ಜೀವನಾಧಾರ ಕೃಷಿ ಪದ್ಧತಿ: ಜೀವನಕ್ಕೆ ಬೇಕಿರುವುದು ಆಹಾರ, ಆಶ್ರಯ, ಆದಾಯ ಈ ಮೂರು. ನಿಲ್ಲೋದಕ್ಕೊಂದು ನೆಲೆ, ಉಂಡು- ಉಪಚರಿಸುವುದಕ್ಕೆ ಬೆಳೆ, ಓಡಾಡೋದಕ್ಕೆ ಹಣ, ಇವನ್ನ ಇದ್ದ ಭೂಮಿಯಲ್ಲೇ ಸಂಪಾದಿಸುವುದು ಜೀವನಾಧಾರ ಕೃಷಿಯ ಧ್ಯೇಯ. ಇದೇ ಅಂಶವನ್ನು ಅಳವಡಿಸಿಕೊಂಡು ದಿನದ ಭತ್ಯೆ, ವಾರದ ಬಟಾವಾಡಿ, ತಿಂಗಳ ವೇತನ, 6 ತಿಂಗಳ ಸಂಭಾವನೆ, ವರ್ಷದ ಆದಾಯ, ಬಹುವರ್ಷದ ವಿಮೆ ರೂಪದ ಹಣ ಬರುವ ದಾರಿಯನ್ನು ಸೃಷ್ಟಿಸಿಕೊಳ್ಳಬೇಕು. ದಿನದ ದುಡಿಮೆಗೆ ಮೊಟ್ಟೆ, ವಾರದ ಸಂತೆಗೆ ಕೋಳಿ/ತರಕಾರಿ, ತಿಂಗಳ ಸಂಬಳಕ್ಕೆ ಹಾಲು, 3 ತಿಂಗಳ ದುಡ್ಡಿಗೆ ಭತ್ತ, ವರ್ಷಕ್ಕೆ ಅಡಕೆ, ವಿಮೆಗೆ ಅರಣ್ಯ ಕೃಷಿ ಇವುಗಳ ಅಳವಡಿಕೆ ಪರಿಣಾಮವೇ ಮುತ್ತಣ್ಣ ಬಹುಮೂಲದಿಂದ 1 ವರ್ಷಕ್ಕೆ ಕೋಟಿ ರೂ. ದುಡಿಯುತ್ತಿದ್ದಾರೆ.
