ಜೈಲಿನಲ್ಲಿ ಆರೋಪಿ ದರ್ಶನ್​ಗೆ​ ರಾಜಾತಿಥ್ಯ! ಸಿಗರೇಟ್​, ಕಾಫಿ, ಮೊಬೈಲ್​? ನಿಲ್ಲದ ಗತ್ತು, ದವಲತ್ತು

ಬೆಂಗಳೂರು: ಚಿತ್ರದುರ್ಗದ ರೇಣುಕಸ್ವಾಮಿ ಭೀಕರ ಹತ್ಯೆ ಪ್ರಕರಣದಲ್ಲಿ ಸದ್ಯ ಕಳೆದ ಎರಡು ತಿಂಗಳಿನಿಂದ ಪರಪ್ಪನ ಜೈಲು ಸೇರಿರುವ ಎ2 ಆರೋಪಿ ನಟ ದರ್ಶನ್​, ಇದೀಗ ಇತರೆ ರೌಡಿಗಳ ಜತೆ ಜೈಲಿನೊಳಗೆ ಒಂದು ಕೈನಲ್ಲಿ ಕಾಫಿ ಲೋಟ ಹಾಗೂ ಮತ್ತೊಂದು ಕೈಯಲ್ಲಿ ಸಿಗರೇಟ್​ ತುಂಡು ಹಿಡಿದಿರುವ ಫೋಟೋ ಸೋಷಿಯಲ್ ಮೀಡಿಯಾದಲ್ಲಿ ಭಾರೀ ವೈರಲ್ ಆಗಿದ್ದು, ಹಲವರ ಆಕ್ರೋಶಕ್ಕೆ ಗುರಿಯಾಗಿದೆ. ಒಬ್ಬ ಖೈದಿಗೆ ಸೆರೆಮನೆಯಲ್ಲಿ ಇಂತಹ ರಾಜಾತಿಥ್ಯ ಇದೆ ಅಂದಮೇಲೆ ಆತನಿಗೆ ಶಿಕ್ಷೆಯ ಅರ್ಥ ಹೇಗೆ ತಿಳಿಯುತ್ತದೆ ಎಂದು ಕೆಲವರು ಜಾಲತಾಣಗಳಲ್ಲಿ ಅಭಿಪ್ರಾಯಿಸಿದ್ದಾರೆ.

ಇದನ್ನೂ ಓದಿ: ಕಾವ್ಯದ ಮೂಲಕ ಸಮಾಜದ ತಾರತಮ್ಯ ಅನಾವರಣಗೊಳ್ಳಬೇಕು: ಡಾ. ಎಚ್.ಎಲ್. ಪುಷ್ಪ

ಅಸಲಿಗೆ ವೈರಲ್ ಆದ ಈ ಫೋಟೋ ​ ಕ್ಲಿಕ್ಕಿಸಿದ್ದು ಯಾರು ಎಂಬ ಪ್ರಶ್ನೆ ಇದೀಗ ವ್ಯಾಪಕವಾಗಿ ಚರ್ಚೆಯಾಗುತ್ತಿದೆ. ಸದ್ಯದ ಮಟ್ಟಿಗೆ ಇದಕ್ಕೆ ಉತ್ತರ ಸಿಕ್ಕಿಲ್ಲ. ಇನ್ನು ಕೇಂದ್ರ ಕಾರಾಗೃಹ ಪರಪ್ಪನ ಅಗ್ರಹಾರದಲ್ಲಿ ಬಂಧಿತರಾಗಿರುವ ದರ್ಶನ್​, ಬೆಂಗಳೂರಿನ ರೌಡಿ ಶೀಟರ್‌ ವಿಲ್ಸನ್ ಗಾರ್ಡನ್ ನಾಗನ ಜತೆಗೆ ಕುಳಿತು ಬಹಳ ಆರಾಮದಾಯಕವಾಗಿ ಸಿಗರೇಟ್‌ ಸೇದುತ್ತಿರುವುದು ಫೋಟೋದಲ್ಲಿ ಕಂಡುಬಂದಿದೆ. ತಮಗೆ ತಪ್ಪಿನ ಅರಿವು ಕಾಡುತ್ತಿಲ್ಲವೇ? ಯಾವ ಆಧಾರದ ಮೇಲೆ ದರ್ಶನ್​ ಇಷ್ಟೊಂದು ಧೈರ್ಯವಾಗಿದ್ದಾರೆ? ಇದನ್ನು ನೋಡಿದ್ರೆ ಜೈಲಿಗೂ, ಮನೆಗೂ ಯಾವ ವ್ಯತ್ಯಾಸವು ಕಂಡುಬರುತ್ತಿಲ್ಲ ಎಂದು ಅನೇಕರು ಜಾಲತಾಣಗಳಲ್ಲಿ ಕಮೆಂಟ್ ಮುಖೇನ ಕಿಡಿಕಾರಿದ್ದಾರೆ.

https://www.vijayavani.net/this-is-shocking-actress-trolled-for-look