ಇಒಎಸ್​-01 ಉಪಗ್ರಹ ಉಡಾವಣೆ ಇಂದು

ಚೆನ್ನೈ: ರಾಡಾರ್ ಇಮೇಜಿಂಗ್ ಉಪಗ್ರಹ ಇಒಎಸ್​-01 ಸೇರಿ 10 ಉಪಗ್ರಹಗಳನ್ನು ಇಂದು ಉಡಾವಣೆ ಮಾಡುವುದಕ್ಕೆ ಇಸ್ರೋ ಸಜ್ಜಾಗಿದೆ. ಈಗಾಗಲೇ ಇದಕ್ಕೆ ಕೌಂಟ್​ ಡೌನ್ ಶುರುವಾಗಿದ್ದು, ಶ್ರೀಹರಿ ಕೋಟಾದ ಮೊದಲನೇ ಲಾಂಚ್​ ಪ್ಯಾಡ್​ನಿಂದ ಅಪರಾಹ್ನ 3.02 ಗಂಟೆಗೆ ಉಡಾವಣೆಯಾಗಲಿದೆ.

ಇಒಎಸ್​-01 ಉಪಗ್ರಹ ಈ ಮೊದಲು ರಿಯಾಸ್ಯಾಟ್​-2ಬಿಆರ್​2 ಆಗಿತ್ತು. ಅದರಲ್ಲಿ ಸಿಂಥೆಟಿಕ್​ ಅಪರ್ಚರ್​ ರಾಡಾರ್ ಇದ್ದು, ಎಲ್ಲ ಹವಾಮಾನ ಪರಿಸ್ಥಿತಿಯಲ್ಲೂ ಫೋಟೋ ತೆಗೆಯುವ ಸಾಮರ್ಥ್ಯಹೊಂದಿದೆ. ಹಗಲು ಮತ್ತು ರಾತ್ರಿ ನಿಗಾ ಇರಿಸುವ ದೃಷ್ಟಿಯಿಂದ ಈ ಉಪಗ್ರಹ ಹೆಚ್ಚಿನ ಮಹತ್ವ ಪಡೆದುಕೊಂಡಿದೆ. ಎಲ್ಲ ರೀತಿಯ ನಾಗರಿಕ ಚಟುವಟಿಕೆಗಳೂ ಇದರಲ್ಲಿ ದಾಖಲಾಗಲಿವೆ. ಭದ್ರತೆ, ಸುರಕ್ಷತೆಯ ದೃಷ್ಟಯಿಂದ ನಿಗಾ ಇರಿಸುವುದಕ್ಕೆ ಇದನ್ನು ಉಪಯೋಗಿಸಲಾಗುತ್ತಿದೆ.

ಇದನ್ನೂ ಓದಿ:  ತಾಂತ್ರಿಕ ಕಾರಣಕ್ಕೆ ‘GISAT-1’ಉಪಗ್ರಹ ಉಡಾವಣೆ ಮುಂದೂಡಿದ ಇಸ್ರೋ

ಇಂದಿನ ಉಡಾವಣೆಯೊಂದಿಗೆ ಇಸ್ರೋ ಒಟ್ಟು 328 ವಿದೇಶಿ ಉಪಗ್ರಹ ಉಡಾವಣೆ ಮಾಡಿದ ದಾಖಲೆ ನಿರ್ಮಿಸಲಿದೆ. ಭಾರತದ ಉಪಗ್ರಹದ ಹೊರತಾಗಿ, ಲಿಥುವಾನಿಯಾ (1-ಟೆಕ್ನಾಲಜಿ ಡೆಮಾನ್​ಸ್ಟ್ರೇಟರ್​), ಲಕ್ಸಂಬರ್ಗ್​ ( ಕ್ಲಿಯೋಸ್ ಸ್ಪೇಸ್​ನಿಂದ 4 ಮಾರ್ಟೈಮ್​ ಅಪ್ಲಿಕೇಶನ್​ ಸ್ಯಾಟಲೈಟ್ಸ್ ), ಅಮೆರಿಕದ 4 ಲೆಮುರ್​ ಮಲ್ಟಿ ಮಿಷನ್ ರಿಮೋಟ್​ ಸೆನ್ಸಿಂಗ್ ಉಪಗ್ರಹಗಳು ಸೇರಿ 9 ಇತರೆ ಉಪಗ್ರಹಗಳು ಪಿಎಸ್​ಎಲ್​ವಿ-ಸಿ49 ಮೂಲಕ ಉಡಾವಣೆಯಾಗಲಿವೆ. (ಏಜೆನ್ಸೀಸ್)

https://www.vijayavani.net/soverign-gold-bond-rbi-fixes-issue-price-at-rs-5177-per-gram-ahead-of-diwali-subscription-from-nov-9/