ವಾಹನದ ಸಗಟು ಮಾರಾಟ ಇಳಿಕೆ: ಯಾಕೆ ಗೊತ್ತೇ?

ಮುಂಬೈ: ಸೆಮಿಕಂಡೆಕ್ಟರ್​ಗಳ ಕೊರತೆಯ ಕಾರಣ ಜನವರಿಯಲ್ಲಿ ಪ್ರಯಾಣಿಕರ ವಾಹನದ ಸಗಟು ಮಾರಾಟ ಶೇ. 8ರಷ್ಟು ಇಳಿಕೆ ಕಂಡಿದೆ. ದ್ವಿಚಕ್ರ ಮೋಟಾರು ವಾಹನಗಳ ಮಾರಾಟವೂ ಶೇ. 21 ತಗ್ಗಿದೆ ಎಂದು ಭಾರತೀಯ ವಾಹನ ತಯಾರಿಕಾ ಕಂಪನಿಗಳ ಒಕ್ಕೂಟ (ಎಸ್​ಐಎಎಂ) ಹೇಳಿದೆ.

• 2021ರ ಜನವರಿಯಲ್ಲಿ 2,76,554 ಇದ್ದ ಮಾರಾಟ, ಕಳೆದ ಜನವರಿಯಲ್ಲಿ 2,54,287ಕ್ಕೆ ತಗ್ಗಿದೆ.
• 2022ರ ಮೊದಲನೇ ತಿಂಗಳಲ್ಲಿ 1,26,693 ಕಾರುಗಳು ಬಿಕರಿಯಾಗಿದ್ದರೆ, ಹಿಂದಿನ ವರ್ಷ ಇದೇ ಮಾಹೆಯಲ್ಲಿ 1,53,244 ಮಾರಾಟವಾಗಿತ್ತು.
• 10,632 ವ್ಯಾನ್​ಗಳು ಕಳೆದ ಜನವರಿಯಲ್ಲಿ ಪೂರೈಕೆ ಆಗಿದ್ದರೆ, 2021ರ ಜನವರಿಯಲ್ಲಿ ಇದರ ಪ್ರಮಾಣ 11,816 ಇತ್ತು.
• ದ್ವಿಚಕ್ರ ಮೋಟಾರು ವಾಹನಗಳು 11,28,293 ಮಾರಾಟವಾಗಿದ್ದರೆ, ಕಳೆದ ವರ್ಷ ಜನವರಿಯಲ್ಲಿ 14,29,928 ಮಾರಾಟ ಆಗಿತ್ತು.
• 24,091 ತ್ರಿಚಕ್ರ ವಾಹನಗಳು ಈ ಜನವರಿಯಲ್ಲಿ ಬಿಕರಿ ಆಗಿದ್ದು, ಕಳೆದ ವರ್ಷ 26,794 ಮಾರಾಟ ಆಗಿತ್ತು.
• ಕಳೆದ ಜನವರಿಯಲ್ಲಿ ಒಟ್ಟಾರೆ ವಾಹನಗಳ ಸಗಟು ಪೂರೈಕೆ 14,06,672 ಇದ್ದರೆ, 2021ರ ಜನವರಿಯಲ್ಲಿ ಇದು 17,33,276 ಇತ್ತು.
• ಬಹು ಉಪಯೋಗಿ ವಾಹನಗಳ ಮಾರಾಟದಲ್ಲಿ ಹೆಚ್ಚಳ ಆಗಿದೆ. 1,16,962 ಘಟಕಗಳು ಕಳೆದ ತಿಂಗಳು ಮಾರಾಟವಾಗಿದ್ದರೆ, ಹಿಂದಿನ ವರ್ಷದ ಇದೇ ಮಾಸದಲ್ಲಿ 1,11,494 ವಾಹನಗಳು ಬಿಕರಿ ಆಗಿದ್ದವು.

https://www.vijayavani.net/students-doing-namaz-at-school-and-video-getting-viral/

https://www.vijayavani.net/another-controversial-thing-added-in-hijab-kesari-fight/