ರಾಜ್ಯದಲ್ಲಿ ಏರುತ್ತಲೇ ಇದೆ ಕರೊನಾ; ಇಂದು ಸೋಂಕಿನ ಪ್ರಮಾಣ ಮತ್ತೆ ಬಹುತೇಕ ದುಪ್ಪಟ್ಟು

ಬೆಂಗಳೂರು: ರಾಜ್ಯದಲ್ಲಿ ಕರೊನಾ ಸೋಂಕಿನ ಪ್ರಮಾಣ ಹೊಸ ವರ್ಷದಿಂದ ಏರುತ್ತಲೇ ಇದ್ದು, ನಿನ್ನೆ ದುಪ್ಪಟ್ಟಾಗಿದ್ದಾರೆ, ಇಂದು ಬಹುತೇಕ ಎರಡು ಪಟ್ಟಾಗಿದೆ. ಮತ್ತೊಂದೆಡೆ ಒಮಿಕ್ರಾನ್ ಪ್ರಕರಣಗಳೂ ಹೆಚ್ಚಾಗುತ್ತಿದ್ದು, ರೂಪಾಂತರಿ ಕೂಡ ಆತಂಕಕಾರಿ ಆಗಿ ಪರಿಣಮಿಸಿದೆ.

ಜ. 1, 2 ಮತ್ತು 3ರಂದು ಸತತವಾಗಿ 1 ಸಾವಿರ ಜನರಲ್ಲಿ ಸೋಂಕು ದೃಢಪಟ್ಟಿದ್ದು, ಜ. 4ರಂದು ದುಪ್ಪಟ್ಟಾಗಿತ್ತು. ಅಂದರೆ ನಿನ್ನೆ 2, 479 ಮಂದಿಯಲ್ಲಿ ಸೋಂಕು ದೃಢಪಟ್ಟಿತ್ತು. ಒಮಿಕ್ರಾನ್ ಸೋಂಕಿನ ಪ್ರಮಾಣ 77ಕ್ಕೆ ಏರಿತ್ತು. ಅಲ್ಲದೆ ಪಾಸಿಟಿವಿಟಿ ದರ ಶೇ. 2.59 ಆಗಿತ್ತು.

ಇದನ್ನೂ ಓದಿ: ನಡುರಸ್ತೆಯಲ್ಲೇ ಗುಂಡಿಟ್ಟು ಕೊಂದರು; ಕಾರೊಳಗೇ ರಕ್ತದ ಮಡುವಲ್ಲಿ ಬಿದ್ದು ಪ್ರಾಣಬಿಟ್ಟ ರಿಯಲ್​ ಎಸ್ಟೇಟ್ ಉದ್ಯಮಿ

ಆದರೆ ಇಂದು ಕಳೆದ ಇಪ್ಪತ್ತನಾಲ್ಕು ಗಂಟೆಗಳಲ್ಲಿ 4,246 ಮಂದಿಯಲ್ಲಿ ಕರೊನಾ ಸೋಂಕು ದೃಢಪಟ್ಟಿದ್ದು, ನಿನ್ನೆಗಿಂತ ಬಹುತೇಕ ದುಪ್ಪಟ್ಟಾಗಿದೆ. ಈ ಪೈಕಿ ಶೇ. 85 ಅಂದರೆ 3,605 ಪ್ರಕರಣಗಳು ಬೆಂಗಳೂರಿನಲ್ಲೇ ಪತ್ತೆಯಾಗಿವೆ. ಅಲ್ಲದೆ ಪಾಸಿಟಿವಿಟಿ ಪ್ರಮಾಣ ಕೂಡ ಶೇ. 3.33ಗೆ ಏರಿದ್ದು, ಒಮಿಕ್ರಾನ್ ಪ್ರಕರಣಗಳ ಸಂಖ್ಯೆ 226 ಆಗಿದೆ. ಒಟ್ಟಿನಲ್ಲಿ ಕೋವಿಡ್​ ತೀವ್ರಗತಿಯಲ್ಲಿ ವ್ಯಾಪಿಸುತ್ತಿದ್ದು, ಸರ್ಕಾರ ಹೆಚ್ಚಿನ ನಿಗಾ ವಹಿಸುವ ಜತೆಗೆ ಜನರು ಕೂಡ ಸೂಕ್ತ ಮುನ್ನೆಚ್ಚರಿಕೆ ವಹಿಸುವುದು ಅಗತ್ಯವಾಗಿದೆ.

https://www.vijayavani.net/india-reports-first-omicron-linked-death-in-rajasthan/

https://www.vijayavani.net/mummy-gives-birth-to-twins-just-15-mins-apart-but-in-different-years/

https://www.vijayavani.net/upendra-recalled-33-years-old-memory/