ಮೂರು ತಿಂಗಳಿಂದ ನಿರಂತರವಾಗಿ ಸಾರ್ವಜನಿಕರ ಜತೆ ನೇರ ಸಂಪರ್ಕದಲ್ಲಿದ್ದು ಕೆಲಸ ಮಾಡಿದ್ದೇವೆ. ವಲಸಿಗರನ್ನು ಊರಿಗೆ ಕಳುಹಿಸುವುದು, ಬಂದೋಬಸ್ತ್ ಡ್ಯೂಟಿ ಸೇರಿ ಮುಂತಾದ ಕೆಲಸಗಳನ್ನು ಜವಾಬ್ದಾರಿಯುತವಾಗಿ ನಿರ್ವಹಿಸಿದ್ದೇವೆ. ಮುಂಜಾಗ್ರತೆ ವಹಿಸಿದ್ದರೂ ಸೋಂಕು ತಗುಲುತ್ತಿದೆ. ಆರೋಗ್ಯ ತಜ್ಞರು ಹೇಳುವ ಪ್ರಕಾರ ಬಹುತೇಕರಿಗೆ ಸೋಂಕು ಬಂದು ಹೋಗಿದೆ. ಯುವ ವಯಸ್ಸಿನವರು ಆಗಿರುವುದರಿಂದ ಏನು ಆಗುವುದಿಲ್ಲ. ಶೀಘ್ರವಾಗಿ ಗುಣಮುಖರಾಗುತ್ತೀರಿ. ನಿಮ್ಮ ಹಾಗೂ ಕುಟುಂಬದ ಜತೆ ಇಲಾಖೆ ಇದೆ. ನಿಮಗೆ ಏನೇ ಸಮಸ್ಯೆಯಾದರೂ ಹಿರಿಯ ಅಧಿಕಾರಿಗಳ ಗಮನಕ್ಕೆ ತನ್ನಿ ಎಂದು ಹೇಳುತ್ತಾ ಚಪ್ಪಾಳೆ ತಟ್ಟಿ ಆಸ್ಪತ್ರೆಗೆ ಕಳುಹಿಸಿರುವುದು ವಿಡಿಯೋದಲ್ಲಿದೆ.
