ಚಿನ್ನ, ಬೆಳ್ಳಿ ಆಯ್ತು..ಇದೀಗ ವಜ್ರದ ಮಾಸ್ಕ್​ಗಳ ಸರದಿ; ಸಾಮಾನ್ಯರ ಕೈಗೆಟಕುವಂಥದ್ದಲ್ಲ ಇದು...

ಸೂರತ್​: ಕರೊನಾ ವಿರುದ್ಧ ಹೋರಾಟದಲ್ಲಿ ಮಾಸ್ಕ್​ ತುಂಬ ಮುಖ್ಯ ಎಂಬುದನ್ನು ಆರೋಗ್ಯ ತಜ್ಞರು ಹೇಳಿದ್ದಾರೆ. ಇದೀಗ ಮಾಸ್ಕ್​ ಅಗತ್ಯ ವಸ್ತುಗಳಲ್ಲಿ ಒಂದಾಗಿ ಬದಲಾಗಿದೆ.

ಇಂಥ ಮಾಸ್ಕ್​​ನಿಂದಲೇ ಒಂದಷ್ಟು ಜನ ಹಣ ಮಾಡಿಕೊಳ್ಳುತ್ತಿದ್ದಾರೆ. ಬಟ್ಟೆಗಳ ಮಾಸ್ಕ್​ ಹೊಲಿದು ಮಾರಾಟ ಮಾಡುವವರು ಒಂದೆಡೆಯಾದರೆ, ಚಿನ್ನ, ಬೆಳ್ಳಿ ಮಾಸ್ಕ್​ಗಳನ್ನು ತಯಾರಿಸಿ ಹಣ ಮಾಡುತ್ತಿರುವವರು ಮತ್ತೊಂದೆಡೆ.

ಕರೊನಾ ಸಾಂಕ್ರಾಮಿಕ ರೋಗ ಇದ್ದರೂ ಮದುವೆಗಳು ನಿಲ್ಲುತ್ತಿಲ್ಲ. ಚಿನ್ನ, ಬೆಳ್ಳಿ, ವಜ್ರದ ಆಭರಣಗಳೂ ಭರ್ಜರಿ ಮಾರಾಟ ಆಗುತ್ತಿವೆ. ಇದೀಗ ಜ್ಯುವೆಲರಿ ಶಾಪ್​​ಗಳು ಕೂಡ ಬೆಲೆಬಾಳುವ ಮಾಸ್ಕ್​ಗಳನ್ನೂ ಮಾರಾಟಕ್ಕೆ ಇಡುತ್ತಿವೆ. ಚಿನ್ನ, ಬೆಳ್ಳಿಯ ಮಾಸ್ಕ್​ಗಳು ಈಗ ಮಾರ್ಕೆಟ್​ಗೆ ಲಗ್ಗೆ ಇಟ್ಟಿವೆ.

ಇದೀಗ ಸೂರತ್​​ನಲ್ಲಿರುವ ಒಂದು ವಜ್ರಾಭರಣಗಳ ಮಳಿಗೆ ಮತ್ತೊಂದು ಹೆಜ್ಜೆ ಮುಂದಿಟ್ಟಿದೆ. ವಜ್ರದ ಮಾಸ್ಕ್​​ಗಳನ್ನು ಮಾರಾಟ ಮಾಡುತ್ತಿದೆ.ಡೈಮಂಡ್​ ಹರಳುಗಳನ್ನು ಒತ್ತಾಗಿ ಸೇರಿಸಿ ಮಾಡಲಾದ ಹಾರಗಳಿಂದ ರೂಪಿಸಲಾದ ಈ ಮಾಸ್ಕ್​​ಗಳ ಬೆಲೆ 1 ಲಕ್ಷ ರೂ.ದಿಂದ 4 ಲಕ್ಷ ರೂಪಾಯಿವರೆಗೆ ಇದೆ. ಇದನ್ನೂ ಓದಿ:ಕನ್ಯೆಯರ ರಕ್ತವೇ ಬೇಕಾಗಿತ್ತು ಈಕೆಯ ಸ್ನಾನಕ್ಕೆ…; 600 ಹುಡುಗಿಯರನ್ನು ಕೊಂದವಳು ಕಂಡಿದ್ದು ದುರಂತ ಅಂತ್ಯ

ಸ್ವಲ್ಪ ದಿನಗಳ ಹಿಂದೆ ಪುಣೆಯ ಪಿಂಪ್ರಿ ಚಿಂಚೇವಾಡ್​​ನ ನಿವಾಸಿ ಶಂಕರ್​ ಕುರಾಡೆ ಅವರು 2.89 ಲಕ್ಷ ರೂ.ಬೆಲೆಯ ಚಿನ್ನದ ಮಾಸ್ಕ್​ನ್ನು ಖರೀದಿಸಿ, ಧರಿಸಿದ್ದರು. ಫೋಟೋ ಕೂಡ ಎಲ್ಲೆಡೆ ವೈರಲ್​ ಆಗಿತ್ತು. ಮಾಸ್ಕ್​ನಲ್ಲಿ ಸಣ್ಣ ರಂಧ್ರಗಳು ಇದ್ದು, ಉಸಿರಾಟಕ್ಕೂ ಯಾವುದೇ ಸಮಸ್ಯೆ ಆಗುವುದಿಲ್ಲ ಎಂದಿದ್ದರು.

ಇದೀಗ ವಜ್ರದ ಮಾಸ್ಕ್​ಗಳೂ ಕೂಡ ಲಗ್ಗೆಯಿಟ್ಟಿದ್ದು, ಜನ ಎಷ್ಟರ ಮಟ್ಟಿಗೆ ಆಕರ್ಷಿತರಾಗುತ್ತಾರೆ ಎಂಬುದು ಕುತೂಹಲ.(ಏಜೆನ್ಸಿಸ್​)

https://www.vijayavani.net/delhi-court-grants-bail-to-82-bangladeshi-nationals/