ಆ ಮೂವರು ಅವರೆಲ್ಲರೂ ರಾಜಕಾರಣದಲ್ಲೇ ಇದ್ದಾರೆ. ಯಾವ ಪಕ್ಷ ಎಂದು ಹೇಳೋಕೆ ಆಗಲ್ಲ, ಅವರೆಲ್ಲರೂ ಉನ್ನತ ಹುದ್ದೆಯಲ್ಲೇ ಇದ್ದಾರೆ. ಮುಂದೆ ಬಹಿರಂಗ ಪಡಿಸುವೆ ಎನ್ನುವ ಮೂಲಕ ಇನ್ನಷ್ಟು ಸಿಡಿ ಬಿಡುಗಡೆಯ ಸುಳಿವು ಕೊಟ್ಟ ದಿನೇಶ್ ಕಲ್ಲಹಳ್ಳಿ, ನನಗೆ ಯಾವುದೇ ಕಾಂಗ್ರೆಸ್ ನಾಯಕರ ಜತೆ ಸಖ್ಯ ಇಲ್ಲ, ಸಂಪರ್ಕವೂ ಇಲ್ಲ. ನಾನು 10 ವರ್ಷಗಳಿಂದ ಸಾಮಾಜಿಕ ಕೆಲಸ ಮಾಡಿಕೊಂಡು ಬಂದಿದ್ದೇನೆ. ಉತ್ತರ ಕರ್ನಾಟಕ ಮೂಲದ ಸಂತ್ರಸ್ತ ಯುವತಿಯ ಕುಟುಂಬಸ್ಥರು ಸಹಾಯ ಕೇಳಿ ನನ್ನ ಬಳಿ ಬಂದರು. ಸತ್ಯಾಸತ್ಯತೆ ಪರಿಶೀಲಿಸಿ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳವಂತೆ ಪೊಲೀಸರಿಗೆ ಮನವಿ ಮಾಡಿದ್ದೇನೆ. ಜವಾಬ್ದಾರಿಯುತ ಸ್ಥಾನದಲ್ಲಿ ಇರುವವರು ಪಾರದರ್ಶಕತೆ ಕಾಯ್ದುಕೊಳ್ಳಬೇಕು ಎಂದರು
