ಬೆಂಗಳೂರು: 2002ರಲ್ಲಿ ನಾಗತಿಹಳ್ಳಿ ಚಂದ್ರಶೇಖರ್ ನಿರ್ದೇಶನದಲ್ಲಿ ಉಪೇಂದ್ರ ನಾಯಕತ್ವದಲ್ಲಿ ‘ಸೂಪರ್ಸ್ಟಾರ್’ ಸಿನಿಮಾ ತೆರೆಕಂಡಿತ್ತು. ಇದೀಗ ಅದೇ ಶೀರ್ಷಿಕೆಯ ಹೊಸ ಸಿನಿಮಾದಲ್ಲಿ ಉಪೇಂದ್ರ ಅವರ ಅಣ್ಣನ ಮಗ, ನಿರಂಜನ್ ಸುಧೀಂದ್ರ ನಟಿಸುತ್ತಿದ್ದಾರೆ. ಆ ಚಿತ್ರದ ಫಸ್ಟ್ ಲುಕ್ ಬಿಡುಗಡೆಯಾಗಿದ್ದು, ಸ್ವತಃ ಉಪೇಂದ್ರ ಮತ್ತು ಪ್ರಿಯಾಂಕಾ ಪೋಸ್ಟರ್ ರಿಲೀಸ್ ಮಾಡಿ ಶುಭಕೋರಿದ್ದಾರೆ. ಇದೀಗ ಟೀಸರ್ ರಿಲೀಸ್ಗೆ ಸಮಯ ಬಂದಿದೆ.
ಇದನ್ನೂ ಓದಿ: ಗಾಳಿಪಟದ ನೆರಳಿನ ಜತೆ ಮತ್ತೆ ಬಂದ ಶ್ರುತಿ
ಗುರುವಾರ ಬೆಳಗ್ಗೆ 11.30ಕ್ಕೆ ’ಸೂಪರ್ಸ್ಟಾರ್‘ ಚಿತ್ರದ ಟೀಸರ್ ರಿಲೀಸ್ ಆಗಲಿದೆ. ವಿಶೇಷ ಏನೆಂದರೆ, ಈ ಚಿತ್ರದ ಟೀಸರ್ಗೆ ರಾಕಿಂಗ್ ಸ್ಟಾರ್ ಯಶ್ ಧ್ವನಿ ನೀಡಿದ್ದು, ಯಶ್ ಅಭಿಮಾನಿಗಳಲ್ಲಿಯೂ ಕುತೂಹಲ ಮೂಡಿಸಿದೆ. ಈಗಾಗಲೇ ಟೀಸರ್ಗೆ ಬೇಕಾದ ದೃಶ್ಯಗಳನ್ನು ಸೆರೆಹಿಡಿದಿರುವ ಚಿತ್ರತಂಡ, ಸೆಪ್ಟಂಬರ್ನಿಂದ ಶೂಟಿಂಗ್ ಸಹ ಆರಂಭಿಸಿಕೊಳ್ಳಲಿದೆ.
ಅಂದಹಾಗೆ, ಈಗಾಗಲೇ ಬಿಡುಗಡೆಯಾಗಿರುವ ಪೋಸ್ಟರ್ಗಳನ್ನು ನೋಡಿದರೆ, ಇದೊಂದು ಪಕ್ಕಾ ಮಾಸ್ ಅವತಾರದಲ್ಲಿ ಸಿದ್ಧವಾಗಲಿರುವ ಸಿನಿಮಾ ಎಂಬಂಥ ಕಾಣಿಸುತ್ತಿದೆ. ಮೊದಲ ಚಿತ್ರಕ್ಕಾಗಿ ದೇಹವನ್ನೂ ಹುರಿಗೊಳಿಸಿಕೊಂಡಿರುವ ನಿರಂಜನ್, ರಗಡ್ ಲುಕ್ನಲ್ಲಿ ಎದುರಾಗುವ ಸೂಚನೆ ನೀಡಿದ್ದಾರೆ.
ಈ ಹಿಂದೆ ಪ್ರಿಯಾಂಕಾ ಉಪೇಂದ್ರ ಜತೆಗೆ ‘ಸೆಕೆಂಡ್ ಹ್ಯಾಂಡ್’ ಚಿತ್ರದ ಮೂಲಕ ನಿರಂಜನ್ ಸ್ಯಾಂಡಲ್ವುಡ್ಗೆ ಎಂಟ್ರಿಕೊಟ್ಟಿದ್ದರು. ಆ ಸಿನಿಮಾ ನಿರಂಜನ್ಗೆ ಅಷ್ಟೊಂದು ಯಶಸ್ಸು ತಂದುಕೊಟ್ಟಿರಲಿಲ್ಲ. ಬಳಿಕ ‘ಅದ್ಧೂರಿ 2’ ಸಿನಿಮಾದಲ್ಲಿ ನಟಿಸಲಿದ್ದಾರೆ ಎನ್ನಲಾಗಿತ್ತಾದರೂ, ಸದ್ಯಕ್ಕೆ ಆ ಚಿತ್ರದ ಬಗ್ಗೆ ಯಾವುದೇ ಅಧಿಕೃತ ಮಾಹಿತಿ ಹೊರಬಿದ್ದಿಲ್ಲ್ಲ ಈ ನಡುವೆಯೇ ರಮೇಶ್ ವೆಂಕಟೇಶ್ ಬಾಬು ಕಥೆ, ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿರುವ ‘ಸೂಪರ್ ಸ್ಟಾರ್’ ಸಿನಿಮಾ ಸೆಟ್ಟೇರಿದೆ. ಸೆ ಮೊದಲ ವಾರದಲ್ಲಿ ಬೆಂಗಳೂರು ಸುತ್ತಮುತ್ತ ಚಿತ್ರೀಕರಣ ಸಹ ಮಾಡಿಕೊಳ್ಳುವ ಪ್ಲ್ಯಾನ್ ರೂಪಿಸಿದೆ ಚಿತ್ರತಂಡ.
ಇದನ್ನೂ ಓದಿ: ಸಾಧನೆ ಕಡೆಗಣಿಸಬೇಡಿ: ವಿವಾದಗಳಿಗೆ ಉತ್ತರ ಕೊಟ್ಟ ಕಾರ್ಗಿಲ್ಗರ್ಲ್
ಇತ್ತ ನಾಯಕಿಗಾಗಿಯೂ ಚಿತ್ರತಂಡ ಹುಡುಕಾಟ ಆರಂಭಿಸಿದ್ದು, ಈಗಾಗಲೇ ಒಂದಷ್ಟು ನಾಯಕಿಯರನ್ನು ಪಟ್ಟಿ ಮಾಡಿದೆ. ಅವರಲ್ಲಿ ಯಾರು ಅಂತಿಮ ಆಗಲಿದ್ದಾರೆ ಎಂಬುದನ್ನು ಮುಂದಿನ ದಿನಗಳಲ್ಲಿ ಹೇಳಿಕೊಳ್ಳಲಿದೆ ಚಿತ್ರತಂಡ.
ಬಾಲಿವುಡ್ ಕಾಮಕಾಂಡದಲ್ಲಿ ನಾನಿಲ್ಲ; ಮಹೇಶ್ ಭಟ್ ಕೊಟ್ಟ ಸ್ಪಷ್ಟನೆ ಇದು