿ ಭಾಗಿಯಾಗಿದ್ದ 11 ವ್ಯಕ್ತಿಗಳನ್ನು ಸದ್ಯ ಬಂಧಿಸಲಾಗಿದೆ,(ಏಜೆನ್ಸೀಸ್).

https://www.vijayavani.net/biggboss-kannada-s10-snake-shyam-gets-eliminated-from-the-house