ತಮ್ಮ ಸಿನಿಮಾ ಬೆಂಬಲಿಸಿ; ಸ್ಟಾರ್​ ನಟರಿಗೆ ಮನವಿ ಮಾಡಿದ ನಿರ್ದೇಶಕಿ!

ಆಂಧ್ರಪ್ರದೇಶ: ಇತ್ತೀಚೆಗಷ್ಟೇ ತೆಲುಗು ಭಾಷೆಯಲ್ಲಿ ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗೊಂಡ 'ಮಾರ್ಟಿನ್ ಲೂಥರ್ ಕಿಂಗ್' ಸಿನಿಮಾಗೆ ಚಿತ್ರತಂಡ ನಿರೀಕ್ಷಿಸಿದಂತೆ ಪ್ರತಿಕ್ರಿಯೆಗಳು ಲಭಿಸಿದೆ. ಆದ್ರೆ ತಮ್ಮ ಚಿತ್ರದ ಬಗ್ಗೆ ಸ್ಟಾರ್​ ನಟರು ಮತ್ತು ರಾಜಕಾರಣಿಗಳು ನೋಡಿ, ಪ್ರೋತ್ಸಾಹಿಸುವಂತೆ ಸಿನಿಮಾದ ನಿರ್ದೇಶಕರಾದ ಪೂಜಾ ಅಪರ್ಣಾ ಕೊಲ್ಲೂರು ಮನವಿ ಮಾಡಿದ್ದಾರೆ.

ಇದನ್ನೂ ಓದಿ: ಹಿಂದು ಸಮಾಜ ಒಡೆಯಲು ಆಸ್ಪದ ಕೊಡಬೇಡಿ

ಸಂಪೂರ್ಣೇಶ್ ಅವರ 'ಮಾರ್ಟಿನ್ ಲೂಥರ್ ಕಿಂಗ್' ಇತ್ತೀಚೆಗೆ ಬಿಡುಗಡೆಯಾದ ಗ್ರಾಮೀಣ ರಾಜಕೀಯ ನಾಟಕವಾಗಿದೆ. ವಿಮರ್ಶಕರಿಂದ ಉತ್ತಮ ವಿಮರ್ಶೆಗಳನ್ನು ಪಡೆದುಕೊಂಡಿದೆ. ಈ ಮಧ್ಯೆ ಪ್ರೇಕ್ಷಕರ ಗಮನವನ್ನು ಮತ್ತಷ್ಟು ತಮ್ಮ ಚಿತ್ರದತ್ತ ಸೆಳೆಯಲು ಮುಂದಾಗಿರುವ ನಿರ್ದೇಶಕಿ, ಟಾಲಿವುಡ್​ನ ಸ್ಟಾರ್​ ನಟರು ಮತ್ತು ರಾಜಕಾರಣಿಗಳನ್ನು ಟ್ಯಾಗ್​ ಮಾಡುವ ಮುಖೇನ ಚಿತ್ರಕ್ಕೆ ಬೆಂಬಲಿಸುವಂತೆ ಕೋರಿದ್ದಾರೆ.

ತಮ್ಮ ಚೊಚ್ಚಲ ನಿರ್ದೇಶನದಲ್ಲಿ ಮೂಡಿಬಂದ 'ಮಾರ್ಟಿನ್ ಲೂಥರ್ ಕಿಂಗ್' ಸಿನಿಮಾಗೆ ಹೆಚ್ಚಿನ ಬೆಂಬಲ ಕೋರಿರುವ ನಿರ್ದೇಶಕಿ ಪೂಜಾ ಅಪರ್ಣಾ ಕೊಲ್ಲೂರು, ತಮ್ಮ ಚಿತ್ರದ ವಿಶೇಷ ಪ್ರದರ್ಶನಕ್ಕೆ ಹಾಜರಾಗಲು ಖ್ಯಾತ ಸೆಲೆಬ್ರಿಟಿಗಳನ್ನು ಕೇಳಿದ್ದಾರೆ.

ಇದನ್ನೂ ಓದಿ: ರಾಕೇಶ್​ ಟಿಕಾಯತ್​ ರೈತ ಮುಖಂಡನಾಗಿರಲಿಲ್ಲವೆಂದರೆ ಇಷ್ಟೊತ್ತಿಗೆ ಎನ್​ಕೌಂಟರ್​ ಆಗಿರುತ್ತಿತ್ತು; ವಿವಾದದ ಕಿಡಿ ಹೊತ್ತಿಸಿದ ಬಿಜೆಪಿ ಶಾಸಕ

ತಮ್ಮ ಅಧಿಕೃತ ಎಕ್ಸ್​ ಖಾತೆಯಲ್ಲಿ, ನಟ ಚಿರಂಜೀವಿ, ನಾಗಾರ್ಜುನ, ವೆಂಕಟೇಶ್​, ಬಾಲಕೃಷ್ಣ, ಮಹೇಶ್​ ಬಾಬು, ರಾಮ್​ಚರಣ್​, ಅಲ್ಲು ಅರ್ಜುನ್​, ಪ್ರಭಾಸ್​ ಮತ್ತು ರಾಣಾ ದಗ್ಗುಬಾಟಿ ಸೇರಿದಂತೆ ಹಲವರನ್ನು ಟ್ಯಾಗ್​ ಮಾಡಿ, ನಿಮ್ಮ ಬ್ಯುಸಿ ಶೆಡ್ಯೂಲ್​ ಮಧ್ಯೆ ಬಿಡುವು ಮಾಡಿಕೊಂಡು ನಮ್ಮ ಸಿನಿಮಾ ವೀಕ್ಷಿಸಿ, ಅಭಿಪ್ರಾಯ ತಿಳಿಸುವಂತೆ ಮನವಿ ಮಾಡಿದ್ದಾರೆ,(ಏಜೆನ್ಸೀಸ್).

https://www.vijayavani.net/man-dies-by-getting-struck-under-tractor-wheels