ಪ್ರಕರಣವೇನು?: ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ಮೂಲದ ನಾಗೇಶ್ 2013ರಲ್ಲಿ ಮಂಗಳೂರಿನಲ್ಲಿ ವಾಸವಿದ್ದ. ಅಲ್ಲಿ ಪರಿಚಯವಾಗಿದ್ದ 69 ವರ್ಷದ ವೃದ್ಧೆಯ ಮನೆಗೆ ಜು.14ರಂದು ನುಗ್ಗಿದ್ದ ನಾಗೇಶ್ ಚಾಕು ತೋರಿಸಿ ಬೆದರಿಸಿ ಅತ್ಯಾಚಾರವೆಸಗಿದ್ದಲ್ಲದೆ, 5,500 ರೂ. ನಗದು ಹಾಗೂ 51 ಸಾವಿರ ರೂ. ಮೌಲ್ಯದ ಚಿನ್ನಾಭರಣ ದೋಚಿ ಪರಾರಿಯಾಗಿದ್ದ. ನಾಗೇಶ್ನನ್ನು ಬಂಧಿಸಿದ್ದ ಪೊಲೀಸರು ಅತಿಕ್ರಮ ಪ್ರವೇಶ, ಅತ್ಯಾಚಾರ, ದರೋಡೆ ಹಾಗೂ ಜೀವ ಬೆದರಿಕೆ ಆರೋಪಗಳಡಿ ಪ್ರಕರಣ ದಾಖಲಿಸಿ, ವಿಚಾರಣಾ ನ್ಯಾಯಾಲಯಕ್ಕೆ ದೋಷಾರೋಪಪಟ್ಟಿ ಸಲ್ಲಿಸಿದ್ದರು. ವಿಚಾರಣಾ ನ್ಯಾಯಾಲಯ ನಾಗೇಶ್ನನ್ನು ದೋಷಿ ಎಂದು ತೀರ್ಮಾನಿಸಿ ಅತ್ಯಾಚಾರ ಪ್ರಕಣದಲ್ಲಿ ಜೀವಾವಧಿ ಶಿಕ್ಷೆ ವಿಧಿಸಿ 2014ರ ನವಂಬರ್ನಲ್ಲಿ ತೀರ್ಪು ನೀಡಿತ್ತು.
