ನಿರ್ಮಾಣ ಹಂತದ ಮನೆಗೆ ‘ಡಿ ಬಾಸ್​’ ಎಂದು ಹೆಸರಿಟ್ಟ ದರ್ಶನ್​ ಅಭಿಮಾನಿ

ಅಭಿಮಾನಿಗಳ ವಿಚಾರದಲ್ಲಿ ದರ್ಶನ್​ ಯಾವತ್ತಿದ್ರೂ ಒಂದು ಕೈ ಮೇಲೆಯೇ. ಅವರು ಏನೇ ಮಾಡಿದರೂ, ಅದು ದೊಡ್ಡ ಮಟ್ಟದಲ್ಲಿ ಸುದ್ದಿಯಾಗುತ್ತದೆ. ಸಣ್ಣ ಸಲಹೆ ಕೂಡ ದೊಡ್ಡ ಮಟ್ಟದಲ್ಲಿ ಆಚರಿಸಲ್ಪಡುತ್ತದೆ. ಇದೀಗ ಅಭಿಮಾನಿಯೊಬ್ಬರು ದರ್ಶನ್​ಗೆ ವಿಶೇಷವಾದ ಉಡುಗೊರೆ ನೀಡಿದ್ದಾರೆ.

ಇದನ್ನೂ ಇದೆ: ಬಾಲಿವುಡ್​ ಕಾಮಕಾಂಡದಲ್ಲಿ ನಾನಿಲ್ಲ; ಮಹೇಶ್​ ಭಟ್​ ಕೊಟ್ಟ ಸ್ಪಷ್ಟನೆ ಇದು

ಹೌದು ನಿರ್ಮಾಣ ಹಂತದ ಮನೆಗೆ ಡಿ ಬಾಸ್​ ಎಂದು ಹೆಸರನ್ನು ನೀಡಿ ಸುದ್ದಿಯಲ್ಲಿದ್ದಾರೆ. ಆ ಫೋಟೋ ಇದೀಗ ಸೋಷಿಯಲ್​ ಮೀಡಿಯಾದಲ್ಲಿ ವೈರಲ್​ ಆಗುತ್ತಿದ್ದು, ದರ್ಶನ್ ಅಭಿಮಾನಿಗಳು ಪುಳಕಿತರಾಗಿದ್ದಾರೆ. ಪೇಂಟಿಂಗ್​ ಮೂಲಕವೋ, ಕೈ ಮೇಲೆ ಹಚ್ಚೆ ಹಾಕಿಸಿಕೊಳ್ಳುವುದರ ಮೂಲಕವೋ ಅಭಿಮಾನ ಮೆರೆಯುತ್ತಿದ್ದವರೀಗ, ಮನೆಗೆ ದರ್ಶನ್​ ಹೆಸರನ್ನಿಟ್ಟು ಅಭಿಮಾನ ಮೆರೆದಿದ್ದಾರೆ.

ಇತ್ತೀಚೆಗಷ್ಟೇ ಕರೊನಾ ಹಿನ್ನೆಲೆಯಲ್ಲಿ ರಾಬರ್ಟ್ ಪೋಸ್ಟರ್ ಬಳಸಿಕೊಂಡು ಮಾಸ್ಕ್​ ಸಿದ್ಧಪಡಿಸಿದ್ದರು ಅಭಿಮಾನಿಗಳು. ಅವುಗಳನ್ನು ಹಂಚಿಕೆ ಮಾಡಿ, ಮಾಸ್ಕ್​ನಿಂದಾಗುವ ಅನುಕೂಲತೆಗಳೇನು ಎಂಬುದರ ಬಗ್ಗೆ ಜಾಗೃತಿಯನ್ನೂ ಮೂಡಿಸಿದ್ದರು. ಇದೀಗ ಇಲ್ಲೊಬ್ಬ ಅಭಿಮಾನಿ ವಿಶೇಷವಾಗಿ ದರ್ಶನ್​ ಅವರನ್ನು ನೆನಪು ಮಾಡಿಕೊಂಡಿದ್ದಾನೆ.

ಇದನ್ನೂ ಓದಿ: ರಶ್ಮಿ ಹೊಸ ದುನಿಯಾ

ಎಲ್ಲ ಅಂದುಕೊಂಡಂತೆ ಆಗಿದ್ದರೆ, ‘ರಾಬರ್ಟ್’ ಸಿನಿಮಾ ಏ. 9ಕ್ಕೆ ತೆರೆಕಾಣಬೇಕಿತ್ತು. ಕರೊನಾ ಹಾವಳಿಯಿಂದಾಗಿ ಬಿಡುಗಡೆಯನ್ನು ಚಿತ್ರತಂಡ ಮುಂದೂಡಿಕೊಂಡಿದೆ. ಮುಂದಿನ ವರ್ಷವೇ ಸಿನಿಮಾ ತೆರೆಗೆ ಬರಲಿದೆ ಎನ್ನಲಾಗುತ್ತಿದೆ.

https://www.vijayavani.net/yash-to-lend-his-voice-for-the-teaser-of-niranjan-sudhindras-film/