ನಗರದ ರಹಮತ್ ನಗರದ ನಿವಾಸಿ ಪ್ರಶಾಂತ್ ಕೊರಿಯರ್ ಬಾಯ್ ಆಗಿ ಕೆಲಸ ಮಾಡುತ್ತಿದ್ದು, ಈತ 2020ರಲ್ಲಿ ತೇಜಸ್ವಿನಿ ಎಂಬಾಕೆಯನ್ನು ವಿವಾಹವಾಗಿದ್ದನು. ಇಬ್ಬರ ನಡುವೆ ದಾಂಪತ್ಯ ಜೀವನವು ಚೆನ್ನಾಗಿಯೇ ಇತ್ತು. ಇದೇ ತಿಂಗಳ 20ರಂದು ಪ್ರಶಾಂತ್ ತನ್ನ ಸಂಬಂಧಿಕರ ಮನೆಯಲ್ಲಿ ಕಾರ್ಯಕ್ರಮವಿದ್ದು, ಒಟ್ಟಿಗೆ ಹೋಗೋಣ ಎಂದು ಹೇಳಿದ್ದನು. ಆದರೆ ಆಕೆ ತನಗೆ ಆಸಕ್ತಿ ಇಲ್ಲ, ಹಾಗಾಗಿ ಬರಲು ಸಾಧ್ಯವಿಲ್ಲ ಎಂದಿದ್ದಾಳೆ.
ಕೊನೆಗೆ ಪ್ರಶಾಂತ್ ಫಂಕ್ಷನ್ಗೆ ತೆರಳಿದ್ದು, ಹಿಂತಿರುಗಿ ಬಂದಾಗ ಮನೆಯಲ್ಲಿ ಪತ್ನಿ ಕಾಣಲಿಲ್ಲ. ಅಲ್ಲದೇ ಮನೆಯಲ್ಲಿ ಆಕೆಯ ಬಟ್ಟೆ, ಚಿನ್ನ ಅಥವಾ ನಗದು ಕಾಣದೇ ಇದ್ದಿದ್ದನ್ನು ಕಂಡು ಕಂಗಾಲಾಗಿದ್ದಾನೆ. ಏನು ನಡೆದಿರಬಹುದೆಂದು ಯೋಚಿಸುತ್ತಿರುವಾಗಲೇ ತನ್ನ ಸ್ನೇಹಿತ ಕಿರಣ್ ಕೂಡ ತಾನು ಕೆಲಸ ಮಾಡುತ್ತಿದ್ದ ಕಂಪನಿಯಿಂದ ನಾಪತ್ತೆಯಾಗಿರುವ ಮಾಹಿತಿ ಸಿಕ್ಕಿದೆ. ಆಗ ಪ್ರಶಾಂತ್ಗೆ ಎಲ್ಲವೂ ಅರ್ಥವಾಗಿದೆ.
