ಕೇರಳ ಸಚಿವ ಕೆ.ಟಿ.ಜಲೀಲ್​ಗೆ ಕಸ್ಟಮ್ಸ್ ನೋಟಿಸ್​

ತಿರುವನಂತಪುರ: ರಾಜತಾಂತ್ರಿಕ ಪಾರ್ಸೆಲ್​ ರೂಪದಲ್ಲಿ ಧಾರ್ಮಿಕ ಗ್ರಂಥಗಳನ್ನು ವಿದೇಶದಿಂದ ತರಿಸಿಕೊಂಡ ಪ್ರಕರಣಕ್ಕೆ ಸಂಬಂಧಿಸಿ ಸೋಮವಾರ ಕೊಚ್ಚಿಯಲ್ಲಿರುವ ಕಸ್ಟಮ್ಸ್ ಪ್ರಿವೆಂಟಿವ್ ಹೆಡ್​ಕ್ವಾರ್ಟ್ರಸ್ ನಲ್ಲಿ ವಿಚಾರಣೆಗೆ ಹಾಜರಾಗುವಂತೆ ಉನ್ನತ ಶಿಕ್ಷಣ ಸಚಿವ ಕೆ.ಟಿ.ಜಲೀಲ್​ಗೆ ಕಸ್ಟಮ್ಸ್ ಇಲಾಖೆ ನೋಟಿಸ್ ಜಾರಿಗೊಳಿಸಿದೆ.

ಡಿಪ್ಲೋಮಾಟಿಕ್​ ಪಾರ್ಸೆಲ್ ರೂಪದಲ್ಲಿ 4478 ಕಿಲೋ ಧಾರ್ಮಿಕ ಗ್ರಂಥಗಳನ್ನು ತರಿಸಿಕೊಳ್ಳಲಾಗಿತ್ತು. ಈ ಪ್ರಕರಣಕ್ಕೆ ಸಂಬಂಧಿಸಿ ಜಲೀಲ್ ಅವರನ್ನು ನ್ಯಾಷನಲ್​ ಇನ್​ವೆಸ್ಟಿಗೇಶನ್ ಏಜೆನ್ಸಿ (ಎನ್​ಐಎ), ಜಾರಿ ನಿರ್ದೇಶನಾಲಯ (ಇಡಿ) ವಿಚಾರಣೆಗೊಳಪಡಿಸಿತ್ತು.

ಇದನ್ನೂ ಓದಿ: ದೀಪಾವಳಿ ಸಂಭ್ರಮಕ್ಕೆ ಸಾವರಿನ್ ಗೋಲ್ಡ್ ಬಾಂಡ್: ಗ್ರಾಂಗೆ 5,177 ರೂಪಾಯಿ ದರ ಸೋಮವಾರದಿಂದ ಲಭ್ಯ

ಈ ಗ್ರಂಥಗಳನ್ನು ಮಲಪ್ಪುರಂನಲ್ಲಿ ಹಂಚಲಾಗಿದೆ. ರಾಜತಾಂತ್ರಿಕ ಪಾರ್ಸೆಲ್ ರೂಪದಲ್ಲಿ ಬಂದ ವಸ್ತುಗಳನ್ನು ಈ ರೀತಿ ಹಂಚುವುದು ಪ್ರೊಟೋಕಾಲ್​ ಉಲ್ಲಂಘನೆಯಾಗಿದ್ದು, ಕಸ್ಟಮ್ಸ್ ಅಧಿಕಾರಿಗಳು ಇದರ ವಿರುದ್ಧ ಕೇಸ್ ದಾಖಲಿಸಿಕೊಂಡಿದ್ದಾರೆ. ಇದರ ತನಿಖೆ ಈಗ ಪ್ರಗತಿಯಲ್ಲಿದೆ. (ಏಜೆನ್ಸೀಸ್)

https://www.vijayavani.net/pslv-c49-to-launch-eos-01-and-nine-customer-satellites-today-afternoon/