ಶೀಘ್ರವೇ ಭಾರತೀಯ ವಿಮಾನಗಳಲ್ಲಿ ಪವರ್​​ ಬ್ಯಾಂಕ್​ ನಿಷೇಧ!? ಕಠಿಣ ನಿಯಮ ಜಾರಿಗೊಳಿಸಲು DGCA ಚರ್ಚೆ

ನವದೆಹಲಿ: ಇತ್ತೀಚೆಗಷ್ಟೇ ದೆಹಲಿಯ ಇಂಡಿಗೋ ವಿಮಾನದಲ್ಲಿ ಪವರ್​ ಬ್ಯಾಂಕ್​ ಸ್ಫೋಟದಿಂದ ಕಾಣಿಸಿಕೊಂಡ ಬೆಂಕಿ ಅವಘಡದಿಂದ ಅಲರ್ಟ್ ಆಗಿರುವ ನಾಗರಿಕ ವಿಮಾನಯಾನ ನಿರ್ದೇಶನಾಲಯ (DGCA), ಮುಂದಿನ ದಿನಗಳಲ್ಲಿ ಭಾರತೀಯ ಫ್ಲೈಟ್​ಗಳಲ್ಲಿ ಪವರ್ ಬ್ಯಾಂಕ್‌ ಬಳಕೆಯನ್ನು ನಿಷೇಧಿಸುವ ಅಥವಾ ಕಠಿಣ ನಿಯಮಗಳನ್ನು ಜಾರಿಗೊಳಿಸುವ ಬಗ್ಗೆ ಚರ್ಚೆ ನಡೆಸುತ್ತಿದೆ.

ಭಾನುವಾರ (ಅ.19) ದೆಹಲಿಯ ಇಂದಿರಾ ಗಾಂಧಿ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ದಿಮಾಪುರಕ್ಕೆ ಪ್ರಯಾಣಿಸುತ್ತಿದ್ದ ಇಂಡಿಗೋ ವಿಮಾನ ನಿರ್ಗಮನಕ್ಕೆ ಕೆಲವೇ ನಿಮಿಷ ಬಾಕಿಯಿತ್ತು. ಈ ವೇಳೆ, ಪ್ರಯಾಣಿಕರೊಬ್ಬರ ಪವರ್ ಬ್ಯಾಂಕ್ ಸ್ಪೋಟಗೊಂಡಿತು. ಘಟನೆಯಲ್ಲಿ ಯಾರಿಗೂ ಗಾಯಗಳು ಉಂಟಾಗಿಲ್ಲ. ಪವರ್ ಬ್ಯಾಂಕ್ ಸ್ಫೋಟಗೊಂಡ ತಕ್ಷಣವೇ ಕ್ಯಾಬಿನ್ ಸಿಬ್ಬಂದಿಗಳು ಬೆಂಕಿಯನ್ನು ನಂದಿಸಿದ್ದಾರೆ. ಈ ಘಟನೆ ಬೆನ್ನಲ್ಲೇ ಡಿಜಿಸಿಎ, ಭಾರತೀಯ ವಿಮಾನಗಳಲ್ಲಿ ಪವರ್​ ಬ್ಯಾಂಕ್ ಬಳಕೆಯನ್ನು ನಿಷೇಧಿಸಲು ಮುಂದಾಗಿದೆ.

ಇದನ್ನೂ ಓದಿ: ODI Cricket | ಮತ್ತೆ ಸೊನ್ನೆ ಸುತ್ತಿದ ಕಿಂಗ್​ ಕೊಹ್ಲಿ…ನಿವೃತ್ತಿಯ ಸುಳಿವು ನೀಡಿದರಾ ಕರುನಾಡಿನ ದತ್ತು ಮಗ..?

ಈ ಪರಿಶೀಲನೆಯು ವಿಮಾನದೊಳಗೆ ಪವರ್​ ಬ್ಯಾಂಕ್​ ಬಳಕೆಯನ್ನು ನಿಷೇಧಿಸಲು, ವಿದ್ಯುತ್ ಸಾಮರ್ಥ್ಯದ ಮೇಲೆ ಕಡ್ಡಾಯ ನಿರ್ಬಂಧಗಳನ್ನು ಹೇರಲು ಅಥವಾ ಅಪಾಯಗಳನ್ನು ತಗ್ಗಿಸಲು ಸಾಧ್ಯವಾಗದಿದ್ದರೆ ಮುಂದಿನ ದಿನಗಳಲ್ಲಿ ವಿಮಾನಗಳಲ್ಲಿ ಪವರ್​ ಬ್ಯಾಂಕ್​ ಹೊತ್ತೊಯ್ಯುವುದನ್ನು ಸಂಪೂರ್ಣವಾಗಿ ನಿಷೇಧಿಸುವ ಎಲ್ಲ ಸಾಧ್ಯತೆಗಳಿವೆ ಎಂದು ವರದಿಯಾಗಿದೆ. ಈ ವಿಚಾರಕ್ಕೆ ಸಂಬಂಧಿಸಿದಂತೆ, ನಾಗರಿಕ ವಿಮಾನಯಾನ ಸಚಿವಾಲಯಕ್ಕೂ (MoCA) ಮಾಹಿತಿ ನೀಡಲಾಗಿದ್ದು, ಎರಡೂ ಸಂಸ್ಥೆಗಳು ಈಗ ಹೊಸ ಸುರಕ್ಷತಾ ಕ್ರಮಗಳನ್ನು ನಿರ್ಧರಿಸಲು ನಿಕಟವಾಗಿ ಕಾರ್ಯನಿರ್ವಹಿಸುತ್ತಿವೆ,(ಏಜೆನ್ಸೀಸ್).

https://www.vijayavani.net/bbk12-contestant-ashwini-gowda-faces-complaint-in-police-station

https://www.vijayavani.net/bbk12-fire-sparks-in-the-house