ಜೂ. ಎನ್​​ಟಿಆರ್​ ನಟನೆಯ 'ದೇವರ' ಬಗ್ಗೆ ಇಲ್ಲಿದೆ ಹೊಸ ಅಪ್ಡೇಟ್​; ಸೈಫ್​ ಅಲಿ ಖಾನ್​ ಪೋಸ್ಟರ್​ ರಿಲೀಸ್​!

ಆಂಧ್ರಪ್ರದೇಶ: ಟಾಲಿವುಡ್​ನ ಸ್ಟಾರ್​ ನಟ ಜೂ. ಎನ್​ಟಿಆರ್​ ನಟನೆಯ ಬಹುನಿರೀಕ್ಷಿತ 'ದೇವರ' ಚಿತ್ರದ ಬಗ್ಗೆ ಹೊಚ್ಚ ಹೊಸ ಅಪ್ಡೇಟ್​​ಗಳನ್ನು ಪಡೆಯಲು ಸಿನಿಪ್ರಿಯರು ಮತ್ತು ಫ್ಯಾನ್ಸ್ ಬಹಳ ದಿನಗಳಿಂದ ತೀವ್ರ​ ಕಾತರದಿಂದ ಕಾಯುತ್ತಿದ್ದಾರೆ. ಸದ್ಯ ಇದೀಗ ಚಿತ್ರತಂಡ ಸಿನಿಮಾದಲ್ಲಿ ಪ್ರಮುಖ ಪಾತ್ರವನ್ನು ನಿಭಾಯಿಸಿರುವ ಬಾಲಿವುಡ್​ ನಟ, ಸೈಫ್​ ಅಲಿ ಖಾನ್​ ಅವರ ಫಸ್ಟ್​ ಲುಕ್​ ಪೋಸ್ಟರ್​ ಅನ್ನು ಇಂದು ಬಿಡುಗಡೆಗೊಳಿಸಿದೆ.

ಇದನ್ನೂ ಓದಿ: ಚಿಕನ್‌ ಬದಲು ಇಲಿಯ ಮಾಂಸವನ್ನು ಸರಬರಾಜು ಮಾಡಿದ ರೆಸ್ಟೋರೆಂಟ್​​ ಸಿಬ್ಬಂದಿ!

ಸೈಫ್ ಅಲಿ ಖಾನ್ ಅವರ ಫಸ್ಟ್ ಲುಕ್ ಅನ್ನು ಇಂದು ಅಧಿಕೃತವಾಗಿ ಅನಾವರಣಗೊಳಿಸಿದ ಚಿತ್ರತಂಡ, ಭೈರಾ ಎಂಬ ಪಾತ್ರದಲ್ಲಿ ನಟ ಅಭಿನಯಿಸಿದ್ದಾರೆ ಎಂಬುದರ ಬಗ್ಗೆ ಪೋಸ್ಟರ್​ ಮುಖೇನ ಮಾಹಿತಿ ನೀಡಿದೆ. ಅಭಿಮಾನಿಗಳು ಸೈಫ್​ನ ಫಸ್ಟ್​ ಲುಕ್​ ಮೆಚ್ಚಿಕೊಂಡಿದ್ದು, ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಂಡಿದ್ದಾರೆ. ಸದ್ಯ ಚಿತ್ರದ ಚಿತ್ರೀಕರಣದ ಹೊಸ ಶೆಡ್ಯೂಲ್​ ಹೈದರಾಬಾದ್‌ನಲ್ಲಿ ನಡೆಯುತ್ತಿದೆ.

ಇದನ್ನೂ ಓದಿ: ಖಾತೆಯಲ್ಲಿ ಬ್ಯಾಲೆನ್ಸ್​ ಇಲ್ಲದಿದ್ದರೂ ಹಣ ವಿತ್​ಡ್ರಾ! ಎಟಿಎಂ ಮುಂದೆ ಜಮಾಯಿಸಿದ ಗ್ರಾಹಕರು

ಟಾಲಿವುಡ್​ ಅಂಗಳದಲ್ಲಿ ಭಾರೀ ಭರವಸೆ ಮೂಡಿಸಿರುವ ಸಿನಿಮಾಗಳ ಪೈಕಿ ಜೂ. ಎನ್​ಟಿಆರ್​ ಅವರ 'ದೇವರ' ಕೂಡ ಪ್ರಮುಖವಾಗಿದೆ. ಶಿವ ಕೊರಟಾಲ ನಿರ್ದೇಶನದ ಈ ಚಿತ್ರದಲ್ಲಿ ಜಾಹ್ನವಿ ಕಪೂರ್ ನಾಯಕಿಯಾಗಿ ಕಾಣಿಸಿಕೊಂಡಿದ್ದಾರೆ. ಸಿನಿಮಾ ಏಪ್ರಿಲ್ 5, 2024 ರಂದು ವಿಶ್ವದಾದ್ಯಂತ ಏಕಕಾಲಕ್ಕೆ ಬಹುತೇಕ ಚಿತ್ರಮಂದಿರಗಳಲ್ಲಿ ತೆರೆ ಕಾಣಲು ಸಜ್ಜಾಗಿದೆ,(ಏಜೆನ್ಸೀಸ್).

https://www.vijayavani.net/highcourt-postponed-the-hearing-of-upendra-case