ರಾಜ್ಯದಲ್ಲಿ ಕೋವಿಡ್​ 19 ಹೊಸ ಕೇಸ್ 210: ಇಂದಿನ ಮರಣ ಪ್ರಮಾಣ 12

ಬೆಂಗಳೂರು: ರಾಜ್ಯದಲ್ಲಿ ನಿನ್ನೆ ಸಂಜೆ 5 ಗಂಟೆಯಿಂದ ಇಂದು ಸಂಜೆ 5 ಗಂಟೆಯವರೆಗಿನ 24 ಗಂಟೆ ಅವಧಿಯಲ್ಲಿ ಕೋವಿಡ್​ 19 ನ 210 ಹೊಸ ಕೇಸ್​ಗಳು ಖಚಿತವಾಗಿವೆ. ಅದೇ ರೀತಿ 12 ಸೋಂಕು ಪೀಡಿತರು ಮೃತಪಟ್ಟಿದ್ದಾರೆ. ಇದರೊಂದಿಗೆ ರಾಜ್ಯದಲ್ಲಿ ಒಟ್ಟು ಕೋವಿಡ್ ಸೋಂಕಿತ ಸಂಖ್ಯೆ 8 ಸಾವಿರದ ಸನಿಹ ತಲುಪಿದೆ.

ಇಂದಿನ 210 ಕೇಸ್​ಗಳೊಂದಿಗೆ ರಾಜ್ಯದಲ್ಲಿ ಒಟ್ಟು 7,944 ಕೇಸ್​ಗಳಾಗಿದೆ. ಮರಣ ಪ್ರಮಾಣ ಒಟ್ಟು 114 ತಲುಪಿದ್ದು, ಇದರಲ್ಲಿ 4 ಪ್ರಕರಣಗಳಲ್ಲಿ ಸೋಂಕು ಪೀಡಿತರು ಅನ್ಯಕಾರಣಗಳಿಗೆ ಮೃತಪಟ್ಟಿದ್ದಾರೆ. ಈ ದಿನ ಆಸ್ಪತ್ರೆಯಿಂದ ಒಟ್ಟು 179 ಜನ ಸೋಂಕು ಮುಕ್ತರಾಗಿ ಬಿಡುಗಡೆ ಹೊಂದಿದ್ದಾರೆ. ಇದರೊಂದಿಗೆ ಸೋಂಕು ಮುಕ್ತರಾದವರ ಸಂಖ್ಯೆ 4,983 ತಲುಪಿದೆ. ಒಟ್ಟು ಸಕ್ರಿಯ ಪ್ರಕರಣಗಳು 2, 843. ಐಸಿಯುನಲ್ಲಿ 73 ಜನ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಇದನ್ನೂ ಓದಿ: VIDEO|ಗಡ್ಡ ಪ್ರಿಯರು ತಲೆ ಕೆಡಿಸಿಕೊಳ್ಳಬೇಕಾದ ಸುದ್ದಿ!

ಜಿಲ್ಲಾ ಮಟ್ಟದ ಡೇಟಾ ಗಮನಿಸಿದರೆ, ಬಳ್ಳಾರಿ ಮತ್ತು ಕಲಬುರಗಿಯಲ್ಲಿ ಇಂದು ಗರಿಷ್ಠ 48 ಪ್ರಕರಣಗಳು ಖಚಿತವಾಗಿವೆ. ದಕ್ಷಿಣ ಕನ್ನಡ 23, ರಾಮನಗರ 21, ಬೆಂಗಳೂರು ನಗರ 17 ಕೇಸ್​ಗಳು ಖಚಿತ ಪಟ್ಟಿದ್ದು ಟಾಪ್ 5ರ ಪಟ್ಟಿಯಲ್ಲಿವೆ. ಒಟ್ಟಾರೆ ಪ್ರಕರಣಗಳ ಪಟ್ಟಿಯಲ್ಲಿ ಕಲುಬರಗಿ 1074, ಉಡುಪಿ 1039 (ಇಂದು ಯಾವುದೇ ಕೇಸ್ ಇಲ್ಲ), ಯಾದಗಿರಿ 873, ಬೆಂಗಳೂರು ನಗರ 844, ರಾಯಚೂರು 414 ಕೇಸ್​ಗಳೊಂದಿಗೆ ಟಾಪ್ 5ರ ಪಟ್ಟಿಯಲ್ಲಿ ಕಾಣಿಸಿಕೊಂಡಿವೆ.

https://www.vijayavani.net/2987-active-corona-cases-in-the-state/