ಬಾಂಗ್ಲಾದೇಶದಲ್ಲಿ ಬಂಧನದಲ್ಲಿರುವ ಚಿನ್ಮೋಯ್​ ಕೃಷ್ಣ ದಾಸ್ ಪ್ರಭು ಬಿಡುಗಡೆಗೆ ಡಿಸಿಎಂ Pawan Kalyan ಆಗ್ರಹ

ಆಂಧ್ರಪ್ರದೇಶ: ಬಾಂಗ್ಲಾದೇಶದಲ್ಲಿರುವ ಹಿಂದು ಸನ್ಯಾಸಿ ಚಿನ್ಮೋಯ್​ ಕೃಷ್ಣ ದಾಸ್ ಪ್ರಭು​ ಅವರ ಬಂಧನ ಮತ್ತು ಜಾಮೀನು ನಿರಾಕರಣೆ ಮಾಡಿರುವುದನ್ನು ಆಂಧ್ರದ ಡಿಸಿಎಂ ಪವನ್​ ಕಲ್ಯಾಣ್​(Pawan Kalyan )ಖಂಡಿಸಿದ್ದಾರೆ. ಅಲ್ಲದೇ,  ಅಲ್ಲಿನ  ಹಿಂದುಗಳ ಮೇಲಿನ ದೌರ್ಜನ್ಯದ ಬಗ್ಗೆ ವಿಶ್ವಸಂಸ್ಥೆ ಮಧ್ಯಸ್ಥಿಕೆ ವಹಿಸುವಂತೆ ಆಗ್ರಹಿಸಿದ್ದಾರೆ.

ನ.25 ರಂದು ಕೃಷ್ಣ ದಾಸ್ ಪ್ರಭು ಅವರನ್ನು ದೇಶದ್ರೋಹದ ಆರೋಪದ ಮೇಲೆ ಢಾಕಾ ವಿಮಾನ ನಿಲ್ದಾಣದಲ್ಲಿ ಢಾಕಾ ಪೊಲೀಸ್​ ಡಿಟೆಕ್ಟಿವ್​ ಬ್ರಾಂಜ್​ ಬಂಧಿಸಿದೆ. ಬಳಿಕ ನ್ಯಾಯಾಲಯ ಜಾಮೀನು ನಿರಾಕರಿಸಿದೆ. ನೆರೆಯ ದೇಶದಲ್ಲಿ ಹಿಂದುಗಳ ಮೇಲಿನ ಹಿಂಸಚಾರ ಮತ್ತು ದೌರ್ಜನ್ಯದ ವಿರುದ್ಧ ಧ್ವನಿ ಎತ್ತಿದ ಪ್ರಭು ಅವರನ್ನು ಬಂಧಿಸಿ ಜಾಮೀನು ನಿರಾಕರಣೆ ಹಿನ್ನೆಲೆ, ಭಾರತ ವಿದೇಶಾಂಗ ಸಚಿವಾಲಯ ಸೇರಿ ಬಾಂಗ್ಲದಲ್ಲಿ ಭಾರಿ ಪ್ರತಿಭಟನೆಗಳು ಭುಗಿಲೆದ್ದಿವೆ.

ಇದನ್ನೂ ಓದಿ: IIT ಕಾಲೇಜಿನ ವಿದ್ಯಾರ್ಥಿಗೆ ಲಕ್ಷಾಂತರ ರೂ. ವಂಚನೆ.. ನಿಮಗೂ ಇಂತಹ ಕರೆ ಬಂದರೆ ಹುಷಾರ್​..!

ಇದೇ ವಿಷಯವನ್ನು ಪ್ರಸ್ತಾಪಿಸಿ ಮಾತನಾಡಿರುವ ಡಿಸಿಎಂ ಪವನ್​ ಕಲ್ಯಾಣ್​, ''ಹಿಂದು ಸನ್ಯಾಸಿ ಚಿನ್ಮೋಯ್​ ಕೃಷ್ಣ ದಾಸ್ ಪ್ರಭು ಅವರ ಬಂಧವನ್ನು ಖಂಡಿಸಿಲು ಎಲ್ಲರೂ ಒಂದಾಗೋಣ, ಹಿಂದುಗಳ ಮೇಲಿ ದೌರ್ಜನ್ಯ ನಿಲ್ಲಿಸುವಂತೆ ಮೊಹಮ್ಮದ್​ ಯೂನಿಸ್​ ನೇತೃತ್ವದ ಸರ್ಕಾರವನ್ನು ನಾವು ಒತ್ತಾಯಿಸುತ್ತಿದ್ದೇವೆ. ಬಾಂಗ್ಲಾದೇಶ ರಚನೆಗಾಗಿ ನಮ್ಮ ಭಾರತೀಯ ಸೇನೆಯೂ ರಕ್ತ ಚೆಲ್ಲಿದೆ. ನಮ್ಮ ಸಂಪನ್ಮೂಲಗಳನ್ನು ವ್ಯಯಿಸಲಾಗಿದೆ. ನಮ್ಮ ಸೇನಾ ಯೋಧರ ಪ್ರಾಣವನ್ನು ಕಳೆದುಕೊಂಡಿದ್ದೇವೆ.

ನಮ್ಮ ಹಿಂದು ಸಹೋದರ, ಸಹೋದರಿಯರನ್ನು ಗುರಿಯಾಗಿಸಿಕೊಂಡು ದೌರ್ಜನ್ಯವೆಸಗುತ್ತಿವುದರಿಂದ ನಾವು ತೀವ್ರ ವಿಚಲಿತರಾಗಿದ್ದೇವೆ. ಈ ದೌರ್ಜನ್ಯವನ್ನು ತಡೆಯಲು ನಾವು ವಿಶ್ವಸಂಸ್ಥೆ ಮಧ್ಯೆ ಪ್ರವೇಶಿಸಬೇಕು'' ಎಂದು ತಮ್ಮ ಎಕ್ಸ್​ ಖಾತೆಯಲ್ಲಿ ಆಗ್ರಹಿಸಿದ್ದಾರೆ, (ಏಜೆನ್ಸೀಸ್).

https://www.vijayavani.net/jaganmohan-reddy-expresses-concern-about-evms-insists-on-ballot-voting

https://www.vijayavani.net/tdp-contests-rajya-sabha-after-40-years-expected-to-win-three-seats