ಹೇಗಿರುತ್ತೆ ಗೊತ್ತಾ ಕರೊನಾ ಚಿಕಿತ್ಸೆ? ಸೋಂಕಿತರೊಬ್ಬರಿಗೆ ತಗಲುವ ಖರ್ಚು ಎಷ್ಟು?

ನೆಮ್ಮದಿಗೆ ಕೊಳ್ಳಿ ಇಟ್ಟು, ಇಡೀ ಜಗತ್ತನ್ನು ಕಂಗೆಡಿಸಿರುವ ಕರೊನಾ ಬಗ್ಗೆ ಜನರಿಗೆ ಸಾಕಷ್ಟು ಆತಂಕ, ಕುತೂಹಲವಿದೆ. ಅದರಲ್ಲೂ ಐಸೋಲೇಷನ್, ಕ್ವಾರಂಟೈನ್ ಎಂಬ ಪದಗಳು ದಿನ ಬೆಳಗಾದರೆ ಕಿವಿಗಪ್ಪಳಿಸುತ್ತಿದ್ದು, ಸೋಂಕು ದೃಢಪಟ್ಟು ಸಾಕಷ್ಟು ಜನ ಸಾವಿನಿಂದ ಬಚಾವಾಗಿದ್ದಾರೆ. ಆದರೆ ರೋಗದ ಸ್ಪಷ್ಟ ಅರಿವಿರದ ಜನ ಇವನ್ನೆಲ್ಲ ಬೆರಗಿನಿಂದಲೇ ನೋಡುತ್ತಿದ್ದಾರೆ. ಹಾಗಿದ್ದರೆ ಕರೊನಾ ಪೀಡಿತರಿಗೆ ನೀಡುವ ಚಿಕಿತ್ಸೆ ಹೇಗಿರುತ್ತದೆ, ಯಾವ ರೀತಿಯ ಆಹಾರ ನೀಡಲಾಗುತ್ತದೆ, ಒಬ್ಬ ವ್ಯಕ್ತಿಯ ಚಿಕಿತ್ಸೆಗೆ ಎಷ್ಟು ಖರ್ಚಾಗುತ್ತದೆ ಎಂಬ ಬಗ್ಗೆ ಇಲ್ಲಿದೆ ಕಿರುಮಾಹಿತಿ.

ಕರೊನಾ ವೈರಸ್​ಗೆ ನಿರ್ದಿಷ್ಟ ಔಷಧ ಇಲ್ಲ. ಹೀಗಾಗಿ ಸೋಂಕಿತರಿಗೆ ರೋಗ ಲಕ್ಷಣ ಆಧಾರಿತ ಚಿಕಿತ್ಸೆ ನೀಡಲಾಗುತ್ತದೆ. ಇದರ ಪ್ರಮುಖ ಲಕ್ಷಣಗಳು ನೆಗಡಿ, ಕೆಮ್ಮು, ಗಂಟಲು ಕೆರೆತ. ಯಾರಲ್ಲಿ ರೋಗ ನಿರೋಧಕ ಶಕ್ತಿ ಇರುತ್ತದೋ ಅಂಥವರು ಗುಣಹೊಂದುತ್ತಾರೆ, ಇಲ್ಲದವರಿಗೆ ಸಮಸ್ಯೆ ಹೆಚ್ಚಾಗುತ್ತದೆ. ಅದನ್ನು ನಿಯಂತ್ರಿಸಲು ಆಂಟಿ ಬಯಾಟಿಕ್, ಐವಿ ಫೋ›ಯಿಡ್ ನೀಡಲಾಗುವುದು. ಈ ವೇಳೆ ಸೋಂಕಿತರಿಗೆ ಜ್ವರ ಬಂದರೆ ಪ್ಯಾರಾಸಿಟಮಾಲ್ ಮಾತ್ರೆ ನೀಡಲಾಗುವುದು. ಬ್ಯಾಕ್ಟೀರಿಯಾ ಕಡಿಮೆಯಾದರೆ ನಂತರ ರೋಗಿ ಚೇತರಿಸಿಕೊಳ್ಳುತ್ತಾರೆ ಎನ್ನುತ್ತಾರೆ ವೈದ್ಯರು.

ಹೋಂ ಕ್ವಾರಂಟೈನ್: ಸೋಂಕು ಶಂಕೆ ಹಿನ್ನೆಲೆಯಲ್ಲಿ ಮನೆಯಲ್ಲಿ ಇರುವವರು ಯಾರ ಸಂಪರ್ಕಕ್ಕೂ ಬಾರದೆ ಪ್ರತ್ಯೇಕವಾಗಿರಬೇಕು. ಅವರಿಗೂ ಊಟದಲ್ಲಿ ಯಾವುದೇ ಪಥ್ಯ ಇಲ್ಲ ಹಾಗೂ ಚಿಕಿತ್ಸೆಯೂ ಇರುವುದಿಲ್ಲ. ಬದಲಿಗೆ ಆರೋಗ್ಯದಲ್ಲಿ ಸಮಸ್ಯೆಯಾದರೆ, ರೋಗಲಕ್ಷಣಗಳು ಕಾಣಿಸಿಕೊಂಡರೆ ಆಸ್ಪತ್ರೆಗೆ ಹೋಗಿ ಪರೀಕ್ಷೆಗೆ ಒಳಗಾಗಬೇಕು.

ಎಲ್ಲರಿಗೂ ಒಂದೇ ಊಟ

ಕರೊನಾ ವೈರಸ್ ಸೋಂಕು ಹಿನ್ನೆಲೆಯಲ್ಲಿ ಆಸ್ಪತ್ರೆಯಲ್ಲಿ ದಾಖಲಾಗಿರುವ ಸೋಂಕಿತ ಹಾಗೂ ಶಂಕಿತ ರೋಗಿಗಳಿಗೆ ಊಟದಲ್ಲಿ ಯಾವುದೇ ಪಥ್ಯ ಹಾಗೂ ವ್ಯತ್ಯಾಸ ಇಲ್ಲದೆ ಒಂದೇ ರೀತಿಯ ಊಟ ನೀಡಲಾಗುತ್ತಿದೆ. ಕೆಲವರು

ಕರೊನಾ ಜತೆಗೆ ಮಧುಮೇಹ, ರಕ್ತದೊತ್ತಡದಂಥ ಸಮಸ್ಯೆ ಹೊಂದಿರು ವವರಿದ್ದಾರೆ. ಅಂಥವರಿಗೆ ಡಯೆಟಿಷಿಯನ್ ಸಲಹೆ ಮೇರೆಗೆ ಆಹಾರ ನೀಡಲಾಗುತ್ತದೆ. ಆರಂಭದ ದಿನಗಳಲ್ಲಿ ಕೆಲ ರೋಗಿಗಳಿಗೆ ಅವರ ಬೇಡಿಕೆಯಂತೆ ಹೊರಗಿನಿಂದ ಇಲ್ಲವೇ ಅವರ ಮನೆಗಳಿಂದ ಊಟ ತರಿಸಿ ಕೊಡಲಾಗುತ್ತಿತ್ತು. ಲಾಕ್​ಡೌನ್ ನಂತರ ಆಸ್ಪತ್ರೆ ಊಟವನ್ನೆ ನೀಡಲಾಗುತ್ತಿದೆ.

25 ಸಾವಿರ ರೂ. ಖರ್ಚು

ಸೋಂಕಿತ ವ್ಯಕ್ತಿಗೆ ತಗಲುವ ಚಿಕಿತ್ಸಾ ವೆಚ್ಚ 20 ರಿಂದ 25 ಸಾವಿರ ರೂ. ಎಂದು ಅಂದಾಜಿಸಲಾಗಿದೆ. ರೋಗಿಯ ಚಿಕಿತ್ಸಾ ವೆಚ್ಚವನ್ನು ಸರ್ಕಾರವೇ ನೋಡಿಕೊಳ್ಳುತ್ತಿದೆ. ಸರ್ಕಾರಿ ಆಸ್ಪತ್ರೆ, ಮೆಡಿಕಲ್ ಕಾಲೇಜುಗಳಲ್ಲಿ ಈ ಸೋಂಕಿಗೆ ಚಿಕಿತ್ಸೆ ನೀಡಲಾಗುತ್ತಿದೆ. ಒಂದು ವೇಳೆ ಸೋಂಕಿತ ವ್ಯಕ್ತಿಯ ಪರಿಸ್ಥಿತಿ ಗಂಭೀರವಾಗಿ ಐಸಿಯುಗೆ ವರ್ಗಾಯಿಸಿದರೆ ಚಿಕಿತ್ಸೆ ವೆಚ್ಚ ಮತ್ತಷ್ಟು ಹೆಚ್ಚಬಹುದು. ಅಲ್ಲದೆ, ಆತ ಬೇರೆ ರೋಗಗಳಿಂದ ಬಳಲುತ್ತಿದ್ದರೆ ಅದರ ವೆಚ್ಚ ಪ್ರತ್ಯೇಕ. ಅಷ್ಟೇ ಅಲ್ಲ, ರೋಗ ತೀವ್ರತೆ ಹೆಚ್ಚಾಗದಿದ್ದರೂ ರೋಗಿಯನ್ನು 14 ದಿನಗಳ ಬಳಿಕವೇ ಆಸ್ಪತ್ರೆಯಿಂದ ಬಿಡುಗಡೆ ಮಾಡಲಾಗುತ್ತದೆ.

ರೋಗಿಗಳ ಆಹಾರ ಕ್ರಮ

• ಬೆಳಿಗ್ಗೆ 7 ಗಂಟೆ: ಹಾಲು ಮತ್ತು ಬ್ರೆಡ್
• ಬೆಳಿಗ್ಗೆ 10 ಗಂಟೆ: ದೋಸೆ, ಇಡ್ಲಿ, ಪಲಾವ್, ಕಾಫಿ
• ಮಧ್ಯಾಹ್ನ 1 ಗಂಟೆ: ಚಪಾತಿ/ಮುದ್ದೆ ಜತೆಗೆ ಅನ್ನ ಮತ್ತು ದಾಲ್/ಗ್ರೇವಿ, ಮೊಟ್ಟೆ, ಹಾಲು, ಬಾಳೆಹಣ್ಣು
• ಸಂಜೆ 5 ಗಂಟೆ: ಬ್ರೆಡ್ ಅಥವಾ ಬಿಸ್ಕತ್ತು, ಚಹಾ
• ರಾತ್ರಿ 8 ಗಂಟೆ: ಅನ್ನ ಮತ್ತು ದಾಲ್/ಗ್ರೇವಿ, ಮೊಟ್ಟೆ

ಚಿಕಿತ್ಸಾ ವೆಚ್ಚದ ವಿವರ

1. ಫ್ಲುಯಿಡ್ ಟೆಸ್ಟ್ ಶಂಕಿತ ಹಾಗೂ ಸೋಂಕುಪೀಡಿತನ ಫ್ಲುಯಿಡ್ ಮಾದರಿಯ ಪರೀಕ್ಷೆಗೆ ಗರಿಷ್ಠ 4,500 ರೂ. ವೆಚ್ಚವಾಗುತ್ತದೆ. ಟೆಸ್ಟಿಂಗ್ ಕಿಟ್​ನ ಬೆಲೆಯೇ 3,000 ರೂ. ಇದೆ.
2. ಆಂಟಿ ಬಯಾಟಿಕ್ಸ್ ಡೊಸೇಜ್ ಆಧರಿಸಿ ಅದರ ವೆಚ್ಚ ನಿಗದಿಯಾಗುತ್ತದೆ. ಬಹುತೇಕರಿಗೆ ಈಗಾಗಲೇ ಕೊಟ್ಟಿರುವ ಆಂಟಿ ಬಯಾಟಿಕ್ಸ್​ಗೆ 1,000 ರೂ. ಬೆಲೆ ಇದೆ.
3. ಕೆಲವು ಖಾಸಗಿ ಆಸ್ಪತ್ರೆಗಳಲ್ಲಿ ವೆಂಟಿಲೇಟರ್ ಸೌಕರ್ಯಕ್ಕೆ 20ರಿಂದ 25 ಸಾವಿರ ರೂ. ಇದೆ. ರೋಗಿ ಡಿಸ್ಚಾರ್ಜ್ ಆಗುವ ತನಕದ ರೂಮ್ೆಂಟ್ ಇಲ್ಲಿ ಪ್ರತ್ಯೇಕ.
4. ಐಸಿಯುನಲ್ಲಿ ಪರ್ಸನಲ್ ಪೊ›ಟೆಕ್ಟಿವ್ ಎಕ್ವಿಪ್​ವೆುಂಟ್ ಕಿಟ್​ಗಳು ವೈದ್ಯರು ಮತ್ತು ಇತರರ ಬಳಕೆಗೆ ಬೇಕಾಗಿದ್ದು, ಇದರ ಬೆಲೆ 600ರಿಂದ 1 ಸಾವಿರ ರೂ. ತನಕ ಇದೆ.

https://www.vijayavani.net/83-of-indias-coronavirus-patients-are-below-the-age-of-50-health-ministry-data/