BiggBoss Kannada S10: ಬಿಗ್ ಬಾಸ್ ಮನೆಯಿಂದ ಹೊರಬಿದ್ದ ಮೊದಲ ಸ್ಪರ್ಧಿ ಸ್ನೇಕ್ ಶ್ಯಾಮ್!

ಬೆಂಗಳೂರು: ಬಿಗ್‌ಬಾಸ್‌ ಕನ್ನಡ ಹತ್ತನೇ ಸೀಸನ್‌ನ ವಾರಾಂತ್ಯದ ಮೊದಲ ವಾರದ ಕಿಚ್ಚನ ಜತೆ ಕಾರ್ಯಕ್ರಮಕ್ಕೆ ಆಗಮಿಸಿದ ನಟ, ನಿರೂಪಕ ಕಿಚ್ಚ ಸುದೀಪ್, ಪಂಚಾಯಿತಿ ಕಟ್ಟೆಗೆ ಹ್ಯಾಂಡ್‌ಸಮ್‌ ಲುಕ್‌ನಲ್ಲಿ ಕಾಣಿಸಿಕೊಳ್ಳುವ ಮೂಲಕ ಮನೆಯ ಸದಸ್ಯರು ಸೇರಿದಂತೆ ವೀಕ್ಷಕರ ಗಮನ ಸೆಳೆದರು.

ಇದನ್ನೂ ಓದಿ: ಜಾತಿಗಣತಿಯ ವೈಜ್ಞಾನಿಕ ಮರುಸಮೀಕ್ಷೆ ಅಗತ್ಯ: 2016ರ ಗಣತಿ ಅಸಮರ್ಪಕ, ದೋಷಪೂರಿತ

ವಾರದ ಕಥೆಯಲ್ಲಿ ಮೂವರು ಸ್ಪರ್ಧಿಗಳನ್ನು ಸೇಫ್ ಮಾಡಿದ ಕಿಚ್ಚ, ಸೂಪರ್​ ಸಂಡೇ ವಿತ್​ ಸುದೀಪ್​ ಸಂಚಿಕೆಯಲ್ಲಿ ಉಳಿದ ಐವರಲ್ಲಿ ಸ್ನೇಕ್​ ಶ್ಯಾಮ್​ ಅವರ ಹೆಸರನ್ನು ತೆಗೆದುಕೊಳ್ಳುವ ಮೂಲಕ ಮನೆಯಿಂದ ಹೊರನಡೆಯುವ ಮೊದಲ ಸ್ಪರ್ಧಿ ಎಂದು ಘೋಷಿಸಿದರು.

ಭಾನುವಾರ ನಡೆದ ‘ಸೂಪರ್ ಸಂಡೆ ಸುದೀಪ್ ಜೊತೆ’ ಕಾರ್ಯಕ್ರಮದಲ್ಲಿ ಬಿಗ್​ ಸ್ಪರ್ಧಿಗಳೊಟ್ಟಿಗೆ ಮಾತುಕತೆಗೆ ಇಳಿದ ಸುದೀಪ್, ಸಂಚಿಕೆಯನ್ನು ಹಾಸ್ಯದಿಂದ ಪ್ರಾರಂಭಿಸಿ, ನಗುತ್ತಲೇ ಹೇಳಬೇಕಾದ ಮಾತುಗಳನ್ನು ಸ್ಪಷ್ಟವಾಗಿ ತಿಳಿ ಹೇಳಿದರು. ಒಂದು ವಾರದಲ್ಲಿ ಮನೆ ಮಂದಿ ಮತ್ತು ವೀಕ್ಷಕರು ನೋಡಿರದ ಪ್ರತಾಪ್ ಅನ್ನು ಕಿಚ್ಚ ಎಲ್ಲರಿಗೂ ಪರಿಚಯಿಸಿದರು.

ಇದನ್ನೂ ಓದಿ: ಕಣ್ಣೊರೆಸುವ ತಂತ್ರ ಬೇಡ: ಲೋಡ್​ಶೆಡ್ಡಿಂಗ್ ಸಮಸ್ಯೆ ಗಂಭೀರವಾಗಿ ಪರಿಗಣಿಸಿ 

ಸೂಟ್​ ಹಾಕಿಕೊಂಡು ಸ್ಟೈಲಿಶ್ ಆಗಿ ಮಿಂಚಿದ ಪ್ರತಾಪ್​, ಸಂಗೀತ ಶೃಂಗೇರಿ ಮತ್ತು ತನಿಷಾ ಜತೆಗೆ ರ್ಯಾಂಪ್​ ವ್ಯಾಕ್​ ಮಾಡಿದರು. ತದನಂತರ ಹಾಡಿಗೆ ಕುಣಿದು ಕುಪ್ಪಳಿಸಿ, ಸುದೀಪ್ ಅವರ ಮೆಚ್ಚುಗೆಗೆ ಪಾತ್ರರಾದರು. ಶನಿವಾರದಿಂದಲೂ ನಾಮಿನೇಷನ್ ಪಟ್ಟಿಯಲ್ಲಿ ಸಿಲುಕಿಕೊಂಡಿದ್ದ ಸ್ನೇಕ್ ಶ್ಯಾಮ್, ಮೈಕಲ್ ಅಜಯ್, ಸಿರಿ, ನೀತು, ಡ್ರೋಣ್ ಪ್ರತಾಪ್ ಮನೆಯಿಂದ ಹೊರಹೋಗದೆ ನಾವು ಸೇಫ್ ಆಗ್ತೀವಾ ಎಂಬ ಯೋಚನೆಯಲ್ಲೇ ಕುಳಿತ್ತಿದ್ದರು. ಈ ಐವರಲ್ಲಿ ಮೊದಲು ಸೇಫ್‌ ಆಗಿದ್ದು ನೀತು.

ನಂತರದಲ್ಲಿ ಉಳಿದವರ ಪೈಕಿ ಬಿಗ್ ಬಾಸ್ ಕನ್ನಡ ಹತ್ತನೇ ಸೀಸನ್​ನ ಮೊದಲ ಕಂಟೆಸ್ಟೆಂಟ್ ಆಗಿ ಸ್ನೇಕ್ ಶ್ಯಾಮ್ ಮನೆಯಿಂದ ಹೊರ ಹೋಗಿದ್ದಾರೆ. ಇದೀಗ ಉಳಿದ ಸ್ಪರ್ಧಿಗಳು ಸದ್ಯ ಕೊಂಚ ನಿರಾಳರಾಗಿದ್ದರೂ ಕೂಡ ಎರಡನೇ ವಾರದಲ್ಲಿ ಹೇಗೆ ಆಡಲಿದ್ದಾರೆ? ಮನೆಯ ವಾತಾವರಣದೊಂದಿಗೆ ಎಷ್ಟರ ಮಟ್ಟಿಗೆ ಹೊಂದಿಕೊಳ್ಳಲಿದ್ದಾರೆ ಎಂಬುದನ್ನು ಕಾದು ನೋಡಬೇಕು.

https://www.vijayavani.net/27-indian-fisherman-arrested-for-alleged-poaching-in-sri-lankan-territorial-waters