ಐಪಿಎಲ್​ 18ನೇ ಆವೃತ್ತಿಯಲ್ಲಿ ಇನ್ನು ಎಷ್ಟು ಪಂದ್ಯಗಳು ಬಾಕಿ ಇವೆ ಗೊತ್ತೇ?

ಬೆಂಗಳೂರು: ಐಪಿಎಲ್​ 18ನೇ ಆವೃತ್ತಿಯಲ್ಲಿ ಇನ್ನು 12 ಲೀಗ್​ ಪಂದ್ಯಗಳು ಬಾಕಿ ಉಳಿದಿವೆ. ಆದರೆ ಧರ್ಮಶಾಲಾ ಬ್ಲ್ಯಾಕ್​ಔಟ್​​ನಿಂದಾಗಿ ಗುರುವಾರ ದಿಢೀರ್​ ಸ್ಥಗಿತಗೊಂಡ ಪಂಜಾಬ್​-ಡೆಲ್ಲಿ ನಡುವಿನ ಪಂದ್ಯವೂ ಮುಂಬರುವ ದಿನಗಳಲ್ಲಿ ಮರುನಿಗದಿಯಾಗುವ ಸಾಧ್ಯತೆಯೂ ಇದೆ. ಯಾಕೆಂದರೆ ಐಪಿಎಲ್​ ವೆಬ್​ಸೈಟ್​ನಲ್ಲಿ ಇನ್ನೂ ಈ ಪಂದ್ಯ ರದ್ದುಗೊಂಡಿರುವುದರ ಇಂದುಗೊಳಿಸುವಿಕೆ ಮಾಡಿ ತಲಾ 1 ಅಂಕ ಹಂಚಲಾಗಿಲ್ಲ. ಹೀಗಾಗಿ 13 ಲೀಗ್​ ಪಂದ್ಯಗಳಲ್ಲದೆ, ಫೈನಲ್​ ಸಹಿತ 4 ಪ್ಲೇಆಫ್​ ಪಂದ್ಯಗಳು ಅಂದರೆ ಒಟ್ಟು 17 ಪಂದ್ಯಗಳು ಬಾಕಿ ಉಳಿದಿವೆ. ಪಂಜಾಬ್-ಡೆಲ್ಲಿ ಪಂದ್ಯ ಮರುನಿಗದಿ ಆಗದಿದ್ದರೆ 16 ಪಂದ್ಯಗಳಷ್ಟೇ ಬಾಕಿ ಉಳಿಯಲಿವೆ.

ಬೆಂಗಳೂರಿನಲ್ಲಿ 2 ಪಂದ್ಯ ಬಾಕಿ

ಆರ್​ಸಿಬಿ ತಂಡ ತವರಿನ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ತನ್ನ 5 ಲೀಗ್​ ಪಂದ್ಯಗಳನ್ನು ಆಡಿತ್ತು. ಬೆಂಗಳೂರಿನಲ್ಲಿ ಇನ್ನೂ 2 ಲೀಗ್​ ಪಂದ್ಯಗಳನ್ನು ಆಡುವುದು ಬಾಕಿ ಇತ್ತು. ಇದೇ ವೇಳೆ ಅಹಮದಾಬಾದ್​ನಲ್ಲಿ 3 ಮತ್ತು ಲಖನೌದಲ್ಲಿ 2 ಲೀಗ್​ ಪಂದ್ಯಗಳು ಬಾಕಿ ಇದ್ದವು. ನವದೆಹಲಿ, ಹೈದರಾಬಾದ್​, ಚೆನ್ನೈ, ಮುಂಬೈ, ಜೈಪುರದಲ್ಲೂ ತಲಾ 1 ಲೀಗ್​ ಪಂದ್ಯಗಳು ಬಾಕಿ ಇದ್ದವು. ಹೈದರಾಬಾದ್​, ಕೋಲ್ಕತದಲ್ಲಿ ಪ್ಲೇಆ್​ ಪಂದ್ಯಗಳು ನಿಗದಿಯಾಗಿದ್ದವು.

ಐಪಿಎಲ್-18ರ ಬಾಕಿ ಪಂದ್ಯಗಳು

*ಲಖನೌ: ಎಲ್​ಎಸ್​ಜಿ-ಆರ್​ಸಿಬಿ

*ಹೈದರಾಬಾದ್​: ಸನ್​ರೈಸರ್ಸ್​-ಕೆಕೆಆರ್​

*ಅಹಮದಾಬಾದ್​: ಪಂಜಾಬ್​-ಮುಂಬೈ

*ನವದೆಹಲಿ: ಡೆಲ್ಲಿ-ಗುಜರಾತ್​ ಟೈಟಾನ್ಸ್​

*ಚೆನ್ನೈ: ಸಿಎಸ್​ಕೆ-ರಾಜಸ್ಥಾನ ರಾಯಲ್ಸ್​

*ಬೆಂಗಳೂರು: ಆರ್​ಸಿಬಿ-ಸನ್​ರೈಸರ್ಸ್​

*ಅಹಮದಾಬಾದ್​: ಗುಜರಾತ್​-ಎಲ್​ಎಸ್​ಜಿ

*ಮುಂಬೈ: ಮುಂಬೈ-ಡೆಲ್ಲಿ ಕ್ಯಾಪಿಟಲ್ಸ್​

*ಜೈಪುರ: ರಾಜಸ್ಥಾನ-ಪಂಜಾಬ್​ ಕಿಂಗ್ಸ್​

*ಬೆಂಗಳೂರು: ಆರ್​ಸಿಬಿ-ಕೆಕೆಆರ್​

*ಅಹಮದಾಬಾದ್​: ಗುಜರಾತ್​-ಸಿಎಸ್​ಕೆ

*ಲಖನೌ: ಎಲ್​ಎಸ್​ಜಿ-ಸನ್​ರೈಸರ್ಸ್​

*ಹೈದರಾಬಾದ್​: ಮೊದಲ ಕ್ವಾಲಿಫೈಯರ್​

*ಹೈದರಾಬಾದ್​: ಎಲಿಮಿನೇಟರ್​

*ಕೋಲ್ಕತ: ಎರಡನೇ ಕ್ವಾಲಿಫೈಯರ್​

*ಕೋಲ್ಕತ: ಫೈನಲ್​

***ಪಂಜಾಬ್​-ಡೆಲ್ಲಿ ಪಂದ್ಯ ಮರುನಿಗದಿ ಸಾಧ್ಯತೆ.

https://www.vijayavani.net/womens-tri-series-odi-team-india-reaches-final