ಯುವಕನ ಇನ್​ಸ್ಟಾಗ್ರಾಂ ಖಾತೆ ನೋಡಿ ದಂಗಾದ ಪೊಲೀಸರು​! ಪರಿಚಿತ ಮಹಿಳೆಯರಿಗೆ ಶುರುವಾಯ್ತು ನಡುಕ | Cyber Crime

Cyber Crime : ತಂತ್ರಜ್ಞಾನವನ್ನು ಬಳಸಿಕೊಂಡು ಮಹಿಳೆಯರು ಮತ್ತು ಯುವತಿಯರಿಗೆ ಗೊತ್ತಾಗದಂತೆ ರಹಸ್ಯವಾಗಿ ಅವರ ಫೋಟೋಗಳನ್ನು ತೆಗೆದು, ಅವುಗಳನ್ನು ಮಾರ್ಫ್ ಮಾಡಿ, ಇನ್​ಸ್ಟಾಗ್ರಾಂನಲ್ಲಿ ಅಪ್‌ಲೋಡ್ ಮಾಡುತ್ತಿದ್ದ ಖತರ್ನಾಕ್​​ ಯುವಕನನ್ನು ಪೊಲೀಸರು ಬಂಧಿಸಿದ್ದಾರೆ.

ಈ ಆಘಾತಕಾರಿ ಘಟನೆ ತೆಲಂಗಾಣದ ಜಗಿತ್ಯಾಲ ಜಿಲ್ಲೆಯಲ್ಲಿ ಇದೀಗ ಚರ್ಚೆಯ ವಿಷಯವಾಗಿದೆ. ಬಂಧಿತ ಆರೋಪಿಯನ್ನು ಶ್ರವಣ್​ ಭಂಡಾರಿ ಎಂದು ಗುರುತಿಸಲಾಗಿದೆ. ಈತ ಜಿಲ್ಲೆಯ ಬುಗ್ಗರಾಮ್ ಮಂಡಲದ ಗೋಪುಲಾಪುರ ಗ್ರಾಮದ ನಿವಾಸಿ. ಈತ ಹಲವು ದಿನಗಳ ಕಾಲ ದುಬೈನಲ್ಲಿದ್ದ.

ದುಬೈನಲ್ಲಿರುವಾಗ ತಂತ್ರಜ್ಞಾನದ ಜ್ಞಾನವನ್ನು ಬೆಳೆಸಿಕೊಂಡ ಶ್ರವಣ್​, ಇತ್ತೀಚೆಗಷ್ಟೇ ತನ್ನ ಊರಿಗೆ ಮರಳಿದ್ದ. ಜಗಿತ್ಯಾಲದಲ್ಲಿ ಸೆಲ್ ಪಾಯಿಂಟ್ ನಡೆಸುತ್ತಿರುವ ಈತ, ಟೈಸ್ ಎನ್ ಲೆಗ್ಗಿಂಗ್ಸ್ ಹೆಸರಿನಲ್ಲಿ ಇನ್​ಸ್ಟಾಗ್ರಾಂ ಖಾತೆಯನ್ನು ತೆರೆದು ಮಹಿಳೆಯರು ಮತ್ತು ಯುವತಿಯರ ಫೋಟೋಗಳನ್ನು ಅಶ್ಲೀಲವಾಗಿ ಮಾರ್ಫಿಂಗ್ ಮಾಡಿ ಪೋಸ್ಟ್​ ಮಾಡುತ್ತಿದ್ದ. ತನಗೆ ಗೊತ್ತಿರುವ ಕೆಲವು ಮಹಿಳೆಯರಿಗೆ ಬೆದರಿಕೆ ಹಾಕಿರುವ ಆರೋಪವೂ ಕೇಳಿಬಂದಿದೆ.

ಪ್ರಕರಣ ಬೆಳಕಿಗೆ ಬಂದಿದ್ದು ಹೇಗೆ?

ಇತ್ತೀಚೆಗೆ ಸಂತ್ರಸ್ತೆಯ ಸ್ನೇಹಿತರಿಗೆ ಇನ್​ಸ್ಟಾಗ್ರಾಂನಲ್ಲಿ ಆಕೆಯ ಆಕ್ಷೇಪಾರ್ಹ ಫೋಟೋ ಕಾಣಿಸಿಕೊಂಡಿದೆ. ಈ ಬಗ್ಗೆ ಸಂತ್ರಸ್ತೆಯನ್ನು ವಿಚಾರಿಸಿದಾಗ ಆಕೆ ಇನ್‌ಸ್ಟಾಗ್ರಾಂ ನೋಡಿ ಒಂದು ಕ್ಷಣ ಗಾಬರಿಯಾದಳು. ಬಳಿಕ ಸಂತ್ರಸ್ತೆ ನೀಡಿದ ದೂರಿನ ಆಧಾರದ ಮೇಲೆ, ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಶ್ರವಣ್‌ನ ಇನ್‌ಸ್ಟಾಗ್ರಾಂ ಖಾತೆಯನ್ನು ಆಧರಿಸಿ ಅವನನ್ನು ಪತ್ತೆಹಚ್ಚಿ, ವಶಕ್ಕೆ ಪಡೆದು ತನಿಖೆ ಆರಂಭಿಸಿದರು.

ಇದನ್ನೂ ಓದಿ: ಆರ್​ಸಿಬಿಗೆ ಗುಡ್​ ನ್ಯೂಸ್​: 50 ಎಸೆತದಲ್ಲಿ 80 ರನ್​, ಫಾರ್ಮ್​ಗೆ ಮರಳಿದ ಸ್ಟಾರ್​ ಆಟಗಾರ! RCB

ಪೊಲೀಸರು ಶ್ರವಣ್ ಅವರ ಇನ್​ಸ್ಟಾಗ್ರಾಂ ಖಾತೆ ಪರಿಶೀಲಿಸಿದಾಗ ಆಘಾತಕಾರಿ ಸಂಗತಿಗಳು ಬೆಳಕಿಗೆ ಬಂದವು. ಆರೋಪಿ ಶ್ರವಣ್​, ಅನೇಕ ಮಹಿಳೆಯರು ಮತ್ತು ಯುವತಿಯರ ಫೋಟೋಗಳನ್ನು ಮಾರ್ಫಿಂಗ್ ಮಾಡಿ ಇನ್‌ಸ್ಟಾಗ್ರಾಮ್‌ನಲ್ಲಿ ಪೋಸ್ಟ್ ಮಾಡಿರುವುದು ಕಂಡುಬಂದಿದೆ. ಕೃತ್ಯಕ್ಕೆ ಶ್ರವಣ್ ಬಳಸಿದ್ದ ಹಾರ್ಡ್ ಡಿಸ್ಕ್‌ಗಳು, ಪೆನ್​ಡ್ರೈವ್‌ಗಳು ಮತ್ತು ಡಿವಿಡಿಗಳನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ ಎಂದು ವರದಿಯಾಗಿದೆ.

ಈ ವಿಷಯ ಬೆಳಕಿಗೆ ಬರುತ್ತಿದ್ದಂತೆ, ಬುಗ್ಗರಾಮ್ ಮಂಡಲದ ಹಲವಾರು ಹಳ್ಳಿಗಳಲ್ಲಿ ಶ್ರವಣ್​ ಪರಿಚಯವಿರುವ ಮಹಿಳೆಯರು ಮತ್ತು ಯುವತಿಯರು ತೀವ್ರ ಆತಂಕಕ್ಕೊಳಗಾಗಿದ್ದಾರೆ. ಶ್ರವಣ್ ವಿರುದ್ಧ ಪ್ರಕರಣ ದಾಖಲಿಸಲಾಗಿದ್ದು, ತನಿಖೆ ನಡೆಯುತ್ತಿದೆ ಎಂದು ಜಗಿತ್ಯಾಲ ಪಟ್ಟಣ ಸಿಐ ವೇಣುಗೋಪಾಲ್ ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/good-news-for-rcb-a-star-player-has-finally-returned-to-form

https://www.vijayavani.net/there-is-a-time-when-you-should-never-watch-reels-serious-illnesses-await