ವಿಧಾನಸಭೆ ಕಲಾಪದ ವೇಳೆ ಆರ್​ಎಸ್​ಎಸ್​ ಗೀತೆ ಹೇಳಿ ಅಚ್ಚರಿ ಮೂಡಿಸಿದ ಡಿ.ಕೆ ಶಿವಕುಮಾರ್​! | Assembly

Assembly: ಚಿನ್ನಸ್ವಾಮಿ ಕ್ರೀಡಾಂಗಣದಲ್ಲಿ ಕಾಲ್ತುಳಿತಕ್ಕೆ ಸಂಬಂಧಿಸಿದಂತೆ 11 ಜನ ಮೃತಪಟ್ಟವರ ಬಗ್ಗೆ ರಾಜ್ಯ ವಿಧಾನ ಸಭೆಯಲ್ಲಿ ಚರ್ಚೆ ನಡೆಸುತ್ತಿರುವ ಸಂದರ್ಭದಲ್ಲಿ, ಉಪಮುಖ್ಯಮಂತ್ರಿ ಡಿ.ಕೆ ಶಿವಕುಮಾರ್​ ಅವರು ಆರ್​ಎಸ್​ಎಸ್​ನ ಗೀತೆಯೊಂದನ್ನು ಹೇಳಿ ಸಭೆಯಲ್ಲಿದ್ದವರಿಗೆ ಅಚ್ಚರಿ ಮೂಡಿದಿದ್ದಾರೆ.

ಕಲಾಪದಲ್ಲಿ ವಿಡಿಯೋ ತೋರಿಸುವಂತೆ "ನಮಸ್ತೆ ಸದಾ ವಸ್ತಲೆ ಮಾತೃಭೂಮಿ" ಎಂಬ ಆರ್​ಎಸ್​ಎಸ್​ನ ಕೆಲವು ಸಾಲುಗಳು ಸದನವನ್ನು ಅಚ್ಚರಿಗೊಳಿಸಿತು.

ಇದನ್ನೂ ಓದಿ: ಶ್ವಾನ ಪ್ರಿಯರಿಗೆ ದೊಡ್ಡ ಗೆಲುವು: ಬೀದಿ ನಾಯಿಗಳಿಗೆ ಸಂತಾನ ಹರಣ ಚಿಕಿತ್ಸೆ ನೀಡಿ ಬಿಡುಗಡೆಗೆ ಸುಪ್ರೀಂ ಆದೇಶ! Street Dog

ಜನಸಾಮಾನ್ಯರ ಮೇಲೆ ಕಾಲ್ತುಳಿತವಾಗಲು ಡಿ.ಕೆ ಶಿವಕುಮಾರ್​​ ಅವರೇ ನೇರ ಹೊಣೆ. ಇನ್ನು ಆರ್​ಸಿಬಿ ತಂಡ ವಿಮಾನ ನಿಲ್ದಾಣಕ್ಕೆ ಬಂದಾಗ ಅವರನ್ನು ಬರಮಾಡಿಕೊಳ್ಳಲು ಇವರು ಹೋಗಿದ್ದರು. ಹಾಗೇ ವಿಮಾನ ನಿಲ್ದಾಣದಿಂದ ಚಿನ್ನಸ್ವಾಮಿ ಕ್ರೀಡಾಂಗಣದುದ್ದಕ್ಕೂ ಕನ್ನಡ ಧ್ವಜವನ್ನು ಬೀಸಿದ್ದಾರೆ ಎಂದು ಬಿಜೆಪಿಗರು ಆರೋಪಿಸಿದ್ದಾರೆ.

ಆರೋಪಗಳಿಗೆ ಪ್ರತಿಕ್ರಿಯಿಸಿದ ಡಿ.ಕೆ ಶಿವಕುಮಾರ್​, ನಾನು ಕರ್ನಾಟಕ ರಾಜ್ಯ ಕ್ರಿಕೆಟ್​ ಸಂಸ್ಥೆಯ ಸದಸ್ಯ ಹಾಗೂ ಕೆಎಸ್​ಪಿಎ ಕಾರ್ಯದರ್ಶಿ ಸೇರಿದಂತೆ ಅಲ್ಲಿರುವವರು ನನ್ನ ಸ್ನೇಹಿತರು ಎಂದರು. ನಾನು ಜೂನ್​ 4ರಂದು ವಿಮಾನ ನಿಲ್ದಾಣಕ್ಕೆ ಹೋಗಿದ್ದೆ, ಕರ್ನಾಟಕ ಧ್ವಜವನ್ನು ಕೂಡಾ ಹಿಡಿದಿದ್ದೇನೆ. ಆಟಗಾರರಿಗೆ ವಿಶ್​ ಮಾಡಿದ್ದೇನೆ ಹಾಗೇ ಆರ್​ಸಿಬಿ ಕಪ್​ಗೆ ಮುತ್ತಿಟ್ಟಿದ್ದೇನೆ. ನಾನು ನನ್ನ ಕೆಲಸವನ್ನು ಮಾಡಿದ್ದೇನೆ ಎಂದು ತಿಳಿಸಿದ್ದಾರೆ.

ಇದನ್ನೂ ಓದಿ: ಕೋಕಿಲಾಬೆನ್ ಅಂಬಾನಿ ಆಸ್ಪತ್ರೆಗೆ ದಾಖಲು! ಮುಂಬೈನ ಎಚ್​ಎನ್​ ರಿಲಯನ್ಸ್​ ಆಸ್ಪತ್ರೆಯಲ್ಲಿ ಮುಂದುವರೆದ ಚಿಕಿತ್ಸೆ| Mumbai

ಈ ವೇಳೆ ಕೆಲವು ಅಪಘಾತಗಳು ಸಂಭವಿಸಿದೆ. ಬೇರೆ ರಾಜ್ಯಗಳಲ್ಲೂ ಈ ರೀತಿ ಘಟನೆಗಳು ನಡೆದಿವೆ. ಅಗತ್ಯವಿದ್ದರೆ, ಘಟನೆಗಳ ಪಟ್ಟಿಯನ್ನು ಓದುತ್ತೇನೆ.

ಈ ವೇಳೆ ಗೃಹ ಸಚಿವ ಜಿ.ಪರಮೇಶ್ವರ್​ನೊಂದಿಗೆ ನಾನು ಬೆಳೆದಿದ್ದೇನೆ ಎಂದು ಇವರು ತಿಳಿಸಿದ್ದು, ಈ ಮಾತಿಗೆ ಪ್ರತಿಕ್ರಿಯಿಸಿದ ವಿರೋಧ ಪಕ್ಷದ ನಾಯಕ ಆರ್​.ಅಶೋಕ್​ ಶಿವಕುಮಾರ್​ ಅವರು ಒಮ್ಮೆ ಆರ್​ಎಸ್​ಎಸ್​ ಚಡ್ಡಿ ಧರಿಸಿದ್ದರು ಎಂದು ನೆನಪಿಸಿದರು. ಇದಕ್ಕೆ ಶಿವಕುಮಾರ್ "ನಮಸ್ತೆ ಸದಾ ವಸ್ತಲೆ ಮಾತೃಭೂಮಿ" ​ ಎಂದು ಹಾಡು ಹೇಳಿ ಸಭೆಯಲ್ಲಿ ರಂಜಿಸಿದ್ದು, ಪ್ರತಿಪಕ್ಷಗಳು ಮೇಜು ಬಡಿಯುವ ಮೂಲಕ ಸಂತೋಷ ಪಟ್ಟರು.

(ಏಜೆನ್ಸೀಸ್​)

https://www.vijayavani.net/parliament-security-breach-man-arrested-for-climbing-parliament-wall-and-sneaking-inside